ZKIZ Archives


胡孟青:來來坐艇曱甴屋

1 : GS(14)@2012-07-05 22:21:12

話緊的號碼入了tag
http://www.sharpdaily.hk/article/fin/20120705/108512
早幾年有老牌工業股老闆金蟬脫殼變身成為文化產業股,望富二代公子注入夢工程畫出彩虹,誰知當股價藉概念炒高,公子跑車與遊艇就越換越豪,要令人以為公司業務好標青,成功極速散貨;香港人勢利,話之你有錢揸法拉利冇錢入油。
主事人連中間人都可慳番,只因透過其中一位家族也是開廠起家的靚女藝員搭路呼朋喚友,招呼一群大婆台星星上船開P,公子更大吹大擂,令人家暈船浪,以為佢隻股仔真係會飛天,每粒星閒閒哋押注幾十萬銀,諗住街外錢大家搵,返錄影廠再廣傳開去,結果呢?由幕前小星星到幕後錄影廠工作人員,通通都輸。須知股價不是完全沒進賬,否則如何能吸引人加碼、追貨?
上市公司股價在星星們落叠後依然續炒高,單純的星星們自然會Let profit run,以為自己決定好明智,讓利潤續滾存,惜公司業務表面好似好透明,原來大股東及富二代已在背後悄悄透過炒高、拆細、再炒高的舊橋迷惑小股東,讓坊間沉醉股價之長升長有,忽略基本因素其實毫無寸進。最終上市公司因大幅虧損股權旁落,已持股但股價越跌越不肯止蝕的台前幕後一眾人等,顯然以為自己只是坐艇,還未為意自己其實早已被引導墮進艇上的「來來曱甴屋」,打開一看,全部死屍。
胡孟青
獨立股評人
2 : GS(14)@2012-07-05 22:21:36

話之你有錢揸法拉利冇錢入油。

話緊陳法拉好肯定,所以是55
3 : GS(14)@2012-07-05 22:23:34



炒高拆細炒高
4 : GS(14)@2012-07-05 22:23:46

http://www.hkexnews.hk/listedco/ ... TN20071003229_C.pdf
1拆20
5 : 收息人(26699)@2012-07-05 22:49:38

誒, 永恒嘅悲劇
6 : GS(14)@2012-07-05 23:05:44

邊個迫你玩先
7 : 人人大風(57441)@2016-03-31 21:32:06

他不停的炒低,有買就快的走
8 : GS(14)@2016-04-01 11:48:32

無得你玩了
胡孟 孟青 來來 坐艇 艇曱
PermaLink: https://articles.zkiz.com/?id=280073

利世民:前海咪又係地產!

1 : GS(14)@2012-07-05 22:27:02

http://www.sharpdaily.hk/article/fin/20120705/108506
好耐之前,內地改革開放要有「試點」,就搞經濟特區。
當年,可以一步步開放,因為工業生產,點都要有個地方,有物理上嘅配套。不過,就算今日睇番轉頭,呢種「試點式」改革開放,通常都會遇到問題,尤其係流動人口。到最後,都係經過幾十年,全國都開放,先至慢慢一齊富起來。
幾十年前,搞經濟特區,因為政治上有死硬派,仍然唔信市場。今時今日,我諗大陸都冇人會想返轉頭。所以,乜嘢深圳前海金融合作區,真係睇到我一頭煙。再講,資本呢樣嘢,無形無實體,點解要一個地方去做試點呢?
有熟悉國情高人指,前海係深圳最後一塊可以發展嘅土地。大陸同胞嘅城市規劃,乜乜金融區,永遠都係最貴嘅地皮,所以,深圳市政府,當然會條件式反射咁去諗,點樣可以成功爭取將前海「打造」成金融區。不過,前幾年,大陸中央又有指令,唔准地方政府亂咁話自己係乜乜金融區,掛羊頭賣狗肉變相搞地產。結果,前海要用金融區呢個定位,都要搞到中央祝福。
話說回頭,睇到有大陸官方媒體,話前海第日會係「新香港」,不期然我就諗:「究竟係香港會越來越似大陸,走向封閉?定係大陸越來越開明呢?」不過可以肯定,大陸地方政府學咗香港嗰套,乜都可以變成地產項目!
利世民
利世 世民 前海 咪又 又係 地產
PermaLink: https://articles.zkiz.com/?id=280074

蔡東豪:「我們痛失廣東道。」

1 : GS(14)@2012-07-05 22:35:03

http://www.sharpdaily.hk/article/fin/20120705/108504
「我們痛失廣東道。」
《蘋果日報》
回歸15年,傳媒紛紛推出特輯,細看香港有甚麼變了。《蘋果日報》有一篇有意思的分析,指回歸後香港人失去一片土地,叫廣東道。年初發生的「D&G事件」,就是在廣東道,正好反映了失去這片土地後對香港人的影響。
從一面看,失去廣東道沒甚麼大不了,香港還有很多未被名店和內地人侵佔的街道。自由行對香港經濟幫助又大又直接,所有人身邊都有人受惠。
我生於接近鄧小宇年代,同意他在報上的說法,他說他不是戀棧殖民地,只是不願見到回歸後單一化,廣東道清一色是名牌和珠寶錶行。如鄧小宇,我懷念海運大廈的辰衝書店,那年代接觸外國文化主要是靠光顧英文書店。
我希望現在廣東道的景象,只代表內地人進步過程的一個段落。
蔡東豪
蔡東 東豪 我們 痛失 廣東
PermaLink: https://articles.zkiz.com/?id=280075

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019