ZKIZ Archives


利世民:我遺憾你個遺憾

1 : GS(14)@2012-06-09 15:33:08

http://www.sharpdaily.hk/article/fin/20120608/99318
歷時三年半,耗資近二千萬,成三百幾頁,立法會嘅所謂雷曼報告,就連最簡單嘅一個問題都答唔到:「咁點樣監管至先堵塞到個『漏洞』?」
立法會唔係法庭,調查唔係講證據,政治演員亦唔識財經同政策,一味為咗博出位;對呢個所謂調查,老早就唔應該有任何期望。不過,呢一次係一個好好嘅機會,畀我哋睇吓香港班政治演員,係乜嘢水平。
權力及特權法,原意並唔係畀政治演員用來公審佢哋眼中嘅人民公敵。立法會調查,結果應該係點樣去改善政策,同埋有乜立法需要。睇吓人哋Dodd-Frank啦!雖然我唔贊成Dodd-Frank,但至少有得講吓道理。港式政治演員淨係識搵人祭旗、要人頭落地,點講道理?
如果要有人為事件負責,點解唔譴責「以伯南克為首嘅美國聯儲局,未有及時放水拯救雷曼兄弟」?爆煲之前幾個星期,雷曼仍然有三條A,「評級機構未能及時因應風險,降低雷曼評級」,立法會點解唔表示極度憤怒?當時亦唔少財經媒體日日話冇事,「呢班人未能預見問題發生,散佈錯誤訊息」,立法會點解又唔表示失望?
政治演員,你哋老竇老母有冇教過「有早知,冇乞兒」呢個道理?呢份報告鼓勵「輸打贏要」,我對此表示極度遺憾!

利世民
專欄電郵:SharpHK.Simon@gmail.com
Facebook專頁:www.facebook.com/AppleSimon
2 : 鱷不群(1248)@2012-06-10 17:22:24

輸打贏要,中晒point
利世 世民 遺憾 你個
PermaLink: https://articles.zkiz.com/?id=279769

胡孟青:金融寶藥黨(一)

1 : GS(14)@2012-06-09 15:33:49

http://www.sharpdaily.hk/article/fin/20120608/99324
今年港股跌多升少,升市之日又每每虎頭蛇尾,股民輸凸者多的是,亦因股市難搵食,衰股賤股充斥,輸錢也算,最慘情係連信心都輸掉,成交低迷,經紀呻到樹葉都落,話連返工車錢都蝕埋,情願走去曬太陽,好過日日坐喺盤房等運到、玩接龍;以為專替大戶操盤的經紀大哥處境會好些少,起碼其客戶當中有不少就是上市公司老闆,誰知這位大哥好唏噓咁話年初至今都係白做兼食老本,好彩早幾年上一個浪搵到些少,否則不知點算好。看來港股在面對延長交易時段大玩悶死冇命賠,經紀們已不知不覺被動加入一場生還者遊戲。
不信的話,小女子午後就走訪一家本地中小型券商,與經紀行家們打牙骹之餘,兼順道作公司探訪市場調查,以作引證。大哥所言非虛,由午後一點半至兩點半,盤房第一身所見所聞,竟然連電話也未響過,而盤房內最少也正在坐着十多名經紀。慘情!有經紀哥更苦中作樂自嘲,話快要連烏蠅飛過係公定係乸都分辨得到。經紀生意有幾慘淡不難想像,可是坊間竟然仍有無恥之徒乘機「乞兒兜搶飯食」,相信坊間已有不少經紀行甚至經紀哥哥姐姐因急於搵生意而中伏,情節之戲劇性,足以成為《警訊》的防止受騙片段題材。篇幅所限,留待下一篇再詳細交代。

胡孟青
獨立股評人
胡孟 孟青 金融 寶藥 藥黨
PermaLink: https://articles.zkiz.com/?id=279770

講膠所手記:由癲價到市價

1 : GS(14)@2012-06-09 15:36:14

http://www.sharpdaily.hk/article/fin/20120608/99320
叫香港人買地產股唔好買樓嘅「四叔」,呢頭講完嗰頭開盤,將佢嗰個「神奇跳層世紀撻定盤」天匯拎番出嚟賣,不過當年嘅每呎六、七萬「癲價」不復再,要「面對現實」貼市價開兩、三萬蚊呎咁賣。
雖然,你可以話呢次賣嘅係低層單位,邊有可能賣六萬幾銀一呎,但唔好忘記,呢幾年同天匯同區嘅好多豪宅都升晒,有啲仲升成倍,咁天匯如果堅係咁「優質」,幾年後開唔到6萬蚊呎,至少都4萬喇!就算當佢1至5樓,都嗌3萬幾一呎喇!
樓市有冇癲價,由頭到尾都係由發展商主導,呢啲癲價可以開到幾癲?視乎發展商個「良心」同「膽量」有幾大,至於話呢啲癲價係咪堅係有買家落叠,個關鍵就在於社會上有幾多個「豬兜」。

YY
講膠 膠所 手記 由癲 癲價 價到 市價
PermaLink: https://articles.zkiz.com/?id=279771

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019