ZKIZ Archives


利世民:長線投機邊樣好?

1 : GS(14)@2012-06-07 23:02:40

http://www.sharpdaily.hk/article/fin/20120607/98734
老友星期一入領匯(823),噚日好威威咁話:「既然有領匯,我都唔明點解,仲有人買啲得厘幾嘅國庫債券?」
近來好多人講,股票抵買。唔止香港,美國同大陸都有人話:「未來十年買股票好。」當然,未來十年,梗有股票跑贏。不過,係邊一隻呢?好似2007年6月蘋果出iPhone,股價都只不過係120美元左右;5年,升咗大概5倍。如果時光可以倒流,你話幾好呢?
老友:「買股其實好過買樓。股票流動性夠高,外圍有乜事,走路都快過人。香港人鍾意買樓,係因為做按揭有槓桿效應,賺到盡嘛!」
話雖如此,世上亦有唔少人為逝去嘅股票,守足一生一世。投機,當局者永遠都有佢哋嘅理由,只有事後大家先知道,究竟決定係啱定錯。
同樣,話買樓好嘅,一樣有佢哋嘅道理:「過去幾十年,買樓長線一定賺梗㗎喎!央行印銀紙,一定通脹。股票唔一定派息,股價又唔一定升。買樓,可以自住,又可以收租。」
如股票長線一定賺,樓又長線一定賺,點解有人輸錢?其實買股要揀,買樓何嘗唔係?除咗時機,投機者都要問吓自己有冇能力長揸。一百個人,同一時間買同一樣資產,都可以有一百個結果,冇話買邊樣一定贏。

利世民
專欄電郵:SharpHK.Simon@gmail.com
Facebook專頁:www.facebook.com/AppleSimon
利世 世民 長線 投機 邊樣 樣好
PermaLink: https://articles.zkiz.com/?id=279741

實力取勝:殯葬業股AGM奇想

1 : GS(14)@2012-06-07 23:03:28

http://www.sharpdaily.hk/article/fin/20120607/98738

送畀你囉,陳生...

今期樓上壹仔有個古仔好正,講班股民蝕到飛起,一於出席上市公司股東會、數臭管理層兼食番餐補數。文中介紹各間公司的股東會都準備不同食物招呼股東,唔講唔知,原來最豪係彤叔做主席嘅萬邦投資(158),今年擺咗十幾圍,盆菜加點心,做佢股東都算唔錯喎!唔怪得萬邦股價咁硬淨啦!
小股東食七咁食當補償

小弟覺得隻萬邦他日大有機會賣殼或轉型,因為淨係大股東鍾明輝同埋彤叔,已經夾埋揸咗74%,再加埋呢批長期支持嘅小股東,條街基本上冇乜貨!更重要是,公司已經冇乜特別業務,得番位於中環兩幢商廈收租,如果一個唔覺意趁好價賣咗,公司就得番隻殼。
好多股東會都有得食、有得拎,例如霸王(1338)送涼茶,旭日企業(393)送T恤,之不過做殯葬業嘅中國生命(8296)、仁智(8082),呢兩隻股都輸咗好多人錢,班小股東去到股東會,會唔會真係食七咁食、報仇咁報?佢哋或會送衣包或者香燭,又或者送龕位畀小股東咁呢?

陳承龍
爽報專欄作者
2 : GS(14)@2012-06-07 23:04:04

今日壹仔講呢樣
3 : RY(2041)@2012-06-07 23:16:31

2樓提及
今日壹仔講呢樣


金地可以諗諗佢...
4 : GS(14)@2012-06-07 23:46:44

呢隻真是等死
實力 取勝 殯葬 業股 AGM 奇想
PermaLink: https://articles.zkiz.com/?id=279742

胡孟青:中環的核心價值——和氣生財

1 : GS(14)@2012-06-07 23:04:27

http://www.sharpdaily.hk/article/fin/20120607/98740/
市況波動,成交低迷,股票經紀生意難做,行內人為期指夜市自相殘殺,不符和氣生財之道。只是本大雖可傷人,小經紀資源有限,難處亦可理解,犯不着此時再落井下石,況且延長交易時間的舉措,看穿了不也是為阿爺政策開路。惟在下只想提醒一點,將來如盤後時段出現猶如去年5月6日美國發生瞬間跌過千點頃刻又冇事發生之Flash Crash事件,或反過來掉頭挾上,期指客隨時要補孖展,監管機構甚至港交所(388)要隨時有一套應變機制,以防市場因有興風作浪者趁成交低迷的恐慌性斬倉而出現混亂。
查實行內人真正全盤了解前台與後勤市場運作者又有幾人?。
望住大利市機升市就話係基金趁低吸納,跌市就話係基金走貨,難道大行掛牌就係基金?究竟是甚麼基金?個體戶在大行有戶口落盤又算不算是基金?誰能證明買貨沽貨一方肯定是所謂坊間以為的基金?
宏觀經濟少有人分析,看多幾本《財富》、《彭博》、《經濟學人》、《金融時報》及《華爾街日報》已可「也文也武」;當然,連有關資訊也懶得參考,等本地財經報章翻繹轉載才囫圇吞棗照搬可也;如吹幾吓或搵幾件股佬大合唱幾句就升,就唔使搵莊家打起成交搭棚啦!講和做係兩回事,江湖險惡,大家好自為之。

胡孟青
獨立股評人
胡孟 孟青 中環 核心 價值 和氣 生財
PermaLink: https://articles.zkiz.com/?id=279743

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019