ZKIZ Archives


蔡東豪:「只選好的,只做對的。」

1 : GS(14)@2012-05-21 23:57:39

http://www.sharpdaily.hk/article/fin/20120521/91971
「只選好的,只做對的。」
恒隆主席陳啟宗

我未見過陳啟宗,但跟他有一種熟悉的感覺,可能是他多公開發表言論,而且不時言論出位。他每次發言,我都有衝動站在他對面,要跟他辯論。假如世上有一份工叫做「陳啟宗私人包拗頸」,我想應徵。
恒隆(101)最近在報章大賣廣告:「只選好的,只做對的。」記者問陳啟宗怎只選好的,他答:「例如買地,只買最好的地皮,地點要適中、夠大、價錢要相宜。」又靚又適中又大又便宜,即使在內地,也不可能吧!
陳啟宗只做對的,我不相信他參與內地腐敗勾結行為,正常情況下,地產市場極之Efficient,所謂又平又靚,只可能是當市場波動後,往後看的結果。
陳啟宗的8字真言,是攞威贈興風涼話,抑或是警世真言,讀者自行判斷。

蔡東豪
蔡東 東豪 只選 選好 好的 只做 做對 對的
PermaLink: https://articles.zkiz.com/?id=279481

利世民:揸現金最實際

1 : GS(14)@2012-05-21 23:58:08

http://www.sharpdaily.hk/article/fin/20120521/91973
上星期,facebook(fb)上市反高潮,最後平收。其實,如果唔係Morgan Stanley(MS)履行保薦人責任,一力托價,後果真係好難想像。有人計過,IPO規模都只不過係160億,MS用咗接近20億接貨,有成八分之一街貨坐晒。MS成單「刁」,只不過收咗6千幾萬美元,呢次真係蝕做。
fb都上埋市,股票投機者應該會忽然失落一排。離開一個超現實世界,去另一個更加超現實世界,周末G8元首去大衛營開會,議題之一,自然係歐元區未來。不過,政客來來去去都係嗰幾句標準答案,悶死人。
事實上,歐洲越來越多人相信,希臘遲早會離開歐元區。希臘銀行存款流失,甚至,連西班牙銀行都出現存款流失。現象意味着,越來越多人擔心,存款放銀行唔安全,現金會更加穩陣。其實,2011年,已經有唔少歐洲大企業,將手頭上嘅現金,先轉去安全地方,例如德國;之後,連銀行都信唔過,就將存款轉成德國國債。
兩次長期再融資操作(LTRO)之前,歐豬國嘅國債孳息,反映危機感有幾大。兩次LTRO之後,銀行可以近乎無風險賺息差,歐豬國國債價格被扭曲,已經反映唔到真相。其實由今年3月開始,德國國債已經有升無跌,老早又進入Risk On嘅模式。我覺得,o依家最好揸Cash,就算會錯過一兩次機會都係咁講。

利世民
專欄電郵:SharpHK.Simon@gmail.com
Facebook專頁:www.facebook.com/AppleSimon

PermaLink: https://articles.zkiz.com/?id=279482

胡孟青:跌市誰之過?

1 : GS(14)@2012-05-21 23:58:35

http://www.sharpdaily.hk/article/fin/20120521/91975
股市大跌,是誰之過?簡而言之,是過去大半年市場對既有問題採取視而不見態度,更甚是不斷發表非理性樂觀言論。無疑,往往事後才會孔明,幾星期前無論花旗、摩通等大行,力陳5月市況樂觀,呼籲Don't Sell in May,結果又重演去年情況。形勢比人強,傳統智慧再勝一仗,該死唔使病,亦不要再賴今晚出場的秋官。
截至上周三的一星期,區內股市走資為今年之最多,當中以中資股情況最明顯。有人歸咎大行拿區內市場發洩,當我們是提款機。但鬧大戶之前,請先問一句,賺錢獲利,是否人之常情、正常不過呢?
歐元兌美元儘管仍低於1.30水平,但上星期幾次股市大跌後,歐元某程度上似有承托,似乎要再重複去年的「班資回國」一幕。
曾幾何時,市場人士認定希臘問題不足為患,但連續兩輪拯救後,市場已變得失去耐性。希臘走,豈不是不明朗問題一掃而空?不要忘記,希臘有賴債不還的絕招。那麼以德國為首的歐盟,難道定會向希臘讓步?首先,德國僅為面子但沒義務。其次市場已看穿任何善意舉動,其實只是拖延時間。
故希臘去與留,市場似乎不會受落,於是一早做定防火牆,盡快把資金調回歐洲,多購些具備抵押功能的債券,以應付流動性一旦出現問題時「有渣拿」。

胡孟青
獨立股評人
胡孟 孟青 跌市 市誰 誰之 之過
PermaLink: https://articles.zkiz.com/?id=279483

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019