ZKIZ Archives


操盤手札記:信股神吼比亞迪

1 : GS(14)@2017-06-10 13:07:54

好佬怕爛佬,爛佬怕潑婦,上市公司就怕沽空機構!舊年12月中至今,6個月內已有7隻港股被狙擊,包括輝山(6863)、全通(633)、宏橋(1378)、豐盛(607)、瑞聲(2018)、科通(400),以及最新中伏嘅敏華(1999)。沽空機構專揀市值過百億嘅民企落手,一來民企財務報表易有破綻;二來以市值計,一日跌幾成,賬面就縮水幾十億,可以短時間賺大錢!喺超級星期四前夕,港股高位整固,跌22點,收25974,二萬六關再次得而復失。港股市底仍強,後市若能企穩二萬六關,有望挑戰技術阻力位26155;短線支持位仍睇10天線,守穩則升勢仍在。超級星期四有英國大選、歐洲央行議息、美國FBI前局長國會作證,小心!今年以嚟,環球資金集中追捧科技股。美股方面,反映科技股走勢嘅納指累升16.57%,遠遠跑贏標指嘅8.51%及道指嘅6.95%升幅。至於港股,恒生資訊科技業指數更累升36.08%,大幅拋離恒指嘅18.06%升幅,當中騰訊(700)升幅高達44.27%!跟開科技股嘅,不難發現一個有趣現象,就係近年科技股愛上汽車!除咗Google、百度先後開發無人駕駛汽車,阿里巴巴亦夥拍吉利(175)搞汽車產業智能化;騰訊則入股電動車製造商NextEV、Future Mobility及Tesla。BAT全愛汽車!汽車股本來係強勢股,但近日受吉利、長汽(2333)5月銷量放緩拖累而掉頭,其實汽車股舊年銷量激增,喺提前消耗購買力之下,今年銷量放緩係意料中事。中國建投早前發佈報告指,儘管今年新能源汽車補貼比例下降,但長期嚟睇,汽車新能源化係大勢所趨。新能源汽車龍頭係比亞迪(1211),麥格理預期該公司新能源汽車銷售比重將由舊年嘅22%提升至2019年嘅51%。比亞迪係股神畢菲特現時手上唯一嘅中資股,信股神眼光,不妨留意吓。該股現價46.85元,走勢上,呈現區域突破及三角突破。割柑人本欄逢周四刊出



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170608/20048018
操盤 手札 信股 股神 神吼 比亞
PermaLink: https://articles.zkiz.com/?id=334924

達觀心戰:旗袍.手袋.高跟鞋

1 : GS(14)@2017-06-10 13:07:53

英國大選最新的民調平均數顯示,保守黨的支持率為42.9%,領先工黨5.7個百分點,文翠珊能夠連任首相的機會很大。文太太是英國第二位女首相,外間經常把她與鐵娘子戴卓爾夫人比較。後者當年主持內閣會議,人未到已先叫隨傱把她的皮手袋放在會議桌上,很有壓場感。至於文翠珊最為人津津樂道的則是她的鞋,她經常被問及她到底擁有多少對鞋,但她一直拒絕回答。她的長、短靴、平底、高跟、雕花、蛇紋、斑馬紋、鱷魚紋、鑲寶石的,以至漆皮跳舞鞋,應有盡有。她在鏡頭前穿過的起碼有100對。據說,文翠珊把她眾多的鞋放在透明膠盒子內,方便尋找。她亦會悉心因應不同場合揀選合適的鞋,以配合她要表達的信息。外界對她的鞋感興趣可以追溯至2002年的保守黨大會,當時文翠珊穿了一對Clarks豹紋鞋以主席發言,指該黨對窮人、小數族裔和同性戀者等的冷漠態度,被人們貶為「討厭的黨」。那對鞋只售29.99英鎊,豹紋鞋從此成了她的「商標」。她說她的鞋有破冰作用,因為別人經常以她所穿的鞋來打開話匣子。她在沒有穿豹紋鞋的日子,人們都會問她為甚麼沒有着豹紋鞋。政治人物的衣飾成為個人標誌,可以引起話題,拉近與民眾的距離,女政治人物在這方面尤其有優勢。新特首林鄭月娥日後所着的旗袍,有很大的發揮空間。何安達
mailto:hoontat@yahoo.com本欄逢周四刊出



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170608/20048015
達觀 心戰 旗袍 手袋 高跟鞋 高跟
PermaLink: https://articles.zkiz.com/?id=334925

智取大市:大家有選擇遠離市場的自由

1 : GS(14)@2017-06-10 13:07:54

瑞聲(2018)停牌近三周先復牌,葛咸城出埋2.0報告,理據比1.0更不足,阻唔到股價反彈,不過要爬返上去110蚊樓上,要等投資者慢慢失憶。瑞聲特登等三個星期先復牌,時間表一定諗過度過,究竟係估計手機設備股係適時轉強?定係估計大市接近短線見頂,趁高位復牌?單睇其餘手機股今日反彈勢頭唔算強,相信瑞聲決心趁市況近高位復牌,更貼近形勢。近期喪炒內房股、然後帶起金融股、人民幣升值概念股、汽車股,再到本地地產股,到今日嘅資源商品股水泥股,升勢持續性,似乎一蟹不如一蟹。熱炒板塊嘅上行空間開始有限,如果剛剛跑出、借「雄安新區」概念炒上嘅資源商品水泥股,火速後勁不繼的話,反映整體市況有需要調整,先能夠令股價再度出現值博空間。買賣股票,係可以選擇幾時遠離市場一陣,有時等三幾個星期甚至只係幾日,就可能睇到更清晰嘅方向同機會。恒指9周RSI79.7,從來唔係埋身肉博嘅好時機,有冇下一波攻勢?先等調整再講。晉佳
http://fb.com/advanceguy1



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170608/20048220
智取 大市 大家 選擇 遠離 市場 自由
PermaLink: https://articles.zkiz.com/?id=334926

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019