ZKIZ Archives


[am獨家專訪]曾蔭權談房屋困局 最大樽頸土地開發 2016年09月07日

1 : GS(14)@2016-09-09 04:45:39

http://www.am730.com.hk/article-328531


前特首曾蔭權2012年中卸任後,鮮有公開露面及發言,他日前接受本報獨家專訪,暢談任內施政及近日社會熱門話題,今次是他退休4年後首次接受本地傳媒訪問,本報今日起一連3日刊出訪問內容。



現任特首梁振英一直主打視為「重中之重」的房屋政策,大興土木狂谷供應,但樓價未見回落,公屋3年「上樓」的承諾亦落空,梁班子將供求失衡責任歸咎於土地問題,矛頭直指向上屆政府。上任特首曾蔭權首次開腔,他回應表示欣然接受各方批評,但指亦要考量客觀環境,回想當年因應市況停止定期賣地後,也許應繼續開發新地皮,但他不諱言,開發新地皮面對不少困難,不能「移山填海」,同時要爭取地區及環保人士的支持,他形容「真係好艱難去搵新地!」
採訪:馮振超 鄭秀韻
攝影:黃文山 鍾式明 陳奕釗


由2005年2012年,曾蔭權管治香港7年,有批評者認為香港目前上樓艱難,樓價只升不跌的情況,是他任內劇減房屋供應的政策所造成。他日前接受本報專訪,當記者提出這話題,他並沒有任何不悅神色,從容地表示,「任何批評都係出於誠意,都係公平嘅!」他認為大家亦需看當時客觀環境。


金融風暴後樓價跌七成
曾蔭權曾形容房屋是一直折騰香港人的問題,他回顧97回歸後香港的經歷,99年亞洲金融風暴後,香港面臨困境,當時房地產特別是中型住宅樓價下跌六至七成,500萬元的單位狂跌至200萬元,「啲人好驚,如果房地產仲係猛谷拍(賣)地出去,都唔知會變咗咩樣,當時市民亦唔會支持。」


事後回想應更積極開發新地皮
政府當時為挽救樓市而施「重藥」,包括停止定期賣地及停建居屋。曾蔭權說,當時並非完全不供應土地,只是改用勾地制度,「當時用呢種方法,當時我覺得係準確。」他事後回想,每個政策都可以做得更好,「只係當時我哋冇做到一樣嘢,就係雖然我哋唔賣地,依家回想嚟睇,都要積極、積極開發新嘅地皮。」
但他坦言,最艱難工作是開發新地皮,「如果你問吓當時做房屋署嘅局長,或者問返(林)鄭月娥都係,佢做發展嘅,都係好艱難嘅事幹,去搵新地………」同時亦面對來自各方的阻力,「要各方支持你好艱難,有環保人士,有地區人士,個別嘅既有利益,當你去發展新土地嘅時候係好困難………」


移山又唔准 填海又唔准
「你睇番轉頭,唔係話你做咗幾多嘢,每年公營、私營房屋出產量有幾多嘅時候,你發覺都係差唔多,直到目前為止都唔會高好多………」他認為,「原因就係最大樽頸係喺土地開發」,這亦是至今仍面對的最大挑戰,「移山又唔准,填海又唔准,所有綠化土地又唔准,加高亦都唔准,點算呢?同埋密度又唔能夠增加,所以係好大挑戰!」
他多番強調,「我自己覺得可以做多啲,即係停止賣地,但開發土地亦積極去做」,但他補充,「你咁做嘅時候亦有人會鬧你,『唓,啲地都賣唔去,積極起咁多(做乜呢?)』,所以將精力放喺經濟復甦嗰度。」他不無感慨說,「回想起嚟,每個政策都有好處、有壞處,人哋嘅批評你都要接受,有啲係啱,有啲冇咁準繩都未定,但市民批評你要接受!」


每個特首都面對挑戰
梁振英上台4年,民怨大、爭議多,市民對現狀不滿,不期然出現「懷念」兩名前特首董治及曾治時期的情緒,曾蔭權對此顯得淡然,「依家年紀大咗,啲嘢睇闊咗,好多嘢灰色嘅,而且環境又唔同,每個特首都面對不同挑戰,唔會感覺上因為我做就唔同,根本掌握唔到所有資料,你都唔知人哋做得對抑或唔對。」不過,他相信任何人出任高級職位亦全心全意做事。
不過,他亦自言「好彩」,與太太外出時,總會有市民主動前來握手表示支持,「尤其係知道我有啲苦況,(他們說)我都支持你呀!」對於市民的支持,他說:「我自己好感動,仲係好感恩!」他亦提及市民懷念前特首董建華,指對方為香港做了很多事,對過渡安排亦作出很大貢獻,「我好相信呢啲係好自然現象,不過都好感恩,做到高職位,係風險高、回報高,但都要付出代價,相對都好高。」
(另有訪問內容見A4)
2 : GS(14)@2016-09-09 04:45:52

http://www.am730.com.hk/article-328532


前政務司長許仕仁因新地案而繫獄,與他相交多年的曾蔭權,曾為許仕仁撰寫求情信,面對已成階下囚的摯友,曾蔭權不禁黯然神傷,他重提對方當年合力擊退「大鱷」的貢獻,並形容許仕仁是其終生的好朋友,現時每天均會為對方祈禱。


許仕仁因收受賄款,2年前被判囚7年半。曾蔭權接受本報專訪,提及正在獄中服刑的許仕仁時,先輕揉鼻子,然後語帶哽咽,自言為對方做了頗例外的事情,「當時陪審團判佢(許仕仁)有罪時,我寫咗封信俾法官,封信講出我所有內心,對呢位老朋友嘅心境。」


獲扶持打「鱷」 功勞不可滅
曾蔭權說,「當然有好多矛盾,當(案件)審判時我先知道一啲新嘅事實,但係對於佢(許仕仁)對香港嘅貢獻真係唔少。」他重提當年亞洲金融風暴時期,彼此聯手打「大鱷」,「唔係靠佢(許仕仁)同埋任志剛兩個人嘅扶持,我自己做財政司長時好艱難做出一個、我覺得係極之困苦嘅決定,而經過一個幾辛苦嘅過程,先克服到當時嘅危機,呢個功勞佢係不可滅嘅。」
他續說,「我依家只有每日每日都為佢祈禱,我覺得佢都係我終生一個好好嘅朋友。」
亞洲金融風暴於97年7月爆發,並迅即蔓延至香港,當時財金系統「鐵三角」,即時任財政司長的曾蔭權,與當時的財經事務局長許仕仁及金管局總裁任志剛合力聯手對付炒家,並於翌年破天荒動用逾千億元公帑入市,與炒家背水一戰,最終成功擊退「大鱷」。曾蔭權05年接任特首後,力邀合作無間的許仕仁出山,出任位居政府第二把交椅的政務司長一職。
am 獨家 專訪 曾蔭權 房屋 困局 最大 樽頸 土地 開發 2016 09 07
PermaLink: https://articles.zkiz.com/?id=308099

[獨家專訪]香港發展需靠內地 曾蔭權籲互相多包容 2016年09月08日

1 : GS(14)@2016-09-09 04:46:16

http://www.am730.com.hk/article-328704


回歸後歷屆特區政府致力推動中港融合,但兩地交流近年衍生不少矛盾,前特首曾蔭權認為,香港發展一定要靠內地,否則本港各方面發展會落後於人。他又說,由於兩地分隔逾百年,雙方原有差異在融合過程中會產生一些問題,最重要是互相更多包容。


對於中港融合的長遠發展,曾蔭權抱持樂觀態度。他在訪問中明言,香港發展一定要靠內地,「依家國家發展速度咁好,係全世界差唔多去到第一、第二大經濟體系,而且發展一定向前,更加開放、更加自由、更加相像一個國際化路線,咁情況嘅時候,香港如果失咗機會,我覺得好差!」
他多番強調融合過程中必須更大包容,「要內地人包容我哋,我哋都要包容內地人,咁先能夠作為國家一分子……」他自言對此相當堅持,「因為如果唔係咁嘅時候,好快不單俾人經濟追上,而且(香港)喺社會發展、政治發展方面,你都發覺自己落後。」


憂港人包容能力低
中港經濟融合為香港帶來好處,但兩地因文化差異而產生不少問題,曾蔭權坦言,「大家分開咗隔離母體成百年,行埋一齊時梗有少少唔同,但係一定要互相知道,互相包容。」曾蔭權退休後經常到內地旅遊,他以自身經驗指內地人普遍很友善,「我覺得內地對我哋嘅包容能力,係多過我哋小部分人對內地人嘅包容能力,呢個係我擔心嘅地方。」但他說,「可能香港亦都係少數,經過媒體鏡頭攞出來,角度可能有少少歪變都未定,變咗唔得清清楚楚知道,香港亦都未必係咁都未定,我哋真係要互相多啲包容先得!」
2 : GS(14)@2016-09-09 04:46:38

http://www.am730.com.hk/article-328703


2017年將是香港回歸20年,惟不時仍有人嘆「人心未回歸」,近來「港獨」意識更有抬頭之勢。前特首曾蔭權接受本報專訪時,首次回應這個火辣議題,他認為,「有啲嘢係真嘅呢,你點消滅都消滅唔到嘅;有啲嘢係假嘅、係虛浮嘅呢,你唔使做咩佢都會自動消滅」,他認為大家應以放懷心態看待問題。
採訪:馮振超 鄭秀韻
攝影:黃文山 鍾式明 陳奕釗


「港獨」議題近期鬧得沸拂揚揚,有政團打正旗號宣揚「港獨」,中大傳播與民意調查中心於7月公布的調查,更顯示有近四成年輕人支持「港獨」。前特首曾蔭權管治香港7年,期間鮮有「港獨」爭議,是甚麼促使這股思潮出現?他接受本報專訪時,無迴避這個火辣議題,並指有一些個人看法,「我自己有啲意見嘅,但唔得成熟」,他並無具體說明。但他說:「有啲嘢係真嘅呢,你點消滅都消滅唔到嘅;有啲嘢係假嘅、係虛浮嘅呢,你唔使做咩佢都會自動消滅。」


籲放懷態度看問題
本身是虔誠天主教徒的曾蔭權,以宗教作例子,「好似兩千幾年前啲人對住基督教嘅滋長,當時猶太教一個長老話:『你唔使緊張㗎,我哋見到好多邪教出現,你唔使理一陣間佢自己自動消滅』;如果真係真理嘅時候,你撳都撳佢唔住,佢自己走出嚟,所以咁嘅態度睇,放懷啲睇呢個問題。」
他指現時社會有些走向極端,「但唔好睇少香港人,佢哋亦睇通,唔理報紙有時特別吹噓某啲言論、唔理吹噓某種嘢、特別專注睇啲負面嘅嘢,香港人睇清楚都唔係咁吖,如果唔係,你見到香港人都返嚟呢個地方最開心。」


極端言論是社會當前挑戰
提及社會上的極端言論,曾蔭權認為這是社會目前面對的挑戰。他任內曾企圖以大局著眼作溝通,與不同陣營包括與泛民主派良性互動。他認為交流溝通有助香港發展,「我諗好多人都會覺得係要咁樣啦!」但他說,「有時(溝通)都唔係容易㗎,需要有客觀條件同環境先可以做到。」他解釋,「你就算溝通都好,冇一個好極端嘅人倡扯(拉埋)中間派拉去極端位置時,比較容易傾啲,但當社會出現好極端言論,不理係左、係右、係對內、對外,一『掹』開時,政治中立同中間位置一路扯開,一扯開時溝通上愈嚟愈困難,我諗我哋依家社會面對嘅挑戰就喺呢度。」
對於是否擔心現時社會兩極化,他說,「我只係覺得香港係福地,香港人係聰明人,佢自己會做好選擇,唔好批評佢話會走去某個位置,如果(去到)某個位置發覺對長遠利益唔得好時,佢自己會走番返個位置,我諗最緊要係,任何人都要對呢個土地啲人,不止要投入去,要相信佢,一定會做番好。」
曾蔭權任內與各方「傾到偈」,被問及是否因個人包容度較高而有優勢?他即說,「唔好用相對字眼」,以免與任何人比較。他指出,每人都有特質及特性,「如果特性運用得好時,會做得好;如果運用得唔好時,或自己唔係專長做第樣嘢,可能做得冇咁好未定,但最後要接受冇一個人係完美,都有瑕疵。」他續說,「我自己嘅要求就係每個參政(從政)人士,都要面對香港市民、香港社會、香港地位、國家情懷,我哋需要成日記住,如果做公務個個懷住呢個心時,而且能夠有機會發展所長時,個個都會做得好好。」


政治環境不同 拒與現屆比較
多年未有公開發表言論的曾蔭權,接受本報訪問時隨和友善,一點架子也沒有,有問必答,唯一是不評論現屆政府及特首的處事方法,「我掌握唔到咁多事實,唔好立亂評論,而且我亦覺得唔係幾公道。」他不慍不火稱,每人做事方式均有不同,他指任內只要認為當時環境需要,便會努力爭取,當中不乏爭議極大的議題,但亦「好彩做得到」。例如在政制方面,爭取到普選時間表,他自言當時是很大的里程碑;社會福利方面亦有不少成果,「有人唔記得囉!但有啲人就好記得嘅,譬如最低工資,老人家坐車兩元,當時政治環境容許你做到啲嘢,尤其最低工資咁爭議性,但依家政治環境,如果要做,要不同方法先做到,呢個係事實,但我再講一次,我唔想做任何比較,自己對於人哋對我做啲嘢話做得好嘅,我好感恩,如果有啲批評我亦覺得好自然。」 (另有訪問內容見A4)
獨家 專訪 香港 發展 需靠 內地 曾蔭權 互相 包容 2016 09 08
PermaLink: https://articles.zkiz.com/?id=308100

周永勤爆棄選黑幕中央駐港部門威逼「我哋想當選嘅人唔係你」

1 : GS(14)@2016-09-09 04:48:42

■周永勤昨指四度被威逼棄選立會,無奈就範的他「覺得自己係雞蛋,要你散就散」。許頌明攝



【立會選戰】【本報訊】今屆立法會選舉,以周永勤棄選最哄動。早前宣佈不想惹上「更高層次麻煩」而被迫棄選的自由黨周永勤,昨終現身解謎,透露參選前四度被北京人士及中央駐港機構人員威逼利誘,要他停止選舉工程;他們以金錢與官職做餌,又要脅周永勤身邊人安全,更明言「我哋想當選嘅人唔係你」。記者:梁佩珊



原本出選新界西地區直選的周永勤,於臨近投票日,全身黑衣出席電視選舉論壇時突然宣佈棄選,他昨向傳媒交代事件始末。7月中旬,他被兩位「駐港部門」人士約見,對方直指「我哋想當選嘅人唔係你,你並冇我哋嘅祝福」,「你冇機會贏,點解你要參選」,更游說他如放棄參選立法會議員,將會有不同的官職可選擇。4日後,與周永勤有20年交情的商界朋友以金錢勸說他棄選,「你知唔知你參選會得罪好多人,你最好就唔好選」,周稱對方從不知名渠道得知自由黨給予的選舉經費,並稱有「老細」給予比選舉經費多一倍的金額作補償,但周即時警告對方言論犯法,他亦堅決繼續選舉工程。



北京人士稱對身邊人採行動

直至正式參選當日(7月19日),他再次被兩位「駐港部門」人士約見,被召到沙田辦事處的密室,明確提到他的參選會影響其他候選人,「不如你唔好選,你再選會搞到建制派攬炒,包括梁志祥同何君堯」。8月24日,3名北京人士召見他,並安排到深圳一間酒店密室會晤,要求他作出3項承諾,包括不能出席任何選舉論壇、停止選舉工程、離開香港直至點票完畢才可返港,否則對他的身邊人立即採取行動。周形容感受猶如「一個考試好勤力嘅學生,儘管成績唔係好好,但竟然有人同佢講你唔准考試,直到派成績表,你先好返嚟」。該3名北京人士表示即日向「老細」交代,要他即日做決定,周永勤形容對方掌握其家人和朋友「巨細無遺」的資料,包括背景、生活來源、生活習慣,對方皆可逐一說出,「我開始驚,呢啲係超出私家偵探可掌握嘅資訊」,他擔心身邊人因他參選而付出生命代價,於是翌日在選舉論壇上宣佈棄選。周永勤說,20年的從政工作,令他見證新界西的政治複雜性,但他始終無法理解知名度低的自己會被盯上,「參選權係應該有,何況根據民調,我係微不足道,點解仲會覺得我係一個不穩定因素,而要減少我呢個不穩定因素嘅影響呢?」



直指一國兩制蕩然無存

「大家出席記者會,唔係要關心周永勤,要關心背後選舉係咪有人操控,如果係嘅話,呢次係香港人可以喺選舉自由投票嘅最後一次。」周永勤直指北京對香港的操縱已令一國兩制蕩然無存,「操控選舉,係咪已經超越一國兩制呢,大家都心裏有數」。不過,問及被多次要求棄選是否與同區另一參選人何君堯有關,周永勤不願評論,但補充指「有人是否政治傀儡,是否有能力」,自有公論。自由黨人大代表劉健儀及政協委員周梁淑怡將就事件,分別致函人大委員長張德江和全國政協主席俞正聲,要求中央徹查,查明是否有內地人員干預本港立法會選舉。何君堯競選經理張寶玉回覆《蘋果》指,由於廉署仍在調查事件,何君堯不會回應。




來源: http://hk.apple.nextmedia.com/news/art/20160908/19764275
周永 永勤 勤爆 爆棄 棄選 黑幕 中央 駐港 部門 威逼 當選 嘅人 人唔 唔係 係你
PermaLink: https://articles.zkiz.com/?id=308101

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019