ZKIZ Archives


小心商場舖

1 : GS(14)@2011-05-26 22:36:05

http://www.inv168.com/phpBB3/viewtopic.php?t=62992
http://property.hk.msn.com/writi ... kjaak/fcf57aff.html
小心商場舖  木鐸2011年3月14日

有老友早前分家,即時經紀盈門,介紹投資機會。他非地產人,但天天張開報紙便是哪個炒家閃電發財個案,潛移默化下,覺得地產錢好易搵。有人介紹他買旺角商場舖,成十萬銀一呎,他興沖沖地問我意見。他是青梅竹馬兄弟,余自知無不言,言無不盡。我對商場舖無好感,先講租客質素,大業主海運大廈或時代廣場一類租客全是世界級名店不去說,太古城,新城市廣場等大發展商或領匯旗下的場都有一班大型連鎖店捧場,但賣散了的場的租客多是散兵遊勇。當然,散客都可以是好客,但其應付經濟起伏的能力較弱,生意稍不如意就會結業,較不穩定。今日你賺他四厘息,市況逆轉,你會納空租時又或面對樓價跌,就因小失大。經紀推銷慣技是西洋菜街都幾多幾多錢一呎,幾千萬一個舖,現同一條街,只不過是上樓的商場,又有租約,「緊係抵買啦」。

無錯,今日某商場可能人頭湧湧,車水馬龍,但物業投資是一件好長遠的事,要考慮經濟有上落,花無百日紅,這類舖的租金在低潮時的表現會如何呢,說真的,散業主持有的商場舖的租戶質素,我不大有信心。同時,商場舖在銀行按揭估價方面向來比住宅差,所以現商場的人不及住宅普及,市況一轉,走貨也不易。還有,商場舖實用率定遠比街舖低,街舖可24小時營業,商場舖限時限刻,商場舖有管理費,冷氣,水電費,街舖無。投資商舖,我寧買街舖。從往績可見,商場舖好凶險,佐敦廣場位處市中心,因個場做不起,無人交管理費,成個場無水電,若你持有其中一個舖,肯一元租給人,也無人租。這類旺區地獄商場例子不少,豉油街砵蘭街交界「東京銀座」就是英雄塚。名動一時的油麻地中僑舊址,改壞名「現時點」,現花名「將來點」,好多投資者損手。旺市時,我們常見人劏商場賣,接貨者今有幾多個大富大貴呀?把握到氣氛,閃電入,轉眼出,火中取栗可以,長期持有就好大風險。以前位大哥梁子亨善長劏場劏客,劏過很多不同區的場,都叫MRT,大家有興趣可睇睇這些場的近況。多年前尖沙咀重慶大廈地庫曾分間商場散賣,結果斷水斷電,做了多年鬼域,後有人統一業權,重新包裝才起死回生。商場真是好難做,統一業權的場已不易為,何況是散的。就算天時地利人和,好景一輪,經濟有上落,低潮時又如何呢?若是街舖,租給人散貨短約也可以吧,且街舖丟空的開支也不大,商場無人租也要交管理費,水電。香港人總是善忘,每次牛市去到第三期,便有人劏場出來賣,不久就聽到有人接火棒的消息。當然,世上好多例外事情,做手提電話起名的先達或潮人聖地旺角中心等不是人流魚鯽,空置率低嗎?是商場中成功的例子嗎?請勿忘記,舖位市場始終是小眾投資工具,不似住宅普及,要撤退時,不似住容易,所以若然同是謀那三四厘息,我寧願買件穗禾苑了,再者,銀行按揭方面,買住宅總易過舖,商場舖更加,要玩槓桿,都是住宅好。我好忠誠咁同個老友講,他有祖蔭,成世唔做都唔會乞,貪那三四厘息,以價值一千萬的商場舖計,收租約三四萬元,若有不測,蝕一兩成好平常,那就是一兩百萬元,何苦為那可恥的租金回報而擔驚受怕,想贏粒糖,而冒險輸間廠呢!老豆教落,吹嫖酒都不會急速敗家,賭同做生意(包括投資)就會令人很短時間內一無所有。做生意或投資要做自己熟悉行業,忌耳仔軟聽人講(尤其經紀)。無把握,寧可游手好閒,花天酒地,花的錢都有限。我今日便與這位多年老友分享這個老掉牙齒的投資哲學,然後到夜總會歎紅酒去也!
2 : 龍生(798)@2011-05-26 23:42:45

這篇文真的很有深度...

提供多一個鬼域商鋪...
銅鑼坊...red more...

美漢大廈一樓....
3 : 自動波人(1313)@2011-05-27 04:07:19

其實呢d商場,要起死回生真係唔易,要有主題先可番生

多年前尖沙咀百利廣場,都係死城一個,而家專攻婚禮生意,成個場爆晒,一年加一倍租
4 : Wilbur(1931)@2011-05-27 09:18:28

商場最緊要係tenant mix

賣散左o個d根本死硬

除非個商場專攻一瓣做到成行成市(agglomeration)

不過冇大業主管理,又談何容易
5 : passport(1491)@2011-05-28 09:18:12

3樓提及
其實呢d商場,要起死回生真係唔易,要有主題先可番生

多年前尖沙咀百利廣場,都係死城一個,而家專攻婚禮生意,成個場爆晒,一年加一倍租
專攻1樣睇黎係呢D場既出路
6 : GS(14)@2011-05-28 11:34:54

有特色,專心一樣根本就是做好一件事需要的
7 : 亞力士(1473)@2011-05-28 23:30:40

5樓提及
3樓提及
其實呢d商場,要起死回生真係唔易,要有主題先可番生

多年前尖沙咀百利廣場,都係死城一個,而家專攻婚禮生意,成個場爆晒,一年加一倍租
專攻1樣睇黎係呢D場既出路



我好懷疑 暫時睇 都係做婚姻生意先得 d人會諗一世人一次 加上港女當道

比如電腦塲 唔係有心就做得起 要天時地利人和 好似重慶大厦咁 食咖喱係佢 非洲做生意又係佢
8 : GS(14)@2011-05-29 10:29:48

那個在油麻地的電腦商場都玩完,重慶大廈真是甚麼也有
9 : idsdown(1658)@2011-05-29 11:47:17

8樓提及
那個在油麻地的電腦商場都玩完,重慶大廈真是甚麼也有


我上去一次咁大把, 為換領禮券
10 : skycity(2352)@2011-06-03 17:56:59

9樓提及
8樓提及
那個在油麻地的電腦商場都玩完,重慶大廈真是甚麼也有
高上去一次咁大把, 為換領禮券


我都有去過一次都係信用卡簽帳換領禮券,地點算不錯的油麻地地鐵旁邊,又在彌敦道跟窩打老道交界,
但個場真係水淨鵝飛,無咩人行.smiley
11 : 黃金蟲(1617)@2011-06-05 12:19:54

樓上是我 post幹麼轉移了 .....
12 : idsdown(1658)@2011-06-05 14:43:17

點解訪客個頭像同鱷不群個頭像會一樣ga, 成日認錯人
13 : 龍生(798)@2011-06-06 01:40:18

係LOR....我都成日睇錯誤會...

因為成日係成人區見到好多鱷兄.....
14 : GS(14)@2011-06-06 11:13:36

15樓提及
係LOR....我都成日睇錯誤會...

因為成日係成人區見到好多鱷兄.....


等壇主番來先搞到
15 : fineram(806)@2011-06-06 21:04:04

YMT In's point 以前都好冷清, 多左玩具店進駐, 情況好好多.

但 10 多年前潮人的 百利先死而後生, 到 10 年前潮人地 利時 冷清.
16 : 龍生(798)@2011-06-07 23:16:52

什麼價錢? 頗有興趣啊

不過應該唔會平
17 : 龍生(798)@2011-06-08 00:07:29

很有趣...但太貴了, 風險太大...
但考慮到天水圍的規劃...又覺得變數不大.....
18 : 龍生(798)@2011-06-08 11:39:56

5m ...都叫做摶得過既, 人流一定旺, 根本個規劃就困死晒入面的人

唔想搭車, 只剩下呢個商場仔
19 : 龍生(798)@2011-06-08 15:02:03

剩係塘水滾塘魚都餓唔死....
賣下時興野, 格仔鋪, 貢茶等等
基本上點都有人租, 差在價錢

呢個商場可享有永久性的基本上不會納空租保證...算係咁

除非天水圍爆發逃亡潮...咁就投降
20 : humbleperson(11686)@2011-06-08 18:10:33

唉,真係十五十六,難取捨 :(
21 : 龍生(798)@2011-06-08 18:31:09

係架, 情況相近似的有葵涌廣場, 港鐵葵芳站右側個個呢...

又係咁上下貨仔, 人口極度密集, 場內長期爆滿

雖無規劃, 但由於的人無路可逃, 唯有積聚係個度, 令狗屎垃圾都有錢賺....

感覺上, 葵芳個個仲旺過新北江 , 但新北江我己多年無去, 而家唔知咩環境呢
22 : Hierro(1191)@2011-06-08 19:18:40

28樓提及
係架, 情況相近似的有葵涌廣場, 港鐵葵芳站右側個個呢...

又係咁上下貨仔, 人口極度密集, 場內長期爆滿

雖無規劃, 但由於的人無路可逃, 唯有積聚係個度, 令狗屎垃圾都有錢賺....

感覺上, 葵芳個個仲旺過新北江 , 但新北江我己多年無去, 而家唔知咩環境呢


約一年前去過
勁多野食

不過都係冇規劃,得個亂字
23 : fineram(806)@2011-06-08 19:35:46

28樓提及
係架, 情況相近似的有葵涌廣場, 港鐵葵芳站右側個個呢...

又係咁上下貨仔, 人口極度密集, 場內長期爆滿

雖無規劃, 但由於的人無路可逃, 唯有積聚係個度, 令狗屎垃圾都有錢賺....

感覺上, 葵芳個個仲旺過新北江 , 但新北江我己多年無去, 而家唔知咩環境呢


同樣都係上年去過. 亂到震. 但真係多人流.

相比的話, 當然不能同葵涌廣場比.
24 : passport(1491)@2011-06-08 21:03:40

葵涌廣場分分鐘多人過旺中
25 : GS(14)@2011-06-08 21:21:42

28樓提及
係架, 情況相近似的有葵涌廣場, 港鐵葵芳站右側個個呢...

又係咁上下貨仔, 人口極度密集, 場內長期爆滿

雖無規劃, 但由於的人無路可逃, 唯有積聚係個度, 令狗屎垃圾都有錢賺....

感覺上, 葵芳個個仲旺過新北江 , 但新北江我己多年無去, 而家唔知咩環境呢


他是賣散晒,所以亂得來有些特色,香港剩下不多了
26 : GS(14)@2011-06-08 21:22:05

31樓提及
葵涌廣場分分鐘多人過旺中


好同意,但起了直通新都會的天橋真是無影響?
27 : Hierro(1191)@2011-06-08 21:29:42

33樓提及
31樓提及
葵涌廣場分分鐘多人過旺中


好同意,但起了直通新都會的天橋真是無影響?


冇影響,這商場真的神奇
28 : GS(14)@2011-06-08 21:31:27

34樓提及
33樓提及
31樓提及
葵涌廣場分分鐘多人過旺中


好同意,但起了直通新都會的天橋真是無影響?


冇影響,這商場真的神奇


太有規律好悶...這商場特色就是多野
29 : Hierro(1191)@2011-06-08 21:32:07

35樓提及
34樓提及
33樓提及
31樓提及
葵涌廣場分分鐘多人過旺中


好同意,但起了直通新都會的天橋真是無影響?


冇影響,這商場真的神奇


太有規律好悶...這商場特色就是多野


我反而覺得係平
你睇下最高那層的飲品舖

不過質素就...
30 : GS(14)@2011-06-08 21:33:17

年青年消費力強嘛

真是好耐未去過,我只是記得那邊好多特色野
31 : idsdown(1658)@2011-06-08 22:59:37

葵涌廣場係地下同三樓就好旺, 但二樓四樓就視乎某D位, 特別係間開好多近年間開到好細嗰D角位鋪, 人流真係嘛嘛地
32 : 龍生(798)@2011-06-09 01:50:58

我剩係記得有好多好多成年與未成年交界的小妹妹係甘灑熱褲.....
33 : passport(1491)@2011-06-09 11:01:42

33樓提及
31樓提及
葵涌廣場分分鐘多人過旺中


好同意,但起了直通新都會的天橋真是無影響?
我林可能仲有幫助
等新都會d人都過去行
34 : GS(14)@2011-06-09 22:02:32

39樓提及
我剩係記得有好多好多成年與未成年交界的小妹妹係甘灑熱褲.....


現在都好多
35 : 龍生(798)@2011-06-10 01:04:54

湯兄真有品味!!
36 : GS(14)@2011-06-11 09:40:42

42樓提及
湯兄真有品味!!


無望呀
37 : lkaiwail(11667)@2011-06-13 16:23:23

筲箕灣天悅同埋 Quarry Bay 萬利都是有好多吉鋪
7,8年前還好些
38 : GS(14)@2011-06-13 21:07:05

44樓提及
筲箕灣天悅同埋 Quarry Bay 萬利都是有好多吉鋪
7,8年前還好些


其實天悅D鋪點解咁平?
39 : 龍生(798)@2011-06-13 23:12:49

因為區內人口唔多, 咁己經答晒成條問題

人少, 消費力不足, 天水圍賣mouse 都可以斷貨,
同一數量mouse 係天悅賣, 夠賣幾年

這己是答案
小心 商場
PermaLink: https://articles.zkiz.com/?id=274497

證監會就實施淡倉申報規定的附屬法例進行諮詢

1 : GS(14)@2011-05-26 22:38:19

http://www.sfc.hk/sfcPressReleas ... ervlet?docno=11PR60
證監會就實施淡倉申報規定的附屬法例進行諮詢
證券及期貨事務監察委員會(證監會)今天展開諮詢,邀請公眾就建議制定的附屬法例提交意見,從而實施早前發表的《關於提高淡倉透明度的諮詢總結》所提出的淡倉申報制度(註1)。

在新的申報制度下,如淡倉量達到上市公司已發行股本的0.02%,或淡倉的市值達至3,000萬元(以較低者為準),淡倉持有人須每周向證監會作出申報。一般而言,有關淡倉的實益擁有人須承擔申報責任。

淡倉申報制度只適用於恒生指數及恒生中國企業指數的成分股,以及證監會指定的其他金融股份。在緊急情況下,證監會或會收緊申報規定,從而提高透明度及加強監察。

證監會將會設立電子申報設施,訂明申報時須採用的範本,並在收到有關報告一周後,以不記名方式公布每隻股票的合計淡倉量。

證監會行政總裁韋奕禮先生(Mr Martin Wheatley)表示:"從最近的全球金融危機的經驗可見,監管機構能否取得有用的資料,是非常重要的。監管機構可利用這些資料評估市場動態,並在必要時採取適當的規管行動,處理任何潛在風險。"

韋奕禮先生續說:"如果能有系統地收集淡倉數據,將可補充本會目前從香港聯合交易所有限公司所收集到有關賣空交易的資料。兩者結合起來將可幫助我們更確切地掌握在香港市場所進行的賣空交易活動。"

公眾人士可於2011年6月30日或之前向證監會提交意見。回應意見可透過證監會網站(www.sfc.hk)、以電郵(shortpositions@sfc.hk)、郵遞或傳真(傳真號碼:2521 7917)方式提交。


2 : GS(14)@2011-05-26 22:38:48

https://www.sfc.hk/sfcConsultati ... ules&type=1&docno=1
諮詢文件
3 : GS(14)@2011-05-26 22:39:11

http://www.sfc.hk/sfc/doc/TC/spe ... h%202010chinese.pdf
上一次諮詢總結
證監會 證監 實施 淡倉 申報 規定 附屬 法例 進行 諮詢
PermaLink: https://articles.zkiz.com/?id=274498

食息族吸走股市資金 鄭家華

1 : GS(14)@2011-05-26 22:49:03

http://the-sun.on.cc/cnt/finance/20110516/00536_013.html
食息 息族 族吸 吸走 股市 資金 家華
PermaLink: https://articles.zkiz.com/?id=274499

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019