ZKIZ Archives


[貼圖]趙宇

1 : GS(14)@2011-03-16 21:41:30


趙宇一手促成環球乳業上市,自己更成為有史以來最年輕上市公司CEO,身家最少十五億,父親趙傳文應該老懷安慰。
2 : GS(14)@2011-07-26 23:40:15

http://hk.apple.nextmedia.com/te ... 307&art_id=15464882
話說噚日置富產業( 778)公佈中期業績,有記者問長實( 001)樓神趙國雄喺全球通脹時,資金投資乜嘢好,一向健談嘅佢突然問阿女、置富產業信託副行政總裁趙宇:「你有冇買 iBond?」趙宇冇乜反應,只係話收益率得嗰 3厘幾。
貼圖 趙宇
PermaLink: https://articles.zkiz.com/?id=273414

iPad 2一天斷市

1 : GS(14)@2011-03-16 22:07:52

http://hk.apple.nextmedia.com/template/apple/art_main.php?iss_id=20110316&sec_id=15335&art_id=15079716iPad 2魅力勢不可擋!蘋果第二代平板電腦,上周五在美國開售,竟在短短一天內全線售罄,分析員估計,開賣後首個周末 iPad 2銷量接近 100萬部──這個里程碑, iPad要 28天才達到。

iPad 2上周五傍晚在全美蘋果商店開售外,網絡商 AT& T與 Verizon商店,以及 Best Buy、 Wal-Mart、 Target等電器百貨連鎖店也有代售,吸引蘋果擁躉大排長龍,一天就將 iPad 2掃光。
Ticonderoga證券分析師懷特( Brian White)向有售 iPad 2的商店進行調查,發現「所有商店在上周六下午已經賣光存貨,周日沒有補貨」。事實上 Best Buy有分店在上周五開售後 10分鐘已斷貨,非常誇張。蘋果商店網站訂機,付運日期也由上周五所列出的 3至 5天,延長至 4至 5周。

70%人首次買 iPad

首代 iPad去年 4月開售,首個周末銷量 30萬已令人側目,但 iPad 2氣勢更凌厲, Wedbush證券分析師薩瑟蘭( Scott Sutherland)坦言:「如果說 iPad 2首周末賣出接近 100萬部,我們不會驚訝。」最保守的分析也說 iPad 2首周末至少賣出 50萬部,其中 70%人是首次買 iPad,有 30%是擁有首代 iPad的機主升級。
路透社/德新社
2 : 亞力士(1473)@2011-03-16 22:13:18

我覺得apple有d似未日輪 (jobs steve 條命)
3 : GS(14)@2011-03-16 22:14:48

Steve Job死是一定的,剩下的只懂執行,看來創新會停止呢
4 : fineram(806)@2011-03-16 22:31:38

3樓提及
Steve Job死是一定的,剩下的只懂執行,看來創新會停止呢


明顥係一人公司....
5 : 龍生(798)@2011-03-16 22:52:25

你估他還有命看到i pad 3 嗎?
6 : 亞力士(1473)@2011-03-17 01:54:27

4樓提及
3樓提及
Steve Job死是一定的,剩下的只懂執行,看來創新會停止呢


明顥係一人公司....


今次ipad2 出時特別提起佢條crew
iPad 一天 天斷 斷市
PermaLink: https://articles.zkiz.com/?id=273415

不是女金剛 劉璇

1 : GS(14)@2011-03-16 22:13:18

http://www.eastweek.com.hk/index.php?aid=11340
訪問當天,劉璇對着我們一行人全程皆以廣東話溝通,雖然不算字正腔圓,但卻有板有眼,間中夾雜一、兩個說歪了的辭彙,反而加添了她的可愛感。
「我上年拍《女拳》之前,真係唔識講唔識聽廣東話,咁我拍劇嘅時候就逼自己講,收到劇本之後,我就搵人同我講一次,我就鼻(背)書咁鼻(背)晒佢囉,跟住又記埋對手啲台詞,咁我就可以接到嘛!」
外表嬌滴滴,樣子亮麗的「璇美人」,內裏就是有着這樣堅毅又單純直接的特質,難怪這邊廂,TVB會為她度身訂做《女拳》中傻更更卻武功高強的「莫桂蘭」角色;那邊廂,唱片公司Neway Star又索性把她的首張專輯命名為《美麗的樣子》,讓三十一歲的她,以一個能歌善武的姿態,進軍香港娛樂圈,很厲害!
「其實我唔係咁o架!唱歌呢樣嘢,唔係我熟炸(習)嘅嘢;打功夫呢,其實我唔識o架!不過呢,我從細到大,做好多嘢都係好人憎(認真)好努力,我會逼自己做工作盡量做到最完美,可能我之前係運動員嘅關係,練體操習慣咗囉。」
畢竟,這位前奧運金牌得主,當年退役前能夠奪金,都是靠着那十六年漫長的體操生涯訓練得來,少一點意志,大概便成就不了今天的她。
「練體操,我除咗頭髮之外,其實令我周身都傷晒!」劉璇,的確並非天生無敵女金剛。
童年
劉璇出生於湖南長沙一個小康之家。「我爸爸係電力工程師,媽媽係會計師,仲有一個喔喔(哥哥),屋企環境唔算差嘅。」
劉父為了令體弱多病的女兒更強健,當年便安排六歲剛上小學的她,每天放學後到體育局練體操。「訓練好攰o架嘛,其實我都唔想o架,有次我問爸爸媽媽,點解唔畀我學習,要我去練體操,我爸爸話,做嘢唔可以中途放棄,除非你真係練唔到,呢句係我細個時燕(印)象好深嘅一句話!」
結果,她在湖南的體操省隊訓練了兩年,八歲便被挑選了加入國家隊,離開父母,獨個兒到了北京操練,開始代表國家到其他地區比賽的日子。「我入咗國家隊之後,就八年冇返過湖南屋企啦,每日基本上都係喺訓練館練習,日常生活同學習,都係喺裏面,唔畀出街囉。所以嗰陣最開心嘅時候,係每次出去外國比賽前,咁要買啲生活用品o架嘛,咪請假兩、三個鐘去好近嘅地方買嘢囉!」
她說,擁有這樣的一個童年,確令她感到有些遺憾。「我冇好似其他小朋友咁細個可以好天真無鞋……無邪(註:國語鞋及邪同音)咁去玩,係有少少遺憾囉,但大個諗番起,就覺得咁先可以造就我努力做嘢嘅過程(個性),有一個好堅持嘅心態囉!」

成長期間,她跟父母的相處時間甚少,成為了最大的遺憾。補償
另一個童年更大的遺憾,是跟父母的相處時間不多。「我冇返屋企嗰八年,父母都嚟過北京一次探我,但我哋時時都要訓練,每日我只可以睇到佢哋兩、三個鐘,我就叫佢哋唔好再嚟,然後佢哋間中都有去比賽場地睇我囉。冇得成日同父母喺一起呢,係我到依家最大嘅遺憾囉!時間返唔到轉頭嘛,我哋長大後,爸爸媽媽就愈嚟愈老,相處時間就一直係減緊,令我有種填補唔到嘅感覺囉。」
九六年,十七歲的劉璇已屆女子體操選手退役之年,參與阿特蘭大奧運,卻因在高低槓項目失手,令她飲恨退役;誰料翌年,國家隊因欠缺選手,她又重召歸隊訓練,甚至更以廿一歲的「高齡」,參與二○○○年悉尼奧運。
「比賽前一日練習高低槓時,有個落低槓動作,時間配合唔啱,我落低槓時,中間腰位摺埋咗,我個頭碰到自己個pat pat,腰骨好痛,但我唔敢畀教練知,我唔想冇得比賽,既然仲行得應該冇斷,咁我就堅持落去。第二日比賽,我左邊腰全部都貼晒膏藥!」
結果,她終於憑平衡木項目奪金,更因此獲國家頒發五萬元獎金,跟教練等人攤分。「嗰陣五萬都算多嘅,因為我係湖南省嘛,湖南體育好強,好多運動員都攞到冠軍嘛,所以獎金都唔會好多;山東省嗰邊有一百萬呀!因為佢哋一百年都唔出到一個冠軍!」她便拿着那分到的獎金,買了兩件千多二千元的大褸給父母,又送了爸爸一些名貴的藥材補身。入行
退役後,已成為了國寶的劉璇,考入了北京大學修讀傳媒系,才讀第一年,便有電影公司找她夥拍陳曉東拍電影《我的美麗鄉愁》。「我讀傳媒系,係想做體育記者,拍電影都係人哋搵我,我十幾年二十年都喺同一個地方生活,有人教我做另一樣嘢,好好玩囉!我係一個好大蛋(膽)嘅人,可以接受到新嘗試,老師好鼓勵我去試多啲新嘅嘢!」
自此以後,她又在內地拍過電視劇,為很多節目當主持,直至○八年才跟無綫簽約,及後再跟Neway Star簽約出唱片。「我其實喺○八年之前都唔算加入了娛樂圈,我覺得嗰段時間做嘅嘢,都係畀我自己好窄(學習)嘅機會囉。至於出唱片,我從來都冇諗過喎,簽唱片公司嗰一日,我都問TVB,我真係要出唱片呀?我覺得唱一支單曲就好啲啦,但係唱十支曲呢……唔知點解釋(扁扁嘴)。」
我不太明白,為何現今很多藝人都北望神州發展,她卻反轉選擇到香港來,「因為(TVB及Neway Star)揀中我囉!」她想也不想便說。

適應
比較起內地的演藝工作,劉璇不諱言,香港的節奏太快!「喺香港,我一日要做四、五個工作,好辛苦囉!內地我一日做一個工作,好腰(休)閒呀!最近自從要宣傳歌開始,又影相又訪問,好耐時間呀,我仲未習慣到囉!」
叫她更習慣不來的,是香港的傳媒報道。例如早前便有說,她跟拍拖八年的男友中央音樂學院單簧管導師王弢去年底已訂婚,又拍到她返香港的新居。
「基本上,如果我出街買嘢,你影到我,我唔緊要,因為我實在地係買嘢嘛,但若果我冇做過嘅嘢,或者係……每個人都有私人嘅空間o架嘛,如果我唔攞出嚟講,但你寫嘅話,我就會唔開心囉。

男友王弢,是她的初戀,亦應該會是她以後的另一半。
「我朋友睇咗報道,問我點解我訂婚佢都唔知,我問點解我要訂婚呀?我傻咗呀!呢樣嘢就假嘅,我冇訂婚,我本身都唔會主動講感情,但有啲報道又要夾硬寫出嚟……雖然體操訓練令我比較剛強,有啲嘢做唔到嘅時候,我反而會好強,可以去面對佢,但如果係媒體嘅輿論,呢方面我就冇咁強!」
問她可有介意外界把自己跟同是退役的奧運選手郭晶晶和伏明霞比較,她竟直言:「介意都冇計o架!人哋都要咁講嘛,咪由得佢哋講囉,我介意嘅話,唔通同佢哋話:『喂,唔可以講呀!』冇得咁樣o架嘛!」
都說她是個很直接的人。香港生活
翻看劉璇的資料,都說她早於○八年經優才計劃成為了香港人,甚至已在港租了屋長居此地,因此,我問她這幾年在香港居住的生活如何。
怎料,她卻睜大眼睛看着我便大笑起來:「居住?哈哈哈,大家都以為我住喺香港,其實呢,我唔係住喺香港o架!我拍《女拳》時喺度四個月,拍完之後我又返番內地工作;今次呢,我因為唱片同套劇宣傳,先返嚟香港,我喺呢度係住酒店,我真係住就住北京住內地嘅,優才計劃只係方便我嚟香港工作,你要幫我澄清呀!」
雖然如此,但她仍大讚香港的生活相當方便。「好似食嘢啦,呢度真係好多嘢食!頭先我喺露台忍(影)相,望落去都睇到好多食嘢嘅地方呀!最開心係買衫囉!有次我喺香港,第二日臨時有個工作,我冇帶衫,嗰陣夜晚十點喎,我好驚呀,但好犀利囉,香港咁夜竟然仲有舖頭開,仲有衫買,好開心呀!」
買衫的誘惑,對女人而言,是沒有任何定力訓練的。

跟馬國明、陳法拉合作拍《女拳》,令她獲益良多。
2 : 龍生(798)@2011-03-16 22:55:42

萬中選一的人才

其意志力, 毅力, 專注力, 都不是普通人可比

她成功, 有她的道理
不是 金剛 劉璇
PermaLink: https://articles.zkiz.com/?id=273416

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019