ZKIZ Archives


東昇秘聞:方東昇的五件事

1 : GS(14)@2015-10-13 07:36:53

1.老婆係初戀情人


無綫主播方東昇最近憑主持《世界零距離II》人氣急升,究竟他於鏡頭以外,是一個怎樣的人呢?



1.老婆係初戀情人

今年39歲的他,外表老成持重,於06年已經「抱得美人龜」,老婆是舊同學主播吳先瑩細妹吳先玲,是他的初戀情人。有指02年吳先瑩結婚,昇爺做大會司儀,巧遇伴娘吳先玲,之後發動猛烈追求攻勢,結果「成個老襯,士氣大振」!




2.婚宴酒樓突結業

昇爺在06年11月準備結婚,原選於金鐘一酒樓擺酒,怎料酒樓結業,昇爺當時即打電話去各區同級酒樓同酒店,發現幾乎全部full晒,最後被迫將婚期提前,遂入稟小額錢債審裁處,要求賠償四萬七千多元。



3.幽默遺傳方媽媽

方媽媽07年用一封情信參加徵文比賽贏得冠軍,但這封情書不是寫給方爸爸,而是寫給剛過門的「新抱仔」吳先玲,題為《方老太給方太的信》。方媽媽指很多朋友都擔心她與同新抱相處問題,但她與新抱仔都鍾意捉棋,還會一齊對付「共同敵人」方東昇。




4.中大傳理系傳奇

方東昇有「中大才子」之稱,小學就讀聖公會主風小學,中學就讀傳統名學拔萃男書院(圖),立志要做記者的他,96年入讀中文大學新聞及傳播學系,最後first honour畢業,盛傳昇爺GPA4.0,時至今日仍是新聞系的神話。




5.被當性幻想對象

07年,有高登網民高調指對方東昇有性幻想,震驚成個討論區。09年,昇爺於維園報道「六四晚會」,「是旦男」突然於他身後高舉「無綫新聞事事旦旦」的大字牌(圖),截圖在高登討論區瘋傳,亦帶挈了昇爺的人氣。





來源: http://hk.apple.nextmedia.com/entertainment/art/20151013/19330484
東昇 秘聞 的五 五件 件事
PermaLink: https://articles.zkiz.com/?id=293105

蟬過別枝:男神主播去晒邊?

1 : GS(14)@2015-10-13 07:37:07

伍家謙


歷年男主播都是青靚白淨為主,大部份成名後已蟬過別枝,拓展另一番事業。



伍家謙

(36歲)體育新聞王子,去年《一群無綫新聞部記者公開信》聯署聲援後離開無綫,現為自由工作者。




葉昇瓚

(30多歲)已婚的葉昇瓚,於無綫工作三年,為了多點時間照顧女兒,上周五離開無綫,轉行做公關。




黃大鈞

(40歲)大前年因神經線受感染而導致面癱,離開無綫,現為香港葡萄酒商會的餐飲文化委員會主席。




李臻

(43歲)有線及無綫前新聞主播,07年加盟now新聞台做首席主播,前年更創辦WMI Education,提供幼兒教育服務。




鄧景輝

(50歲)亞視前新聞王子,現為生物科技公司董事及香港數碼廣播有限公司主持。





來源: http://hk.apple.nextmedia.com/entertainment/art/20151013/19330495
蟬過 過別 別枝 男神 神主 主播 播去 去曬 曬邊
PermaLink: https://articles.zkiz.com/?id=293106

有話兒:醉心演戲 怕變求其甘草陳國邦瀟灑出走

1 : GS(14)@2015-10-13 07:37:45

■陳國邦:「My name is邦,陳國邦。」攝影:陳志嵐


正如周星馳所講:「做人如果無夢想,同條鹹魚有乜分別?」入行26年的陳國邦,因為不想變成發黑發臭的一潭死水,日前向效力15年的無綫發公開信宣佈不再續約。阿邦不諱言今次可以如此灑脫作出決定,全因有個偉大老婆羅敏莊給予無限量支持,不論經濟上和精神上。阿邦說:「有個咁特別嘅人去支持我,呢條路行得特別開心。」成功男人背後總有個女人,有羅敏莊這位賢妻,阿邦其實已邁向成功一大步。撰文:魯吉陳國邦日前一封《給無綫電視的公開信》,宣佈結束他與無綫15年賓主關係,也道盡他工作上心路歷程。不少人大讚阿邦今次發公開信夠膽識,阿邦卻坦言今次決定,最大功臣其實是他結婚4年多的賢內助羅敏莊。昨日接受本報專訪的阿邦說:「Mimi(羅敏莊)好偉大,有屋企人支持差好遠,好難得佢好支持我做鍾意嘅嘢,甚至去到生活層面、經濟上,我有咁嘅生活環境,好大部份係佢去唱歌做騷,經濟上係佢去支持。一個人搵幾多錢都要講際遇,簡單嚟講係你紅唔紅,佢好欣賞我、明白我,知我好用心工作、醉心演戲,唔介意我搵幾多錢返屋企。好多人都知,佢係我fans,主動追求我,有個咁特別嘅人去支持我,呢條路行得特別開心。」



■羅敏莊給阿邦無限量支持,讓他可以瀟灑地跟無綫道別。攝影:林德雄

■阿邦家中雖然已有9隻愛貓,但見到兩隻可愛小花貓,仍忍不住踎低逗玩一番。

■90年代阿邦在電影《廣州殺人王之人皮日記》中曾擔正做男主角。劇照



離開娛圈揸的士

阿邦強調,今次選擇離開絕非一剎那衝動,他說:「今次我走,理由好簡單,我唔想喺創作生命裏面隨住年月磨滅,希望用我能力去換取做主角機會,我得到嘅讚賞好多,但機會越嚟越渺茫,好似一個打工仔心態,你唔想升職咩?我好難相信。」2012年《大太監》彭三順角色令阿邦備受觀眾注目,但台慶頒獎禮最佳男配角,他卻敗於《巴不得媽媽…》中飾演蘇基的古明華,今次離開,彭三順事件會否是導火線?阿邦說:「唔係。呢個念頭06、07年仲大,對我傷害性仲大,我直情想放棄演藝事業,我想離開娛樂圈唔做戲,去揸的士或其他工作。但你問我當日事件,我真係唔記得。」演技同樣受讚賞的許紹雄和劉江,其實也一直未有機會當男主角,若如阿邦公開信所講用能力換取主角,那他們豈非該一早離開大台?阿邦笑說:「佢哋可能過渡咗,或者冇呢個心態,呢個心態係一個唔好嘅心態,所以我選擇行開。」是否擔心繼續留在無綫會變甘草?阿邦說:「我繼續留喺度有兩個結果:第一,係我過渡到呢個心態,我遲啲可能會做陳老師,一個好好嘅綠葉、配角,但我過渡唔到,我就會變成一個『得啦,求其啦,收工啦!』嘅演員。我見過一啲咁嘅人,呢啲人畀我一個喪鐘,當然我見到劉老師(劉江)係一個好榜樣,但我唔知我會變成邊一個,所以變黑發臭唔係因為我留喺TVB而變成咁,係我怕變成一個趕住收工嘅人。」



■大前年阿邦在台慶頒獎禮最佳男配角敗給古明華(右),不少網民為他大感不值。

■眼見15年努力仍未能登上主角之位,陳國邦為怕變成求其甘草,決定離開無綫繼續尋夢。



演員有好多怨言

一個演員無論演技多好,也需要有好劇本發揮,但近年無綫劇集水準下降,就算他再努力也是徒然。對此阿邦說:「呢啲情況唔需要陳國邦去講,演員亦有好多怨言,我唔會喺呢度講TVB點,我會同佢哋會面時講。」原來阿邦日內會跟無綫高層相約見面傾談,他說:「佢同我講:『想同你坐低詳談。』無綫有佢哋嘅缺點,但呢個係我私人意見,加上我又唔係幕後,有啲問題我係睇唔到,如果我公開表達,只會引起爭執吵鬧,但我一定會同高層講,既然我選擇離開,我就可以暢所欲言,我好希望可以改善得到,令在職嘅藝員甚至幕後都能夠有個更好嘅工作環境。」會否回心轉意留低,阿邦謂一切仍是未知之數。場地:香港沙田凱悅酒店服裝:Decision Design


■自言不愛應酬的陳國邦(右一),拍大合照時大都是靠邊站。資料圖片

不愛拉關係 最愛靠邊站

陳國邦入行26年作風一向低調,每次出席記者會,他總喜靠邊站。阿邦笑說:「呢個係陳國邦一個缺陷,那怕我係第三、四線,好多時記者會啲主角、監製會同我講,叫我企埋中間影相,但我鍾意喺角色螢幕前去創作,我鍾意喺角色發光,但私底下我好迴避呢樣嘢。我唔識做一個藝人,喺訪問時,我比較偏向迴避,坦白講,唔通記者走埋嚟問我對彭三順角色有乜體會、你點去演繹?除非專訪!緋聞?我私生活一向好公開,呢方面我冇娛樂價值,冇娛樂價值自然冇我新聞。」說到應酬或跟高層拉攏關係,阿邦坦言是他另一缺點:「人與人之間除咗工作之外,重要有好多交情,出去應酬同人搞好關係,係需要㗎,人際關係亦都係能力一部份,所以我話呢個係我缺點,我好迂腐,會覺得唔想靠關係,好矛盾嘅思想。」





來源: http://hk.apple.nextmedia.com/entertainment/art/20151013/19330548
話兒 醉心 演戲 怕變 變求 求其 甘草 陳國 國邦 瀟灑 出走
PermaLink: https://articles.zkiz.com/?id=293107

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019