ZKIZ Archives


[貼圖]湯君明

1 : GS(14)@2011-02-19 18:32:42




湯君明手上樓盤 反價加租逾一成
做無良業主都冇計!
2011年02月15日


窮,係咪會越嚟越窮,華華唔知;有錢嘅,就 99.9%肯定會越嚟越有錢!
好似咁多年嚟買賣物業多數有入冇出、外號「貔貅」嘅科達地產主席兼資深投資者湯君明咁,簡直就係富貴逼人來,「家我所有放盤嘅貨都反價至少一成,收緊租嘅單位亦加租一成以上,俾人話我係無良業主都冇計!」
咪住先,貔貅哥上星期先話樓市就快爆煲,轉頭又話要反價,搞邊科呀?「呢排想買啲豪宅同舖位玩吓,點知一係俾業主反價反到暈,一係出到價都冇回音,睇得出個市仲好旺,家無論乜嘢貨,亂叫個價都有人出到,個市可謂百年難得一遇,所以我手上啲貨全部反晒價!」
明苑反價 2億 等內地客追價

貔貅哥又舉例話,好似佢嘅淺水灣道 121號明苑咁,本來叫價 20億,上個禮拜有個內地豪客畀到 18億想買,佢傾都冇同佢傾就反價 10%去到 22億,等個客自己追價。至於收緊租嘅單位,就加租一成以上,但係好多租客都接受,因為明白家經濟好,加埋通脹,點都要加吓租……真係恨死隔籬。
後市又點睇呢?佢話家陣港紙唔值錢,都係揸磚頭保值穩陣啲,佢估年尾前個市仲升得到,但係出年就肯定跌,「到時一加息,加埋呢幾年增加供應嘅因素會出晒嚟,真正供過於求……」個樓市仲有 1年可以玩,大家留意喇!
照佢咁講,個樓市仲有 1年可以玩,之但係個重點係普遍嘅人連買磚頭嘅本都未有,邊有資格講揸磚頭保值呢?或者咁啦,大家先買隻貔貅番屋企吸吓財氣,儲吓彈藥入市,會唔會比較實際啲呢?

李華華
LiWaWa@AppleDaily.com
2 : GS(14)@2011-06-16 21:56:27

http://www.mpfinance.com/htm/Finance/20110616/News/eb_ebe1.htm

湯君明:樓價明年調整兩成
2011年6月16日
貼圖 君明
PermaLink: https://articles.zkiz.com/?id=273030

[貼圖]龔仁心

1 : GS(14)@2011-02-19 18:38:33



龔仁心(右)指高院裁決體現了「天地有正氣」,即使陳振聰上訴至終審法院,亦有信心勝訴。
2 : GS(14)@2011-04-09 15:40:44

2010-7-28 Ew
從屋苑醫生到千億集團主席 專訪龔仁心:想做皇帝都難

華懋集團創辦人王廷歆本月初病逝,龔如心胞弟龔仁心再次成為傳媒追訪對象。自今年二月華懋慈善基金贏了爭產官司後,龔仁心叠埋心水打理華懋,半年過去,這位屋苑醫生,搖身當上主席,首度接受本刊專訪。

「做醫生幾十年,沒有記者搵我,現在做這個位,無論對或錯,你們都用相機對住我,這是最大的不同。」龔仁心坦言,已習慣面對傳媒,而避免瓜田李下,他一上任主席即成立管治委員會,方便遺產管理人參與會議,洞悉華懋大小決策。

「說我私相授受,咁大間公司有制度、有程序㗎嘛,加上遺產管理人眼光光睇實,我想做皇帝話晒事都好難!」談到未來大計,龔仁心說,華懋仍以地產發展為主線,有合適土地,價錢又啱的話,會出手競投,其他業務包括醫療、科技及環保等,亦不會收縮。「家姐以前發展下來的,我都會繼續。」華懋慈善基金贏官司當日,龔仁心率領家人及一眾老臣子,在荃灣如心廣場會議室、「天地有正氣」的橫匾下開記者會。欣喜的場面仍記憶猶新,但轉眼間,原來龔仁心接掌主席已將近半年了。

六十七歲的龔仁心可說是晚年出家,他讀醫,畢業後一直做醫生,做了幾十年,從未做過第二行。當日決定關閉診所,專心一志打理華懋,心中都有過掙扎。

「除了行醫,我不懂做其他事,所以是下了很大決心。無辦法啦,做事不能分心,亦想對病人公平一點,難道他們有病時,我一句『唔得閒』就唔睇症咩!」龔仁心娓娓道出箇中因由。

由荃灣青龍頭豪景花園的診所醫生,搖身變成千億王國的集團主席,掌管三千員工,涉獵不同業務,龔仁心坦言是邊學邊做,亦慶幸華懋有個深厚班底,支撐整個集團。

「唔識咪學囉,只要有目標、有宗旨,個心係想做好呢件事,無問題㗎!華懋有班好好的團隊,隨手指一個員工,都起碼做了十年以上,二、三十年的也有,他們有經驗,又有歸屬感,是公司最寶貴的財富,否則即使我有四隻手、四隻腳、二十四小時不睡覺也做不來。」龔仁心特別澄清,與老臣子關係,並非如外界所說不咬弦。「他們都有深厚經驗,梁生(梁榮江)負責投資部,吳生(吳崇武)負責售樓部,我兩個仔都在華懋工作,跟老臣子學習。昨天在喪禮(王廷歆的喪禮)遇到王禮泉,我們作狀打架,因為有雜誌說我們不和,咪打過證實我們不和囉!」說罷,龔仁心也忍不住哈哈大笑。

遺產管理人睇到實

華懋集團是龔如心的遺產,外界估計達千億元,由於這份遺產涉及華懋慈善基金和陳振聰之間的爭奪官司,故法庭早在官司開審前,委任德勤.關黃陳方會計師行擔任臨時遺產管理人,以保障遺產權益。今年二月,高院裁定基金手持的龔如心○二年遺囑屬真實,判基金獨得龔的遺產,但因敗訴的陳振聰提出上訴,明年一月十日再聆訊,故現時華懋集團,仍要由遺產管理人睇住。

不過,有指龔仁心贏了官司後,安插「自己友」入華懋工作,又頻頻將手上的非核心區二線舖出售,對此,龔仁心不慍不火地解釋說:「有遺產管理人眼光光睇住,你估咁易私相授受?華懋本身亦有一套制度,無論是聘請管理層,抑或買賣物業,都要通過既定程序,再加上遺產管理人雙重監管,根本無可能亂嚟。」他舉例說,如要聘請經理,首先要向遺產管理人解釋請人原因,如本身沒有這個職位,亦要解釋加開的理由。「許先生(現任華懋集團總經理許業榮)是獵頭公司那邊找回來,怎到我說請邊個就邊個?物業買賣都一樣,你估好似去超市買嘢畀錢就攞走咁簡單?所有事都要知會遺產管理人,在他們監管下,才可實行。」

成立管治委員會

龔仁心表示,由於華懋太多子公司,為方便管理,遺產管理人入主華懋後,他便成立管治委員會。這個委員會屬華懋的核心架構,內有六名成員,包括一班老臣子、許業榮及龔仁心。他的卡片,亦寫着「管治委員會主席」這個職銜。

「每間子公司都有自己的董事,如果每個董事都來開會,咁咪要開幾十次會?所以才成立管治委員會。每次管治委員會開會,遺產管理人都會參與,並提出意見,好多事情無遺產管理人簽紙都不能通過,所以我想做皇帝話晒事都好難!

「以前老闆得一個,家姐和姐夫一聲令下唔開會,就可以唔開,但現在有另一套遊戲規則,並非由我一個人話晒事,特別是遺產管理人入主華懋,更加要照住他提出的大方向走。」據悉,華懋為方便遺產管理人工作,已闢出一層辦公室,給十多名德勤職員返工,大小決策,遺產管理人都有權查問。難怪龔仁心也笑言:「每年畀幾千萬人哋去監管自己!」

推M假增醫保

外界常說龔家守財,但龔仁心上場後,卻增加福利,包括替員工購買醫療保險、寫字樓等多個部門改為五天工作,以及增加特別假期。「這個特別假期,每人每年有六至十二天,不用醫生紙證明都可以放,而且不會扣人工。」推行這個福利,多少因為龔仁心做了幾十年醫生,洞悉婦女「需要」。「這個福利,女性尤其有用,例如每月她們有可能緊急肚痛,痛起上來,起身都難,我做過醫生就會明白。」他說,措施實行半年,只有一個部門因濫用而被取消,其餘部門的員工仍然享用中,「男同事都有得放,否則會被人去平機會投訴我呢!」

主力發展地產

談到未來發展,龔仁心說,華懋仍以地產業務為集團發展主線,「家姐一向做開,我們會依循;其他業務如醫療、科技及環保等,亦不會收縮。」早前政府賣地,也見到龔仁心蹤影,他甚至舉手投地。「地點、價錢及條件適合都會投,未來大方向都是積極投地。」華懋下半年將推出九龍城豪門第二期樓盤,以及青龍頭豪景花園貨尾。對於以往賣樓的惜售策略,龔仁心說,要視乎市場需要,才決定日後是否沿用,「要睇市場環境及需要,才決定會否推出來賣。」他說華懋大把現金,又無受金融海嘯影響,不需急於推售樓盤套現,而華懋的核心物業例如荃灣如心廣場、淺水灣一百二十九號The Lily,亦會只租不賣。

對於未來會否將華懋上市,龔仁心說,暫時未看到有此需要:「要視乎情況,要評估上市是否對公司有利,而管理層至今仍沒有討論這議題,但世事無絕對,可能十年後會呢,但十年後我是否仍健在,自己都唔敢包!」說罷,又傳來一陣笑聲。

天生一個華懋樣

有說華懋的logo(下圖)由陳振聰設計,故龔仁心上場後,便棄之不用。但龔仁心解釋,華懋logo本來就不常用,「信紙信封從來無logo,物業也未必幢幢有,本來就唔一定要用,亦沒有考慮設計新的。華懋就是華懋,無logo又點呢?『華懋集團』四個字仲喺度嘛!」記者提議他在「華懋集團」四個字下拍照,怎料又被他靈機一觸,推卻說:「唔使啦,我咪係華懋logo,貼我張相上去得啦!」這個主席,認真風趣。

想放假玩都唔得

約好龔仁心訪問,但他突然要開會,訪問時間被迫縮短,做主席的確比做醫生忙得多。「以前單對單睇症,無乜應酬,下班便回家吃飯,最多去吓健身室,現在則早午晚都有應酬飯,沒時間上健身室,惟有在屋企樓下停車場圍圈急步行。有次和太太去大連玩,講明純粹玩樂,點知朋友卻帶我們睇地,又搵政府官員一起吃飯,想放假玩吓都唔得!」龔仁心聳聳肩、無奈地說。
貼圖 仁心
PermaLink: https://articles.zkiz.com/?id=273031

兩警涉拜年收利是

1 : GS(14)@2011-02-19 18:48:26

http://hk.apple.nextmedia.com/te ... 104&art_id=14979083
【本報訊】九龍城警區情報組兩名高級警員,於去年農曆年初五手持每盒約 30元的朱古力,在 92分鐘內到 10間當舖展開旋風式拜年利是活動,最多的一封達 500元,廉署接報在當舖外拘捕兩人。兩人各否認 10項訂明人員接受利益罪,案件昨在九龍城裁判法院開審。記者:戴國輝
2 : abbychau(1)@2011-02-19 18:58:03

旋風式自投羅網


3 : 龍生(798)@2011-02-20 02:04:28

因小失大又一極佳例子
4 : GS(14)@2011-02-20 10:41:18

好似人地一早伏定你
5 : 龍生(798)@2011-02-20 18:57:34

或者的當鋪報老廉呢....
去到街尾, 岩岩好
6 : idsdown(1658)@2011-02-21 09:50:05

3樓提及
因小失大又一極佳例子

都唔明, 人工咁高仲要咁
7 : 草帽(1253)@2011-02-21 10:24:42

6樓提及
3樓提及
因小失大又一極佳例子

都唔明, 人工咁高仲要咁


即係張建宗每個月袋30萬, 再話妳萬二蚊兩個人唔算窮一樣, 都係高分低能.
8 : idsdown(1658)@2011-02-21 13:47:26

7樓提及
6樓提及
3樓提及
因小失大又一極佳例子

都唔明, 人工咁高仲要咁

即係張建宗每個月袋30萬, 再話妳萬二蚊兩個人唔算窮一樣, 都係高分低能.

人比人, 比死人..
9 : GS(14)@2011-02-21 21:51:09

8樓提及
7樓提及
6樓提及
3樓提及
因小失大又一極佳例子

都唔明, 人工咁高仲要咁

即係張建宗每個月袋30萬, 再話妳萬二蚊兩個人唔算窮一樣, 都係高分低能.

人比人, 比死人..

人上人又未試過,點知? 他們窮是幾十年前的事。
兩警 警涉 拜年 收利 利是
PermaLink: https://articles.zkiz.com/?id=273032

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019