ZKIZ Archives


神州資源買礦未找數

2009-03-25  AppleDaily






 

【本 報訊】神州資源(223)07年公佈以7億元代價注入黑龍江雙鴨山升平煤礦,但煤礦原主人北方集團昨來港會見傳媒,指當年是以1.4億元人民幣轉讓該煤礦 予神州資源主席洪誠,惟至今未收到分毫,並指神州資源偽造文件,欺騙當地政府批准延期支付轉讓代價,已向黑龍江高級人民法院興訟,要求解除轉讓協定。


神州 資源昨早中途停牌,表示有待發表一項股價敏感訊息;停牌前報0.215元,跌2.3%。接近神州資源消息強調,延期協議是獲當地政府許可,並無偽造文件, 公司正向港交所(388)交代事件,冀儘快澄清。


北方集團董事長姜鴻斌(圖)表示,去年12月已致函港交所,並授權徹查事件;即使洪誠現時願意支付代價, 也會堅決收回煤礦。他指神州資源截至去年9月底止中期業績計入升平煤礦2.64億元收入,只屬賬面數字,北方集團從沒有把有關資產收入轉交予神州資源。



神州 資源 買礦 礦未 未找 找數
PermaLink: https://articles.zkiz.com/?id=6915

季結預告


因所持的405持續上升,前兩日終於轉負為正,真高興。


應能保持正回報及跑贏大市。


留意股票:1123,560,3828,以及....

季結 預告
PermaLink: https://articles.zkiz.com/?id=6919

九倉核心純利跌29%息不變


2009-03-26  AppleDaily





 

【本 報訊】九龍倉(004)因投資物業重估增值及售樓收益分別銳減81%及93%,截至08年底止純利62.47億元,倒退52.5%;撇除投資物業重估的實 際純利是42億元,跌29%;末期息維持0.44元。副主席吳天海表示,海港城及時代廣場的租務通常在逆市中表現更好,料是今年業績支柱。他昨日透露,寫 字樓租務並無顯著受到金融海嘯影響;尖沙嘴海港城今年上半年有50萬平方呎樓面的租約到期,其中七成已續租,租金平均調高20%,新、舊座目前呎租分別是 40及25元。銅鑼灣時代廣場上半年有30萬平方呎到期,已有六成續租,同樣有兩成加幅,現呎租40元。

海嘯後商場租務續佳

他 解釋,經濟前景差,租戶以不變應萬變,若續租租金合理,寧願續租,不會花一筆巨額裝修費去搬遷寫字樓。海港城與時代廣場的寫字樓去年底出租率分別是96% 及98%,今年出租率不會受壓;金融海嘯後,兩個商場商戶的營業額理想,租務需求殷切,新簽或續租租金有所提升。九倉去年的投資物業帶來經營利潤 55.51億元,增18%,海港城與時代廣場分別佔37.3億及11.2億元,升21%及16%。

趁內地小陽春積極推盤

至於 內地地產發展,九倉上半年為個別項目撥備3.26億元,下半年回撥1.8億元。公司把握近期小陽春,積極推盤,今年擬推售460萬平方呎樓面,包括武漢、 成都時代廣場、大連時代8號,以及07年與中國海外(688)合作以75億元人民幣高價買入的重慶彈子石項目。吳天海指,彈子石項目分8至10年發展,將 有利可圖,正推售一、二期共7座,有300至400伙,已售六至七成,每方米均價5000元人民幣。另外,九倉去年沽售證券組合,套現12億元,加上市值 變動,可供出售投資總額較07年大減75%,至7.06億元。集團手持現金160億元,負債比率20.9%,降4.7個百分點。母公司會德豐(020)截 至08年底止全年純利34.32億元,跌55%。末期息維持0.1元。

九倉及會德豐全年業績概況

九龍倉(004)營業額金 額:159.40億元變幅:-1.7%投資物業重估增值金額:17.93億元變幅:-80.8%純利金額:62.47億元變幅:-52.5%每股盈利金 額:2.28元變幅:-55.9%基本純利金額:41.94億元變幅:-29.5%末期息金額:0.44元變幅:不變會德豐(020)*營業額金 額:225.83億元變幅:+26.1%投資物業重估增值金額:21.58億元變幅:-80.2%純利金額:34.32億元變幅:-54.9%每股盈利金 額:1.69元變幅:-54.9%基本純利金額:30.95億元變幅:-9.3%末期息金額:0.1元變幅:不變 *對比07年12月底止9個月數

九倉主要業務經營利潤

投資物業金額:55.51億元變幅:+18.0%物流金額:17.63億元變幅:-7.9%通訊、媒體及娛樂金額:2.44億元變幅:-33.2%地產發展金額:8400萬元變幅:-92.5%



九倉 核心 純利 29% 不變
PermaLink: https://articles.zkiz.com/?id=6928

中環在線:魔童為女出書 李華華


2009-03-24  AppleDaily





 

到 底有錢人留啲乜嘢畀仔女最有意義呢?如果以城市電訊(1137)主席、「電訊魔童」王維基嚟講,應該係自己嘅時間同埋故事。魔童啱啱出咗本新書,叫《敢 想.敢做》,裏面結集咗佢近年喺周刊專欄嘅文章,佢話寫嘢係為對寶貝仔女,因為呢十幾年來都冇乜點陪過佢哋(97年因為搞上市,miss咗個仔出世嘅珍貴 一刻),所以佢好希望仔女透過自己啲文章,知道爸爸係咩人、點樣去解決困難。點解今次處男下海咁低調?魔童話唔敢搞簽名會(終於有樣嘢佢唔敢做),係因為 怕零fans好冇面。查實佢唔使驚,事關上星期幫佢出書嘅報紙,喺網站話會送10本書畀讀者,「啅」一聲就有過千個email話想要。唔知係咪大家睇到個 書名,以為爆亞視大鑊?

寫緊第二本

魔童話o依家寫緊第二本書,仲有3個月就搞掂,內容大致係環繞佢呢十幾年嘅營商之道同心路歷程,當然,呢本都係為咗對仔女寫o架啦!裏面唔知會唔會有啲「我在亞視的日子」或者「我與電盈的恩怨情仇」咁爆嘅內容呢?
 



中環 在線 魔童 童為 為女 出書 華華
PermaLink: https://articles.zkiz.com/?id=6949

中環在線:細劉挑戰霍大班6398萬人工暫登打工皇帝 李華華


2009-03-24  AppleDaily





 

次 次睇上市公司年報,大家其實最鍾意睇啲高層究竟幾多錢人工,係咪物有所值,八卦之餘順便睇埋邊個係打工皇帝。今年嚟講,由於和黃(013)年報仲未出, 所以唔知已經幾多連冠、年薪過億嘅霍建寧大班可唔可以繼續「冧莊」。咁暫時邊個係最高人工「新人王」呢?已經唔係陳振聰軍師、宏霸(802)主席朱偉民 (3283萬元年薪),而係利福國際(1212)主席、人稱「細劉」嘅劉鑾鴻!

爬陳振聰軍師頭

利福年報顯示,細劉年薪總額由 07年嘅1424.9萬,跳升到舊年6397.8萬銀;睇真啲,佢底薪398.8萬其實冇變,係公司以股份作為薪酬嘅部份大增,由前年1024.9萬加到 舊年5997.8萬。至於係咩原因令細劉加人工加到咁勁就無交代。值唔值呢個價,睇嚟要利福小股東評價嘞。講番霍大班,話時話,若果(若果咋!)超人因為 唔likey 3G搞到o依家仲未真正止血,又或者因為金融海嘯要縮皮,又或者業績倒退(啲分析員講咋!)而要減霍大班人工,話唔定一個唔覺意,佢份糧可能同細劉哥睇 齊……睇嚟舊年董事人工冠軍,可能有得爭噃。李華華LiWaWa@AppleDaily.com



中環 在線 細劉 挑戰 大班 6398 人工 暫登 打工 皇帝 華華
PermaLink: https://articles.zkiz.com/?id=6950

中環在線:和電呂博聞減薪3500萬 李華華


2009-03-25  AppleDaily





 

金融海嘯之下,上市公司高層嘅現金以至購股權花紅都齊齊大縮水,一向人工高福利好嘅電訊業自然不能倖免,好似和記電訊國際(2332)執行董事兼行政總裁呂博聞咁,舊年董事酬金就大削57.5%,由07年股市大旺時嘅6135萬銀,跌到得番2605萬蚊。

加袍金薪津補唔番

唔 單止現金花紅收少咗621萬,連以購股權形式發放嘅花紅,亦都因為巨熊來臨令股價大瀉,由07年時嘅3990萬,跌到得番1061萬銀,冇咗73.4%成 2929萬銀。搞到呂總裁即使袍金、薪津加咗18萬銀,都補唔番條數。之不過咁,今時今日仍然仲年現金1544萬銀(唔計購股權)嘅職位,已經好有限, 相信呂總裁喺呢個時候都唔會抱怨咁多o架啦。



中環 在線 和電 電呂 博聞 減薪 3500 華華
PermaLink: https://articles.zkiz.com/?id=6952

中環在線:謝清海人工勁減六成 李華華


2009-03-25  AppleDaily





 

07年股市暢旺,基金公司惠理(806),主席兼執行董事謝清海人工鶴立雞群,超過2.5億銀,單係花紅都有2.34億,爬過晒其他打工皇帝,揮低埋和黃(013)大班霍建寧。可惜08年股市大跌,謝清海人工亦今非昔比,花紅勁減九成。

07年2.5億08年得番1億

謝 清海上年薪金連福利得番604萬銀,少咗69%成1318萬;花紅只有331萬,冇咗98.6%成2.3億銀,得番零頭。好彩佢多咗筆價值9606萬銀嘅 「股份基礎報酬」,其實係07年上市時向一眾高層派發嘅認股權,佢嘅人工先有番啲幫補,保持過億銀水平。埋單一計,08年1.05億銀,少咗58.4% 達1.48億銀。雖則謝清海人工勁減,但咁嘅時勢你減人哋都減,由於長實(001)同和黃未出年報,所以謝氏係咪要讓出打工皇帝個寶座,仲係言之尚早。



中環 在線 謝清 清海 人工 勁減 六成 華華
PermaLink: https://articles.zkiz.com/?id=6953

中環在線:張化橋飛北京送錢畀超大郭浩自爆反口抽水內情 李華華


2009-03-25  AppleDaily





 

超 大現代(682)掌舵人郭浩舊年底,喺傳媒面前講過毋須融資,都足夠還清今明兩年近29億元短債,點知一個屈尾十,事隔兩個月,超大就喺市場配股,吸水近 4億港紙。原來呢單嘢有段古,郭總話係為咗畀面人,「被迫」配股收錢。邊個咁大面子?咪係「民企之父」張化橋囉!性格豪邁嘅郭總,噚日喺業績會為自己前言 不對後語大平反,重申冇咗配股嗰筆錢都冇問題,仲話唔通有人送錢畀我使都唔要咩?

股價過10蚊再諗配股

郭總越講越有火,自爆 配股來龍去脈,全因回巢瑞銀近半年嘅張化橋,喺香港上門搵咗佢幾次,話好認同超大經營模式,希望分得1億美金貨仔,但郭總眼見超大冇需要而拒絕咗。之不 過,張化橋並無放棄,郭總話張化橋仲「夾着尾巴」專程飛到北京想說服佢,為咗畀面,郭總惟有應承頂多配股5000萬美金,多一蚊都唔制。佢補多句,話呢幾 日張化橋仲想追加1億美金貨,但自覺o依家超大股價基本上太低,所以一直都唔答覆,「拒絕佢,佢會很傷心;答應佢,對公司又唔負責任。」郭總仲話,如果有 吹水成份,可以拉佢坐監,或者請華華食飯喎!一句到尾,超大仲會唔會配股先?郭總答案係起碼等股價上番10蚊、12蚊(去年高位),都可以考慮吓!超大噚 日收報4.5元,咁即係……下回再分解啦!李華華LiWaWa@AppleDaily.com



中環 在線 張化 化橋 橋飛 北京 送錢 錢畀 超大 郭浩 浩自 自爆 爆反 反口 抽水 內情 華華
PermaLink: https://articles.zkiz.com/?id=6954

中環在線:謝清海人工勁減六成 李華華


2009-03-25  AppleDaily





 

07年股市暢旺,基金公司惠理(806),主席兼執行董事謝清海人工鶴立雞群,超過2.5億銀,單係花紅都有2.34億,爬過晒其他打工皇帝,揮低埋和黃(013)大班霍建寧。可惜08年股市大跌,謝清海人工亦今非昔比,花紅勁減九成。

07年2.5億08年得番1億

謝 清海上年薪金連福利得番604萬銀,少咗69%成1318萬;花紅只有331萬,冇咗98.6%成2.3億銀,得番零頭。好彩佢多咗筆價值9606萬銀嘅 「股份基礎報酬」,其實係07年上市時向一眾高層派發嘅認股權,佢嘅人工先有番啲幫補,保持過億銀水平。埋單一計,08年1.05億銀,少咗58.4% 達1.48億銀。雖則謝清海人工勁減,但咁嘅時勢你減人哋都減,由於長實(001)同和黃未出年報,所以謝氏係咪要讓出打工皇帝個寶座,仲係言之尚早。



中環 在線 謝清 清海 人工 勁減 六成 華華
PermaLink: https://articles.zkiz.com/?id=6955

中環在線:滙豐前高層「龐約翰累死滙控」李華華


2009-03-26  AppleDaily





 

滙控(005)供股,成為全城熱話,香港人至愛銀行搞到要向股東伸手,都係因為滙融拖累。噚日華華睇NOW財經台,見佢哋訪問滙豐銀行前副總經理Edwin劉智傑,話題離唔開滙控。

Edwin一向敢言,佢開晒名直指滙控前主席龐約翰改變咗公司過去嘅文化價值,跟咗美國嗰套,只追求短線利益。仲話家陣分拆上海滙豐銀行出嚟可能係唯一嘅出路,對股東最好。

華華睇完個訪問,即刻打電話問Edwin,佢話龐約翰令滙控變成美式文化,以賺錢為先。仲爆滙控曾經對一個貸款人,一年加3次息,佢冇講詳情,只係話滙控家陣嘅管理有問題,始終以前嘅英式管理有人情味啲。

至於點解突然出嚟講滙控,Edwin話希望提醒股東,唔可以盲目以為供咗股,股價就會升番上去,股東要睇埋公司嘅管理文化。

睇淡股價沽清光

佢 又話自己唔係因為離開後唔開心至出嚟講嘢,佢建議股東唔好加碼供股,最好沽正股去供股。至於佢之前亦揸住滙控,不過2000年底離開後就一路沽,家陣已經 冇貨喺手。對於滙控「變咗」,其實唔少老臣子都有開聲,好似之前滙豐前亞太區主席艾爾敦就話,滙控錯在冇將管理文化帶入美國滙融,但佢係傳統 gentleman,冇開名批評。李華華LiWaWa@AppleDaily.com



中環 在線 豐前 高層 約翰 累死 華華
PermaLink: https://articles.zkiz.com/?id=6958


ZKIZ Archives @ 2019