ZKIZ Archives


好特別的供股-新銀集團(988)


公司前身為在十多年前非常出名的明珠興業,市值由幾億,曾經炒至三百億之多,冠絕香港,連湯大狀都買過。

http://www.hkexnews.hk/listedco/listconews/sehk/20011214/LTN20011214044_C.doc



其後,這隻股因金融風暴後,地產投資失利,陷入財困。但是又被大股注入科網概念,跟風多炒一轉,結果不免再次失敗,大股東王珅更要以每股2.8仙出售公司29.9%,即40億股,予曾經停牌的新萬泰(433),及另外兩位人士,作價1.1億。


成為大股東王珅並購回自己的科網業務及其他住宅及遊艇,作價3,000萬,這樣殼價就是8,000萬。


完成後新萬泰及兩位人士成為大股東,而王珅持股量由約50%,降至20.1%,退為第二大股東。


http://www.hkexnews.hk/listedco/listconews/sehk/20020131/LTN20020131013_C.doc

 


其後每股購買價更調低2,000萬,至港幣9,000萬,殼價降至6,000萬,可見王珅出售之急,公司財政情況可想而知。

 


其後王珅持續減持,以及公司發行新配抵債及集資後,股權降至低於10%。


公司易手後,易名新銀控股。


http://www.hkexnews.hk/listedco/listconews/sehk/20020702/LTN20020702015_C.pdf


半年之後,新萬泰也陷入財困,故出售50%股權予夥伴之一的蔣先生。


之後,陷入一連串的財債官司之中,在沙士前後已經停牌,並進入清盤、除牌程序之中。

http://www.hkexnews.hk/listedco/listconews/sehk/20060530/LTN20060530022_C.pdf


在2006年,公司終於見到一線曙光。


5月,由李耀湘獨資的公司宣佈一重組建議,宣佈把股份1,000合1,然後宣佈購入114,792,227股新股及包銷87,389,997股新股,每股購入價1元(即合股前的0.001元),向公司注入2億元,然後向一位蔡先生購入佐敦一酒店及向李耀湘購入一個瀋陽酒店項目的管理權,兩者合共8,000萬元。


完成後李先生持股51%,公眾持股量(大部分股票由有好持有)為49%。可以知道,那8,739萬股配售出去的股票,和購入資產的價格相若,相信大部分去了蔡先生及李先生友好手中。


http://www.hkexnews.hk/listedco/listconews/sehk/20061020/LTN20061020026_C.pdf


三個月後,公司成功復牌。


http://www.hkexnews.hk/listedco/listconews/sehk/20070503/LTN20070503036_C.pdf


2007年5月,股市大旺,大股東宣佈以2.5元減持900萬股,套現2,250萬。


另外在供股之前1日,以2.5再減持900萬股,又套現2,250萬,兩次合共套現4,500萬,加上街貨套現之數,已經收回成本。
astermind Assets Management Limited 103(L)
9,000,000(L)
HKD 2.500 130,069,224(L)
58.05(L)
07/05/2007
李耀湘 122(L)
9,000,000(L)
HKD 2.500 130,069,224(L)
58.05(L)
07/05/2007

http://www.hkexnews.hk/listedco/listconews/sehk/20070708/LTN20070708018_C.pdf


2007年7月,又宣佈2供1,每股1元,集資1.1億元,由大股東全部包銷,並宣佈以5,800萬購入旺角新填地街兩個物業。


另外,亦宣佈訂立備忘錄,建議以現金、承兌票據,及按2.8元發行新股收購礦業。


http://www.hkexnews.hk/listedco/listconews/sehk/20070925/LTN20070925702_C.pdf


2007年9月,公司又配售2,500萬新股予印尼投資者,每股1.2元,集資3,000萬,包銷商為大福。


http://www.hkexnews.hk/listedco/listconews/sehk/20071002/LTN20071002535_C.pdf


公司訂定備忘錄收購山西礦業,並進行盡職審查,確保營業額及盈利不少於1.7億人民幣及3,800萬人民幣。


http://www.hkexnews.hk/listedco/listconews/sehk/20071031/LTN20071031458_C.pdf


 

公司出售前朝資產,新銀物業管理公司。


http://www.hkexnews.hk/listedco/listconews/sehk/20071218/LTN20071218447_C.pdf


http://www.hkexnews.hk/listedco/listconews/sehk/20080330/LTN20080330014_C.pdf


2007年12月,公司宣佈以24億元收購前述所稱山西礦業,若盈利超過1.8億,收購價將調高3億,即最高代價為27億。公司將以集資所得現金、發行19%代價股份、發行3億可換股債,換股價2.5元,年息2.5厘、以及承兌票據支付。


其後,因市況轉差,作價降至14億,另降低盈利超額代價,變成盈利超過2.3億,收購價將調高2.8億,即最高代價為16.8億。公司以集資所得現金、發行19%代價股份及以可換股債,換股價一樣,但息率則降至2厘。


若新股及可換股債完全兌換,李先生會由大股東,變成第2大股東,賣方則會成為大股東,很完整的一個逆向收購。


http://www.hkexnews.hk/listedco/listconews/sehk/20080813/LTN20080813522_C.pdf


http://www.hkexnews.hk/listedco/listconews/sehk/20080903/LTN20080903390_C.pdf

2008年9月,市況好轉,配售7,200萬股,每股2.1元,集資1.5億,由大唐域高包銷。


此外,大股東也以1.9元減持8,435萬股,套現1.61億元。

Mastermind Assets Management Limited 103(L)
84,358,836(L)
HKD 1.900 134,032,000(L)
25.14(L)
11/09/2008
李耀湘 123(L)
84,358,836(L)
HKD 1.900 134,032,000(L)
25.14(L)
11/09/2008

其後以這1.5億,加上1億新股,發行價2.5元(佔公司18.75%舊股),即2.5億,另發行10億可換股債券,每換行使價2.5元,即可兌換4億股。完成兌換後,賣方即成第一大股東,持有5億股。


http://www.hkexnews.hk/listedco/listconews/sehk/20081029/LTN20081029519_C.pdf


 

完成之前收購後不久,大股東套現的1.61億元就產生作用,他以1.43億元購回重組注入的佐敦物業及之前購入的新填地街兩地,完成這次逆向收購。大股東淨套現1,800萬。





http://www.hkexnews.hk/listedco/listconews/sehk/20090220/LTN20090220156_C.pdf

在供股之前,又換了兩位董事。


http://www.hkexnews.hk/listedco/listconews/sehk/20090313/LTN20090313489_C.pdf

昨日,公司宣佈供股。

公司宣佈,以5供2方式,發行2.13億新股,每股0.66元,集資1.41億元。

由煤礦賣方包銷此次供股,該名賣方除按比例購入4,000萬股,另外又額外包銷6,719萬股,共斥資約7,000萬,然後再以1.65億可換股債,來按比例包銷其餘新股,若無人認購供股,他的持股量增至41.97%,成為最大股東。


我們來看看這次供股:


從數字上來說,可以算到這個方法是使得可換股數增加,若以這個可換股債券數去包銷新股的話,換股價為:


0.66 x (165,000,000 / 70,000,000)


= 1.556元


即他以低0.944元(2.5元-1.556元),即較可換股債37.78%的折讓去拿到這批股票,較19年年息更多,對其有利。另外,經過這次供股,令他成為最大股東,亦能拿得這殼,使逆向收購更加完美。


在公司而言,若沒人認購新股,雖減少約330萬的負擔,但是股數增加40%,對股份攤薄效應更大。


但是,對大策略而言,只對第二大股東有利,目的不在集中街貨,降低持貨成本,另在加強其在公司的控制力,所以我對這次供股是持中性態度。

好特 別的 供股 新銀 集團 988
PermaLink: https://articles.zkiz.com/?id=6585

港人救餓獅 左丁山


2009-03-13  AppleDaily





 

呢朝早在大道中經過H & M,畀人喝停,原來係靚太L與她親愛的老公。呢對幸福夫妻朝朝十點幾就會一齊返公司,佢哋反正已經上岸,留在家中太得閒,覺得好悶,於是十幾年來開咗一間貿易公司過吓日辰,總之年終計數,唔蝕本就得,冇錢賺無所謂。

靚 太L喝停左丁山之後,立即問:「你有冇滙豐?」左丁山笑住答:「冇嘅請舉手!」靚太L話:「你供唔供?」點答呢,一啲專家話供,一啲話早走早着,啲大富豪 話一於長期持有,究竟如何是好。呢個問題能夠好似湯家驊大狀咁問:「Yes or No?」答案可能係yes and no,好複雜!靚太L咁講,佢一定有貨在手,於是安慰佢:「供少少冇所謂啦!」點知佢的另一半搶答:「揸重貨呀!」當堂不知如何是好。揸重貨?即係揸幾多 股呀?普通人嚟講,長期積累咗鄭海泉、柯清輝咁多,即係每人有三十萬股,就叫做揸重貨,或者揸十萬股都叫做揸重貨嘅嘞。靚太L揸幾重,乃私隱問題,唔敢 問,只聞佢嘆一聲:「真係想唔返工都唔得咯!」唉吔,假設揸十萬股,以前每年收息七十萬元,資產值一千五百萬,確係返工與否悉隨尊便,o依家資產得番三百 七十萬,收息冇保證,唔認真做好一份工,勢係假。

同樣問題,困擾好多香港人,老人家講落幾十年:「怕乜呀,如果滙豐有事,香港都好唔掂啦!」呢句說話卒之應驗喇,香港人與滙豐難分難解,風雨同路,過去共富貴、收息收得過癮,如今共患難,頂硬上去供股嘅話,會陪葬?

 

一 九九七年南韓國民應付亞洲金融風暴,同舟共濟,捐出黃金救國,香港人笑南韓人痴得勻循。今回香港人供股救滙豐,大有南韓人捐金之悲壯,可歌可泣。供股事件 完畢後(其實左丁山老早叫滙豐盡快供股,見本欄○八年十二月二十九日,嗰陣時滙豐仲做緊七十幾蚊),滙豐應該大做公關,大賣廣告,多謝香港人不離不棄!



港人 救餓 餓獅 左丁 丁山
PermaLink: https://articles.zkiz.com/?id=6593

給銀行寵壞 左丁山


2009-03-15 AppleDaily





 

校 友會午餐例會,搵到胡孟青講「滙豐供股要Say No」,大收旺場之效。有一位校友帶埋乖女嚟聽,吃過午餐後便一同到太古商場逛百貨店,問校友為何如此舒服,唔使做乎?校友曰:「我已退休,乖女間銀行被 吞併後,舊人遣散,佢亦回家湊我個孫!」可惜啲喎,校友之女在柏克萊畢業,哈佛MBA,曾在紐約大型投資銀行做分析師,香港監管機構工作,一流財金人才 也,投閒置散未免嘥料。世姪女話:「現在搵工難,而且我o依家先至發覺,出面人工幾低吓,大概我已俾銀行高薪縱壞咗,仲要一段時間適應,返屋企親子都係好 選擇。」好,梗係好啦,佢在屋企教子,會叻過幼稚園老師好多倍。陳智思太太咪堅持在家教次子,唔送佢入幼稚園囉。

過去銀行(特別係投資部門 方面)人工高,令年青人趨之若鶩,不幸碰上金融海嘯,以後唔知仲有冇呢支歌唱。高盛一位亞洲高層最近退休,佢對英文報紙記者講:「投資銀行黃金時代已一去 不復返,或者再等十年啦,我在呢個時候退休,十分適合!」年青學生請留意吓嘞,叻仔叻女入大學或者選番做工程師、醫生、科學家,而唔係一定要爭住讀商科 嘅。

參加校友午餐會嘅校友,有財務W在,原來佢位公子本在美國讀工程,畢業後立即加入銀行做衍生工具,由貝爾斯登出身,去咗東京雷曼,再回 港加入滙豐,現在呢?財務W話:「個仔上個月攞咗遣散費,繼續享受生活!」又係嘅,過往七、八年,收花紅不在小數,嘆吓未遲,只要佢對調查人員講(如果被 抽樣選中嘅話)佢唔會短期內搵工,佢就唔算失業,唔會推高失業率,令曾司長頭痛。

 

未被縱壞,只怕捱壞嘅記者小B一味呻窮, 佢啲同學被銀行炒魷,拿到嘅遣散費,足夠佢三年薪水。可見銀行與傳媒行業薪酬相距之大,成績標青到極嘅學生要爭住入讀中大新聞系好似冇反映到呢個wage gap。現實上,記者做三四年就轉行,有其道理。在校友午餐會上碰到一位靚女校友,佢遞上名片,係私人銀行家,已係董事級,問佢讀邊系,佢話:「我讀 Journalo架。」咦,果然醒目,讀新聞而打銀行工,識得轉膊喎。



銀行 寵壞 左丁 丁山
PermaLink: https://articles.zkiz.com/?id=6596

中環在線:盧永仁呻I.T生意難做 李華華

2009-03-13  AppleDaily






 

喺 金融海嘯冲擊下,零售商叫苦連天,就連曾揚言要幾年內將公司盈利同股價double嘅I.T(999)副主席兼董事總經理盧永仁都話,踏入3月,生意真係 好唔掂,雖然公司經已將折扣加大,但同舊年3月比,香港嘅生意額都只係維持住,大呻生意難做。盧博士話今個月開始生意唔掂,o依家唔戙個減價牌出嚟,啲客 就真係唔入嚟,搞到連啱啱擺出嚟嘅春裝都要開始減價,減幅仲大過舊年o忝,咁嘅時勢,真係連毛利率都唔顧得咁多嘞!好彩,不幸中嘅大幸喺內地業務冇受到太 大影響。

唔縮規模但撤離靚舖

生意難撈,I.T會唔會縮減規模呢?盧博士話暫時冇咁嘅計劃,要睇吓未來幾個月嘅情況而定,反而 可能會用呢個低潮期,當乜都好平嘅時候,做吓廣告擴大品牌滲透率咁話。之不過,華華見到佢旗下間九龍灣分店啱啱close咗,要搬離港鐵商場出入口個超級 靚舖,唔知咁算唔算縮減規模呢?



中環 在線 永仁 I.T 生意 難做 華華
PermaLink: https://articles.zkiz.com/?id=6600

中環在線:寶哥哥減人工加認股權 李華華


2009-03-13  AppleDaily





 

東 亞銀行(023)噚日出年報,雖然08年賺少九成,但主席李國寶總薪酬有3350萬銀,比07年只係微跌1%。如果淨係計薪金連津貼嗰部份,寶哥哥同副行 政總裁彭玉榮舊年加咗約5%。兩人舊年都冇花紅,但就多咗認股權,所以總薪酬都冇乜點縮水。話咗做多3年先退休嘅寶哥哥,上年薪酬連津貼有830萬銀, 少咗花紅但有認股權補番,多咗151%,加起來總薪酬有成3350萬。


至於下個月退休嘅元老彭玉榮,08年薪酬連津貼加幅多過老細,有5.9%,呢啲時勢 打工仔冇減人工都偷笑,有咁嘅加幅直頭羨慕死人!加埋認股權多咗150%到1200萬銀,喺東亞最後呢一年袋走1610萬銀,比07年多近三成。彭玉榮退 休及時,等後浪(李家兩位公子)嚟頂住個金融海嘯,寶哥哥就冇咁好彩嘞!



中環 在線 哥哥 人工 認股權 華華
PermaLink: https://articles.zkiz.com/?id=6601

中環在線:青姐落淚霍嘉治短敍慰紅顏 李華華


2009-03-13  AppleDaily





 

噚晚,華華睇緊周文耀見記者電視直播,突然電話響起:「華華,你知唔知今日獅子銀行請咗青姐茶敍。」「係?等我打畀佢八吓先。」華:「青姐,大笨象啲茶好唔好飲?係咪霍嘉治親自斟?」青:「你點知o架?我連老公都未同佢講。」華:「哈,我中環咁多針。咁霍嘉治講過乜?」

細數百年動盪安然度過

原 來滙控(005)執行董事兼滙豐亞太行政總裁霍嘉治同青姐講,好想多謝香港小股民嘅支持,又話其實滙控自18世紀至今,已面對過好多生死存亡嘅危機,不過 都冇事。遠嘅唔好講,好似二戰時成間銀行要撤資返倫敦,又好似60年代香港社會動盪,仲有70年代石油危機,80年代中英談判,都一一捱過。華華聽到呢 度,忍唔住問:「咁49年呢?」青:「咁多危機,我點同你講得晒?不過,佢話一路都作風保守。我有問佢,東歐爆發海嘯第二波會點?佢就話對東歐冇乜 exposure,同埋自06年起,集團都冇再做英國按揭……」華:「得喇、得喇。最緊要你有冇問佢為咩請你上去?」青:「有啲嘢唔使問得咁明嘅。」

 

同忠實股東代表溝通

華:「畀我就一定會問,係咪因為喺節目入面喊,所以請我上去!如果係嘅話,我間間上市公司都喊,等佢哋請我上去!」講完呢句,青姐同華華同時大笑。講到尾,「U33事件」後,滙控如要同忠實股東溝通,唔搵青姐,搵邊個?李華華LiWaWa@AppleDaily.com



中環 在線 青姐 落淚 霍嘉 嘉治 治短 紅顏 華華
PermaLink: https://articles.zkiz.com/?id=6602

中環在線:太古主席夫人撐場 李華華


2009-03-13  AppleDaily





 

噚 日太古(019)開業績記者會,台下有位漂亮洋妞,全場專心聽主席白紀圖解答記者提問,佢就係白太Francesca。聽聞,自從白紀圖06年做咗太古主 席後,每次主持太古及國泰航空(293)業績會,白太都會坐喺會場後面,默默支持老公,難怪白主席每次都笑容滿面。講開又講,白主席擔任太古同國泰主席 後,真係天堂與地獄走過一轉。

上任冇耐國泰就成功收購港龍,07年大賺70億;國泰同太古股價喺07年底,仲分別高見23及115.1蚊。一場金融海嘯令 形勢逆轉,國泰舊年蝕86億,連累太古盈利下跌兼冇末期息收。股價亦好似肚瀉咁,國泰噚日收7.44、太古收45.75元。兩年間見盡高低,真厲害。



中環 在線 太古 主席 夫人 撐場 華華
PermaLink: https://articles.zkiz.com/?id=6603

航運股只宜短炒不宜長線 王雅媛


2009-03-13   上海證券報




每 次有人問我怎樣看航運股,我都認為此刻航運股只適宜短炒而不適宜長線持有。上星期看過太平洋航運(02343.HK)最新的年報後,這個想法更加深刻了。 現在航運業的問題是經濟衰退,航運需求下降,運費急劇下跌。更嚴重的是未來兩年將有更多新船下海。可能你會問經濟已經那麼差了,為何還有很多新船下海?原 因是完成一條船,船廠需時兩年。兩年前大家都認為經濟無限美好,不停造船希望可以多做點生意,誰又想到經濟會突然來個大逆轉呢?因此,在可見的未來, 運費根本沒有大升的可能。

  但是昨天卻有一位朋友不太認同我這一講法,他拿出中國遠洋(01919.HK)從2004年到2008年的數 據出來,認為中國遠洋過去幾年每年的營業收入都大幅增加,因此覺得中國遠洋或許是一隻值得長線投資的股票。對於這個想法,我有兩個不同的意見。首先,如果 是說考慮10年的投資時間,我不敢很有信心地反對朋友投資中國遠洋。因為我也認為10年時間內,航運業應該又可以再經歷一次行業的高潮。那時候航運股價格 自然又水漲船高。但問題是究竟這個高潮會是什麼時候來臨?在我看來,短期內都不會發生。另外,一個人有多少個10年?你又怎麼肯定10年後的世界會是怎幺 樣?異想天開一點,如果那個時候,空中運輸科技突飛猛進,用飛機去運輸又便宜又方面,那麼你可以承受十年時間的錯誤嗎?

  第二,航運業根 本是周期性行業,我認為不能太執著于財務數據,尤其不能用過往的數據去預測未來。即使大家認為非常穩健的銀行股,遇著這次金融海嘯,它們的盈利都是無一幸 免。因此我認為,過往的數據是可以參考,但是投資者應該要知道什麼時候要懂得放下這些數據,接受經濟環境已改變的事實。

  我認為中國遠洋 並不是一間經營得差的公司,只是現在還不是開始吸納的好機會。航運業需要三種情況下才能重返好景。一是經濟複蘇,需求上升。二是大批航運公司于這次金融海 嘯中倒閉,加速行業的整合。三是時間足夠長,舊船的淘汰開始追上新船下海的速度,而各航運公司又沒有再訂新船。其實當你看見經濟開始複蘇時,再投資航運股 也不晚。誇張一點,如果航運業從2009年開始衰落到2015年,那段低沉時期一定沒有公司會做新船。如果2015年經濟開始複蘇,航運公司根本來不及加 建新船(完成一條船,船廠需時兩年)。那時候,只要是需求比供應多一點點,運費都會被用家給搶上去。這段趨勢,才是我們要留意的投資時間點。



航運 股只 只宜 宜短 短炒 不宜 長線 王雅 雅媛
PermaLink: https://articles.zkiz.com/?id=6606

胡孟青的眼淚 林夕


2009-03-13  AppleDaily





 

股評人為一隻股票一時的價位而流淚,記憶中那是從未發生過的事,不值得放在頭條,而且,那畫面在YouTube的點擊率該比「肥媽大鬧國泰」更高才合理。那些以撒賴為手段爭取不合理權益的醜態,見慣亦平常。一個股評人在鏡頭面前忍不住失態,才是「新」聞。

胡 孟青哭滙豐在U盤競價低至33元,片段給上載後,不少網民的意見都是揶揄的多,甚麼:一定滿手滙豐,輸到哭了,活該。孫柏文幫她拍了一段可稱為「我為甚麼 流淚」的自白:不為甚麼,是替股民不值。在這個眼淚也成為化妝品的時代,不知道還有多少人相信,一個評股的會為股民的利害而動了真情。

不過,我不打算花一元整去查她本人有否持有滙豐,我相信這位股壇辣妹,那幾cc的淚是出於對股民的悲憫、對滙控高層決策的悲憤、對大戶舞高弄低吃掉散戶最後一筆安家費的不忿,對大笨象股價牽繫大局後遺深遠的憂戚。

滙 豐宣佈供股及公佈業績時,胡孟青在一片28元供得過的噪音中,早已用一貫辣得人掃興的口吻堅定提出:別供。比起很多分析員,在滙豐股價乍見三字頭後急改口 風,辣妹更顯得大無畏,對她曾服務過的機構早着先鞭地出鞭,難怪與大行關係搞得不太好。喜歡看她跟股民答問,也因為她經常為犯上一切投資大忌的愚癡觀眾動 了真格,直斥其非不留情面,而自己則上心得七情上面。記得在07年市況進入非理性階段時,有人問「首都機場」13元要不要追,胡小姐報以冷笑:13元?就 是這樣提醒了我,是時候得些好意須回手了。

滙豐給了我們一個老掉大牙的教訓:別與股票談戀愛。胡孟青的眼淚,讓我看到一個有血有肉,對股海癡民有感情,講金也講心的分析員。



胡孟 孟青 青的 眼淚 林夕
PermaLink: https://articles.zkiz.com/?id=6608

青姐不要哭 左丁山

2009-03-14  AppleDaily





 

胡 孟青人稱青姐,在新城財經台主持開市直擊節目,與靚仔小生鄧威信拍檔,一剛一柔,十分受聽眾歡迎,唔好以為靚仔鄧是「剛」,青姐是「柔」,其實啱啱相反, 青姐剛猛,成日鬧聽眾,靚仔卻反而要溫柔啲,呵番住。有一次餐飲M聽到唔抵得,向左丁山投訴:「喂,知你識得胡孟青,唔該你話聲佢,師奶散戶打電話問行 情,成日畀佢鬧嘅,乜咁火氣猛o架!」

騎騎,這正是胡孟青風格!兩年幾前,佢位愛兒出世,左丁山笑佢:「喂,你在新城出聲,冇人知你身材, 但在有線出鏡,快啲減肥收身先至好睇喎!」點知青姐鬧番轉頭:「關你乜事,女人唔可以有自然肥態美嘅咩,唐代女士都好肥嘅啫!」果然快人快語,唔會詐詐諦 諦,扮晒嘢,總之有嗰句就講嗰句,做人如是,講股票亦如是。

正因佢為人勇猛,所以佢在三月九日下午四時十分後,在有線電視鏡頭前出現一個為 滙豐「飲泣」嘅場面,立即轟動全城,《金融時報》都引述報導,當然更加上埋本地報紙頭版,可說「一哭成名」,有別於青姐口中之靚女「一脫求榮」。左丁山老 早搵咗佢到校友會午餐會講滙豐供股,供還是不供?青姐話佢認為供股係儍瓜,故此為佢訂咗一條題目:「滙豐供股要say no」。嘩,電郵一出,校友報名打到嚟,唯有擒擒青截止報名。到咗三月十一日星期三,青姐之哭已觸動全港,冇報名之校友亦湧到嚟,搞到要臨時加櫈,最後仲 要加枱,左丁山又試笑住蝕。

 

青姐首先聲明:「我冇喊呀,只不過係頭髮長,刺眼,我用手撥頭髮兼捽眼啫!」點講都好啦,大家 想知道佢為何反對供股啫,青姐話滙豐大跌,人性顯露,八十幾歲老父積積埋埋啲滙豐股票收息,唔捨得賣,叫個仔出錢供股,因為啲股票第日都係留畀乖仔嘅啫。 點知乖仔話:「老竇不如你供埋股先至留番畀我!」太多香港人攬住滙豐股票過世喇,青姐見到滙豐跌到咁殘為港人痛心,有感而發,真情流露啫,佢估計滙豐還要 陸續撇賬為商譽撥備集資一不離二,此外還有其他數據,篇幅所限,唔寫咯。青姐話供股可避則避喎。
 



青姐 不要 左丁 丁山
PermaLink: https://articles.zkiz.com/?id=6609

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019