ZKIZ Archives


平保買富通大蝕輸咗搵人賠 中環在線:利時首相揶揄馬明哲 李華華


2008-12-02  AppleDaily


 

唔知係唔係實在太擔心揸住4.99%嘅富通集團,會由毫子股進一步變成仙股,到時就真係想唔撇賬到零都唔得,上個禮拜平保(2318)居然諗到搵阿爺出面,幫佢向比利時政府尋求賠償,希望可以為呢筆巨額虧損搵番啲幫補,唔好輸得咁肉酸。

接收前股價已插水

之 不過,比利時政府一於好少理,仲講到明叫平保死心,唔應該寄望從比利時政府嗰度獲得富通持股嘅相關賠償,比利時首相萊特姆仲好抵死咁同當地傳媒話:「我好 理解平保會對呢個決定表示失望,但投資總要承擔相關風險。」乜咁似香港證監會嘅宣傳口號嘅。萊特姆仲話,平保一直對富通嘅增長前景充滿信心,事後證明呢個 並唔係一個正確嘅判斷,而中方提到股東所持股份價值大幅縮水(由差不多每股19歐元,跌到上個禮拜最低嘅0.568歐元),其實喺比利時政府插手富通前就 已經發生。咁即係暗示平保投資眼光唔夠,自己衰咗就唔好賴地硬啦。雖然平保提出,話比利時政府今次變相將富通收歸國有,用呢個理由索償,表面睇嚟有理,但 係賠得畀你,其他富通股東通通都會撲埋去要求賠償;而且收歸國有都係俾山姆大叔所害,你估佢想攬上身o架咩。不過,外交即係外交,佢哋政府發言人一方面 話,上個禮拜五已經同處理呢單嘢嘅相關人員見過面,比利時願意繼續同中方協商解決問題,但同時又證實咗首相上述言論,即係話意見接受,態度照舊啦。李華華 [email protected]
PermaLink: https://articles.zkiz.com/?id=4301

金融危机重创山西:焦炭煤炭价格均下跌50%


http://finance.sina.com.cn/chanjing/b/20081202/00225576272.shtml
PermaLink: https://articles.zkiz.com/?id=4302

洞庭水殖虚假披露掩盖关联交易


http://finance.sina.com.cn/stock/s/20081202/07355577862.shtml
PermaLink: https://articles.zkiz.com/?id=4303

債券比股票佳? 王雅媛



2008-12-03  HKHeadline   

近日跟於投行工作的朋友聚餐,因為他知道我對合生創展(754)有興趣,所以他建議我於二手市場,買入合生創展的可換股債券。此債券為一○年初到期,面值已經跌到只有三十五元左右。當債券到期時,債券持有人將可拿回一百零六元,即是一年半後,回報約三倍,非常吸引;股票方面,合生創展現在股價三元五角,其每股資產淨值為十五元左右。若有一天,若其股價最多升回至每股資產淨值水平,回報亦可達四倍。

此可換股債券和股票有甚麼不同?第一,買債券有時間框架,比買股票少了一個不確定性;第二,「大吉利是」說句,如果公司真的是要倒閉,於清盤次序中,債券持有人位置比股東為好。不過,現在有一個技術上的問題,便是於投行買債券有其最低消費。

之前寫了一篇文章,關於買入恒生H股指數(2828)作為長線投資,有朋友問究竟長線是多久?其實於同每一個市場,長線投資的時間框架都會不同。在香港,經濟體系易受外在因素影響,故找可以長線投資十年或二十年的香港股票是非常難的。


長線投資非易事

另外,現實中很多公司的成功都是因為它們所處的行業,正在經歷上升周期而已。Victoria近日發現一個現象,在深圳東門的一條街上,竟有六家以上,樣貌非常相似售賣運動服的公司。這種情況非常接近我剛才說的,因為這幾年整個運動服務板塊都非常好景,令到一些可能本身不是經營太好的公司,都可以連環賺錢,但其實沒有察覺到原來行業景氣一轉,陪跑的隨時可以出局。王雅媛為持牌人士,並沒有持有以上股票。
PermaLink: https://articles.zkiz.com/?id=4317

筆論天下:美孚遊記 陸日勤

2008-12-03 AppleDaily 在一個百無聊賴的周日,日勤到美孚新邨半日遊,在花園平台上走過一幢又一幢雅致而樸實的舊式洋樓,路上碰面的多是上了年紀的街坊,也有帶着小孩子踩單車的少婦。平台開了間舒適堡,讓優閒一族可以享受健身之樂,那些供樓期滿,卸下重擔後的優悠生活,可想而知。供滿樓生活優悠美孚新邨見證着幾十年前,港人大舉離開破爛的唐樓和木屋,遷入洋樓的歷史,人們住屋環境因大型屋苑建設及交通配套,得以顯著改善。此外,美孚也見證着樓市起飛,人們撥出每月收入的一大部份,用來供樓。美國在前兩年樓市高峯期間,美國人的房屋開支,佔收入不足三分一。在香港,此比例是長期標準,旺市時比例更高,對不少人來說,「磚頭」確實具有一份無可取代的安全感。五六十年代大批新移民來港,這批新移民和他們的下一代,經過多年努力,很多已供滿了樓。只要再下一代再多供一間,三代人都擁有自己的物業。到時,港人所累積的財富便十分充裕。假設香港人口沒有大變,而財富代代相傳,到了第四代,大概已毋須為「上車」煩惱,可以多點時間上健身室和帶孩子踩單車吧。樓市起伏有規律今日,樓市再難出現可帶來長升長有的結構性改變,未來的樓市,相信會依循經濟周期而起伏。97年高峯期過後,樓市調整期長達6年;03年見底復蘇,升市又維持了5年。市場變化不可能像日落日出一樣規律有序,但事實上,其間即使經歷很多意想不到的事情,例如沙士疫症,樓市一樣跌幾年又升幾年,08年,跌市才剛剛開始。樓市與失業率息息相關。失業率升,樓價便跌,反之亦然。失業率見頂回落,樓價便會見底回升,歷來如是。以往的經濟衰退,失業率為6至8%,現時為3.5%,並有迹象繼續上升。黃昏將至,跟一位地產經紀交談,得知美孚新邨叫價,現時約每方呎3200元,日勤道別說改天再來。陸日勤http://penandsky.blogspot.com
PermaLink: https://articles.zkiz.com/?id=4324

中環在線:何超瓊多得市淡易請人 李華華




2008-12-03  AppleDaily 

金融海嘯衝擊下,有財團因缺水擱置澳門項目嘅工程,賭王千金信德(242)董事總經理何超瓊都話,集團會先主力搞成功率較高嘅項目,所以同杜拜 Jumeirah合作嘅酒店會如期發展,又強調內部資金冇壓力,仲話o依家逆市係請人嘅好時機。不過新項目申請建築批文需時,所以暫時未知會請幾多人。佢直認喺過去幾年澳門發展高峯期,想請建築工人同員工有啲難度,但隨着博彩業開始放緩,預期市場陸續有番啲年資高、富經驗嘅人才供應,有利集團請人咁話。

酒店落成時間啱啱好

何超瓊透露新項目最快都要3至4年至完成,除非大吉利是,未來幾年有大災難發生,否則到時澳門旅遊業應該發展得唔錯,咁個酒店項目落成,咪啱啱好配合到時嘅市場需求囉。
PermaLink: https://articles.zkiz.com/?id=4328

中環在線:聖誕物價指數不跌反升 李華華


2008-12-03  AppleDaily


仲有廿零日就到聖誕節,男士開始大費周章為至愛選購禮物。花旗PNC財富管理每年都會以聖誕經典愛情金曲《聖誕節12日》(The Twelve Days of Christmas)歌詞所列出嘅禮物,編製「聖誕節物價指數」。雖然經濟不景,但今年照禮物清單每樣買一件,原來比舊年貴8.1%,要2.1萬蚊美金(約16.4萬港銀),拋離3.7%嘅通脹,睇怕今年男士都要大出血。呢首金曲歌詞係講聖誕節12日內向你所愛嘅人送12份禮物,第1日送1隻鷓鴣、第2 日送兩隻班鳩、第3日送3隻母雞,如此類推到第12日就送12個鼓手(見表),如果跟足數量買,更加要8.66萬美金,貴成11%o忝呀。大家聽到呢啲禮物可能覺得好騎呢,但千祈唔好奇怪,其實首歌有幾百年歷史,仲有聖經寓意,啲禮物梗係同現代人送嘅好唔同啦。雖然禮物騎呢,但某程度都反映到物價同工資,好似班鳩比舊年貴38%;請個鼓手助興,工資都升咗3%。不過,唔係樣樣貴咗,今年金價跌,金戒指咪平咗11%囉。想聽吓支歌搵買禮物靈感,華華推介 John Denver同布公仔合唱嘅版本(http://hk.youtube.com)。

《聖誕節12日》禮物清單

1) 隻鷓鴣2) 隻班鳩3) 隻法國母雞4) 隻唱歌雀仔5) 隻金戒指6) 隻生蛋母鵝7) 隻游水天鵝8) 個擠奶女傭9) 個跳舞女士10) 個跳躍男士11) 個風笛手12) 個鼓手
PermaLink: https://articles.zkiz.com/?id=4329

中環在線:李蘢怡阿媽想自己起樓 李華華



2008-12-03  AppleDaily



近年唔知有乜做嘅奀星李蘢怡,佢阿媽同後父富貴就係人都知,近年靠炒樓都賺唔少,o依家唔知係咪想試吓起埋樓,最近就向城規會申請,想重建西貢白沙頭間屋。呢間屋係蘢媽同佢老公喺06年以3230萬買番嚟,都有幾十年樓齡,土地係住宅用途,理應唔使申請,但好衰唔衰地皮踩喺住宅丙1類同丙3類兩種唔同用途類別,涉及唔同地積比,所以咪要求救城規會去解決技術問題囉。呢間屋佔地大約8220方呎,佢哋想起間3層高大屋,總樓面約3820方呎,地下係停車間、大門入口同電梯位,1、2樓就係廳同房,另外仲有個私家泳池o忝。佢哋想用0.464倍地積比起樓,比0.4倍嘅限制高小小,至於廳房樓底又想有11呎高,咁起法3層樓會超出咗高限嘅大約30呎,咪又要求城規會批准將樓高放寬到31呎囉。
PermaLink: https://articles.zkiz.com/?id=4330

中環在線:彤叔潮look波鞋會股東 李華華


2008-12-03  AppleDaily


潮人配潮鞋,唔少後生仔屋企梗有一兩對潮款波鞋傍身,新世界發展(017)主席鄭裕彤噚日出席一年一度股東會,除咗西裝打呔配西褲呢個正常過正常嘅Look之外,佢仲腳踏花旗國一剔牌波鞋,黑身、黃邊配白底,非常搶眼。

自己買定有人送?

彤叔一到股東會場,行路健步如飛,進出開會場地加埋去廁所都非常敏捷,唔講都估唔到佢老人家已經年過80。睇番一剔牌嘅香港網頁,對鞋原來公開發售都未夠3 個禮拜,公價承惠港紙699銀,價錢相宜。據介紹,對鞋嘅特點係鞋身輕巧,加強前掌推進力,可以提升速度表現。啲網上討論區仲話,呢個系列嘅鞋舒適好着,鞋身透氣,唔怪得彤叔行得特別快,又特別開心啦。華華最想知道係,呢對新款波鞋究竟係彤叔自己買,定係邊位有心人送贈o架呢?

代言運動股有市場

國務院總理溫家寶喺四川地震災後,着住一對灰色NEW記波鞋跑遍災區山頭,宣傳效果仲好過畀幾億真銀簽個代言人。華華認為,祖國波鞋商再嚟香港上市,不如直接搵大孖沙入股兼做埋代言人,着住對波鞋走嚟走去,認購反應應該唔錯。

新年快到,問彤叔有乜新年願望,佢話希望股票起番晒,唔好咁多人失業,個個平平安安啦!大老闆咁講,新世界員工可以安心過年啦!
PermaLink: https://articles.zkiz.com/?id=4331

奧普的江湖地位 味皇


From

http://hk.myblog.yahoo.com/lgaim-foolman/article?mid=971

浴霸的正式名稱為浴室加熱器,"浴霸"的名字係發明者奧普改的,由於浴室加熱器這物體從前並 不存在,因此政府完全沒有生產檢測使用規定,第一個浴霸開始售賣時,新黎新豬肉,件件都可以斬人過千的,由於超暴利,於是大量跟風者一拥而上,人人都生產 浴霸,此時突顯了浴霸結構簡單,材料易搵,張三李四都整到的缺點,結果大量劣質產品面市,爆燈漏電時有所聞,由於政府完全沒有專門的法律規定,唯有用飯煲 雪櫃的條文,即使如此,僅漏電防水的規定都足以令不合格率升至滿點

奧普咁都冇比人夾死,原因係其策略:

高質量--正是市場其他人的樣衰,先顯得佢英俊,由於奧普暴利左一兩年,身家自然有底,一段時期買唔出死唔去,等d人比電電幾下,比d玻璃拮兩野就知邊個係人邊個係鬼,最後自然會買返正貨

高價格--不打價格戰,結果產品賣不出去,但奧普有錢頂得住,產品賣不出去的同時,消費者對價格高得變態的奧普印象深刻,"奧普好值錢"成為第一印象

高回拥--奧普對分銷代理非常不薄,由於奧普浴霸特別貴,代理利潤分成亦更多,推銷自然更落力,售後服務自然爽手

大聯盟--在對手用薄利多銷的策略時,對手的廠商同代理忙死都賺唔到幾多,服務變差之餘流動資金成日不足,而奧普同代理賣少少賺多多,服務自然熱情到發姣咁,少少存貨冇生意都唔駛死,資金自然充裕,結果奧普同代理齊齊發大,同盟更強力

多廣告--在該行業上,奧普廣告費最多,一近中秋就廣告轟炸,題材打溫情牌,有d似大陸d補品廣告"唔係比你用,係比阿媽用"咁成為孝敬家人的禮品,而且極盡質量內涵文化等方面貼金

協議行動--安排代理商之間協定不能踩過界,每人負責邊區,聯合抬價,不能隨便打折,抵制二五仔,嚴控水貨

結果形成了奧普的消費者印象-質量好價錢高,大公司先有得買,售後服務完善,人人推薦,家傳戶曉,用奧普係身份嘅像徵

結果奧普成為浴霸的代名詞,而財力同競爭對手的距離一口氣拉開,研發能力自然提高,加上大公司為保聲譽只賣最好賺同最高質的奧普,仲有不斷有比其他劣品電親或拮親的消費者出現,奧普越來越好賣,結果奧普成為"中國馳名品牌"兼"國家免檢產品"

由於奧普僅定位於廁所,奧普的出名令佢第時進入馬桶面盆市場提供優勢

上面提過,政府完全沒有生產檢測使用規定,而浴霸成為一個重要的新品種,自然要訂一d條文,結果政府搵左發明人奧普來訂,於是奧普訂左一大堆對山寨 廠不利而對自己有利的條文,仲有一d行規,行規這一點非常重要,例如蒙面超人變身時不能被怪人攻擊,否則故事就做不下去,怪人可以在蒙面超人耍帥的時間轉 為攻擊別人或破壞建築,但不要影響鏡頭,這就是行規;訂下了行規,只要大家都遵守,浴霸市場自然可以學得石油氣市場咁健康發展

由於奧普的技術同質量有絕對優勢,條文的技術標準自然嚴格,競爭對手首先要達到基本要求,先可以繼續發展,令奧普可以先行一步

從幾點可以看到奧普的江湖地位:

"中國馳名品牌"兼"國家免檢產品"

浴霸質檢標準制訂人

銷量只為全行業的兩成,而營業額差不多等同所有同業的總量

奧普產品比同類的貴150-300%

據說奧普的廣告好似旺旺咁煩

市面上n多各式各樣假冒的奧普,拍得上Tempo
PermaLink: https://articles.zkiz.com/?id=4342

Next Page

ZKIZ Archives @ 2019