ZKIZ Archives


呢次先係真-華脈無線通訊(499)


http://www.hkexnews.hk/listedco/listconews/sehk/20081201/LTN20081201605_C.pdf

之前我都話合完會大比例供,終於講中。

公司依據一貫慣例,在十一時宣佈供股。

公司繼上一次5合1,再2供1後,宣佈20合1後,1供7,每股0.144元,集資6,000萬,明日系的陳遠明會包銷29.99%,劉智遠先生亦出現在這次供股,包銷19.99%,然後由熟悉的聯合證券以及粵海證券包銷,完成後,陳、劉及包銷售共持90%股權,另股本約5億股。

供股價大比例、不吉利、又無買東西手尾、又搵熟證券行供,又call朋友供...自己明白。
呢次 次先 先係 係真 華脈 無線 通訊 499
PermaLink: https://articles.zkiz.com/?id=4285

廠佬「I kill you later」中國版之解決辦法


http://finance.sina.com.cn/stock/s/20081202/08085578146.shtml

這家中國上市公司叫做深南電,主要從事深圳發電業務。

他們簽的I kill you later 和中信泰富的相似,但掛勾的產品是原油。

公司簽了一份合約,和高盛新加坡公司對賭,分為兩個時段:

(1)在2008年3月31日至12月31日,公司打賭20萬桶,每月結算,打和價在62元,低於此價就雙倍接貨,封頂價在63.5元。即最高每月可賺30萬美元(1.5美元x20),但若油價跌到零,則每月虧損2,480萬美元(62美元x40)。

(2)在2009年1月1日至2010年12月31日,公司打和價在64.5元,低於此價就雙倍接貨,封頂價在66.5元。即最高每月可賺40萬美元(2美元x20),但若油價跌到零,則每月虧損2,580萬美元(64.5美元x40)。

由此可見,公司最多可賺的錢只有1,260萬,但最多可虧5.576億美元,可見是「贏粒糖,輸間廠」的遊戲。

講番過程先,公司初頭都贏錢,因為油價都在超過100元水平,但近期油價大跌,跌至現時40-50元一桶,它一個月的虧損就已經超過之前八個月賺的。

但中國公司自有它的辦法。

他的辦法就是,公司把自己核心資產賣給地方的公司,把自己變成空殼,就算高盛告它們不還錢勝訴,他已經變成空殼,都還不了錢呢!

雖然,公司不用還錢,但已經沒有了國際信用了。

更有人說,賣這些東西的外國人都是流氓,用這些流氓手法對付他們,是「其人之道還治其人之身」的行為。

香港的工業股可以以此事作參考,可以有樣學樣,但如果日後想向銀行借錢的話,就沒這樣容易了。
廠佬 kill you later 中國 版之 解決 辦法
PermaLink: https://articles.zkiz.com/?id=4289

何處覓心安 左丁山


2008-12-02  AppleDaily


 

金 融海嘯屠殺中產階級,凡有股票、外幣存款者,莫不蒙受大損失,重則九成,輕則三四成,今年退休嘅,十分無奈,未退休嘅,冇晒心機。雖則話大富豪、富翁階層 亦受重創,但佢哋底子厚,唔見幾十億或唔見幾千萬,仍然剩番幾十億以至幾百億或者幾千萬,即使痛在心頭,不傷脾胃。中產就杰咯,中小企老闆或者高級打工 仔,冇咗份工嘅話,點算,回歸十年,中產受重傷兩次,唯有仰天長嘆。

心中有結,問上天對我如此不公,哀自己何解不懂及早沽空,諗得多,精神未免憂鬱。啱啱 左丁山收咗一份傳真,係介紹解鬱講座嘅,不如與大家分享,如有時間,大可到場一聽。係佛教刊物《溫暖人間》與香港理工大學佛學會特別舉辦嘅免費講座,十二 月七日(星期日)晚上七時四十五分至九時四十五分舉行,地點係理工大學賽馬會綜藝館,取票查詢電話:2834 1776。既然係《溫暖人間》舉辦,當然係以佛學心態看金融海嘯,請來一位衍空法師指點「何處覓心安」。「衍空」,講吓笑就係衍生工具四大皆空,「衍即是 空」,「空即是衍」,凡掂親衍生工具者,荷包空完又空!請衍空法師有怪莫怪。

原來衍空法師未出家前,繼承父業經營證券業,經歷八七股災,九○年看破紅塵, 皈依我佛,近兩年協助「進念二十面體」以現代藝術演繹《華嚴經》,得到不少讚譽。受金融海嘯、裁員影響而心緒不寧嘅朋友,最宜定一定心,聽吓法師講何處覓 心安。其實聖雅各福群會亦曾在十一月二十八日請來「東瀛遊」老闆禤國全及其他人士講談「老闆打工仔如何共渡難關」。講者之中有兩位學歷唔好嘅年青人,透過 艱苦學習,發憤自強,成為受企業重視嘅人才資產。一個講座以積極入世態度,教人排除困艱,艱苦我奮進,不畏金融海嘯,一個以出世憫哀,教人視錢財身外物, 如有「人之尊、心之靈」,何怕「手空空,無一物」。金融海嘯滾滾而來,吾豈懼哉!
何處 心安 左丁 丁山
PermaLink: https://articles.zkiz.com/?id=4293

兩岸三地:百年老店爆煲啓示 Uncle Ray


2008-12-02  AppleDaily


 

最 近美國三大汽車廠面臨倒閉,這些「百年老店」經過多年發展才有現在的規模,然而市場殘酷,三大車廠被日本車廠及本身工會內外夾攻,潰不成軍。GM(通用汽 車)的市值,早已跌到比不少香港上市公司的市值還要低,管理一家公司是一門大學問,江山代有才人出,中國大陸近十年冒起的年輕富豪,他們的成就就使人嘆為 觀止。

國美主席立案起訴

國美(493)的年輕才俊黃光裕,在國內被雙規,中證監在11月28日每周例行新聞發佈會,證實對這 位年僅40左右的國內首富,正式立案起訴,罪名是涉嫌「市場操控」及一筆總數13億元人民幣的違法違規貸款。國內報章對此已有詳細報道,這些首富接二連三 出事,使筆者對香港的金融市場地位有一點遐想。由「中國好,香港好」到現在背靠祖國,香港股市近十年以國內公司為主導,這些公司的大股東,不少像黃光裕等 年輕企業家,在香港上市前,必須經過中證監或聯交所上市部門的審查,筆者的經驗是,聯交所對這些國內「資金來源」有很仔細的審查,確保符合中國的法規及稅 法,04年前的做法是要求國內股東取得中證監的「無異議函」。04年後這個要求取消,但聯交所有律師專門負責「資金來源」及國內相關法例的審查工作,接二 連三的違規事件,聯交所是否「失職」?

監管機構噤若寒蟬

此外,就國美事件,香港聯交所噤若寒蟬,數百億元市值的上市公司「話 事人」被雙規,這絕對是很嚴重的事情,聯交所有甚麼跟進?香港股市迅速染紅,不但成為高幹子弟的自動提款機,還成為不少國內年輕富豪非法套滙的理想 Casino,上海首富如是,電器首富亦如是,還有多少家公司會爆煲,國內的內房公司乎?Uncle Rayray.uncleray@gmail.com
兩岸 三地 百年 老店 爆煲 Uncle Ray
PermaLink: https://articles.zkiz.com/?id=4294

中環在線:渣打CEO嚇親員工 李華華


2008-12-02 AppleDaily


 

銀 行裁員傳聞不絕,渣打(2888)噚日炒人傳聞都甚囂塵上,咁啱呢個時候,集團行政總裁冼博德嚟咗香港,而且行色匆匆,噚日下晝到,今晚就要走。其實外界 唔使揣測太多,事關今次集團「二班」訪港,只係同一班中高層員工,齊齊預早慶祝聖誕;舊年適逢渣打香港前行政總裁蘇利民榮休,冼博德都專登趁舉行 Party機會,歡送佢老人家。今年雖然遇上金融海嘯,不過冼博德依然冇甩底,趕及夜晚同一班管理層喺金鐘港麗酒店開聖誕Party。據華華了解,冼博德 會喺晚宴上發表講話,相信都係激勵士氣同穩定軍心。

匆匆來港非關裁員

渣打早前宣佈以大折讓價供股,睇怕佢會趁機解釋呢次集資計劃,順便講解吓供股價有幾筍幾正,事關唔少員工參加咗集團股份儲蓄計劃,所以預計冼博德都會同呢班「特別」股東交代吓。
中環 在線 渣打 CEO 嚇親 員工 華華
PermaLink: https://articles.zkiz.com/?id=4298

中環在線--柳傳志:「寒冬」至少三年 李華華

2008-12-02  AppleDaily

 

金 融寒冬會持續幾耐,大多數人都估計至少一年,但聯想集團創辦人柳傳志更保守,認為「三年以上的思想準備還是很必要的」。他一年前已發出「寒冬警告」,而一 年後他的看法更悲觀。內地傳媒引述柳傳志表示,「那個(一年前)冬天跟今天的感覺是不同的,比如說把零上四度叫過冬,今天大概是零下15度東北的冬天」。 在他眼中,一年前所預期的冬天,其實是一個暖冬。點解寒冬會咁漫長,他話國際之間形勢大變,華爾街的投資銀行一夜崩潰,歐洲正陷入衰退,而畢竟中國出口拉 動經濟的比例仍相當大,加上現在全球經濟一體化,國際金融會直接影響中國,這種影響可能會很巨大。他的結論是「所有的問題要有一個消化過程,我覺得三年能 好就挺樂觀了,三年真的就不算是甚麼太不好的了。」
中環 在線 柳傳 傳誌 寒冬 至少 三年 華華
PermaLink: https://articles.zkiz.com/?id=4299

中環在線:譚香文忙做主席辭閒職


2008-12-02  AppleDaily


 

9 月戰敗立法會後,前會計界議員Mandy譚香文,除咗早排話放棄角逐公民黨司庫職位,同埋連黨執委都唔做之外,噚日佢辭埋做咗只係一年多嘅國盛投資 (1227)獨立非執行董事,同薪酬委員會成員兩個Job,理由係「因需要更多時間在其專業實務發展」咁話。唔做國盛董事每年只係少收8萬蚊,但 Mandy到底要發展乜嘢專業實務呢?據佢早前講,唔做議員之後其實好忙,第一件事係侍奉主,第二係做社區服務,第三就係做好星河明居業主委員會主席呢份 工。唔怪得要咁多時間啦!
 
中環 在線 譚香 香文 文忙 忙做 主席 閒職
PermaLink: https://articles.zkiz.com/?id=4300

平保買富通大蝕輸咗搵人賠 中環在線:利時首相揶揄馬明哲 李華華


2008-12-02  AppleDaily


 

唔知係唔係實在太擔心揸住4.99%嘅富通集團,會由毫子股進一步變成仙股,到時就真係想唔撇賬到零都唔得,上個禮拜平保(2318)居然諗到搵阿爺出面,幫佢向比利時政府尋求賠償,希望可以為呢筆巨額虧損搵番啲幫補,唔好輸得咁肉酸。

接收前股價已插水

之 不過,比利時政府一於好少理,仲講到明叫平保死心,唔應該寄望從比利時政府嗰度獲得富通持股嘅相關賠償,比利時首相萊特姆仲好抵死咁同當地傳媒話:「我好 理解平保會對呢個決定表示失望,但投資總要承擔相關風險。」乜咁似香港證監會嘅宣傳口號嘅。萊特姆仲話,平保一直對富通嘅增長前景充滿信心,事後證明呢個 並唔係一個正確嘅判斷,而中方提到股東所持股份價值大幅縮水(由差不多每股19歐元,跌到上個禮拜最低嘅0.568歐元),其實喺比利時政府插手富通前就 已經發生。咁即係暗示平保投資眼光唔夠,自己衰咗就唔好賴地硬啦。雖然平保提出,話比利時政府今次變相將富通收歸國有,用呢個理由索償,表面睇嚟有理,但 係賠得畀你,其他富通股東通通都會撲埋去要求賠償;而且收歸國有都係俾山姆大叔所害,你估佢想攬上身o架咩。不過,外交即係外交,佢哋政府發言人一方面 話,上個禮拜五已經同處理呢單嘢嘅相關人員見過面,比利時願意繼續同中方協商解決問題,但同時又證實咗首相上述言論,即係話意見接受,態度照舊啦。李華華 LiWaWa@AppleDaily.com
平保 富通 大蝕 蝕輸 輸咗 咗搵 搵人 人賠 中環 在線 利時 首相 揶揄 明哲 華華
PermaLink: https://articles.zkiz.com/?id=4301

金融危机重创山西:焦炭煤炭价格均下跌50%


http://finance.sina.com.cn/chanjing/b/20081202/00225576272.shtml
金融 危機 重創 山西 焦炭 煤炭 價格 下跌 50%
PermaLink: https://articles.zkiz.com/?id=4302

洞庭水殖虚假披露掩盖关联交易


http://finance.sina.com.cn/stock/s/20081202/07355577862.shtml
洞庭水 洞庭 虛假 披露 掩蓋 關聯 交易
PermaLink: https://articles.zkiz.com/?id=4303


ZKIZ Archives @ 2019