ZKIZ Archives


泰林結業銀行更緊 左丁山

2008-10-21 AppleDaily


泰 林電器突然全線結業,令人意外。泰林已有六十年歷史,左丁山係細路仔之時,已知道泰林賣靚嘢,賣貴嘢,咁老字號,久經風雨,歷六七暴動,八七股災,九七金 融風暴,○三沙士而不倒,唔通今次抵唔住金融海嘯?思之令人遺憾。亦驚係一葉知秋,零售業生意難做,○九年好難捱,尤有甚者,泰林欠債一億元,拖數不少, 供應商有大損失嘅話,可能骨牌式倒下,牽連更廣。

退休商家P已不問商事,只在文化藝術教育方面下工夫,到香港大學教MBA,樂得逍遙。泰林 倒閉前一日,佢請左丁山到電氣街食法國餐,話明法國鄉間風味,絕不扮嘢。P老哥係熟客,叫法式燒豬、雞炒飯、西班牙火腿,加上甜品,果然正到無倫,左丁山 好耐冇食過咁靚嘅西餐。但係,可惜吖,成間餐廳,只係得我哋兩個人食午飯,兩個鐘頭內唔見第三個客人行入內,餐廳點維皮呀?後來先知道,餐廳係老闆自置物 業,一於唔使驚喎。

市道如此,租金應該下調至啱,但前星期聽一位商舖代理在電台講,業主仲未肯減租,亦有人願意承租,真係 奇哉怪也,大概香港啲業主好有銀,彈藥充足,以前搵長咗都唔定。不過食完飯後,因食得太豐富,決定由灣仔行返中環,以助消化,咁啱在金鐘站附近碰到賓架 M,佢話到太古廣場call客,左丁山笑佢:「係唔係探聽軍情啫啩,驚公司老闆唔見咗呀?」賓架M為之苦笑,佢話:「兩樣都有啲啦。現在稍有差池,就會走 數,唔勤力啲睇住客戶盤生意都唔得。不過九一一之後,借貸文化有改變。我師傅話八三年佳寧風暴之時,好多客戶唔掂,啲老闆主動搵銀行搭救,希望債務重組, 他日翻身,所以師傅做過好多單債務重組案。但o依家就唔同,有啲公司老闆走上嚟,聲大大好輕鬆咁話,我哋好唔掂嘞,會申請破產,你哋銀行睇吓點做啦!」 吓,有咁嘅事,唔怪得賓架M話辛苦過師傅,老實講,如果啲老闆冇簽私人擔保又唔講面子,全無牙齒當金使呢套古老道義作風嘅話,一走了之,確係幾輕鬆。既有 如此情況,明年銀行唔收緊信貸,吾不信也。
泰林 結業 銀行 更緊 左丁 丁山
PermaLink: https://articles.zkiz.com/?id=2737

筆論天下:另類風險 陸日勤

2008-10-21  AppleDaily

假 設有間老牌雲吞麪店,老闆去世後,遺下的三個老婆一同打理麪店,大婆負責收銀、二婆管廚房,而三房當樓面侍應。要你猜二奶賺多少錢?答案相當難找。即使你 可以從每日的人客流量和他們的餐單,大概估計全店每月的收入,以至三位老闆娘合共的收入,亦很難知道每個人個別的收入,她們之間如何「分配利益」。

利益分配難猜測

對 於有關股票投資,風險可籠統地分為三大類。短期的,有估值風險──個別股票的價格,會因市場主觀的情緒影響,在公司業務不變的情況下,股價仍可能大幅波 動;長遠來說,有盈利風險──公司的未來盈利各有差異,這視乎她們的產品和服務質素以及市場的競爭環境等因素影響。股票投資者要克服短期估值風險所帶來的 貪婪與恐懼,又要有眼光,洞悉公司的未來盈利能力,兩者風險加起來,難度之高可想而知。還有,政治環境帶來的風險,例如發牌制度和稅制變化,也為投資者帶 來第三種風險──政策風險。夠煩了!可是,在某些股權結構複雜的公司,還有第四種風險──就是日勤用雲吞麪店比喻說明的「利益分配」風險。

合資聯營欠透明

以 從事航運業的中遠太平洋(1199)為例,盈利金額平衡地來自三個主要業務:貨櫃租賃、貨櫃碼頭起卸以及貨櫃製造。三項業務之中,只有第一項──貨櫃租 賃,是自己佔大部份股權的生意;其他的兩項,由佔一半股權的合資公司,以及佔小部份股權的聯營公司經營。這個安排,第一個問題是紀錄的透明度低,財務報表 的細節只反映佔大部份股權的業務,其餘的合資和聯營業務,只有較概括的數字供參考。更糟的是三個業務的運作是息息相關。中遠洋的本業──貨櫃租賃,需要購 入大量貨櫃,而所購入的貨櫃,每四個當中,就有一個是幫襯自己的聯營公司,該聯營公司的董事有中遠洋的代表。貨櫃的價格,以至何時買多買少,當中涉及利益 重叠,不能單從市場供求方向去了解。另外,貨櫃租賃的收入,有四分之一來自中遠洋母公司,假若中遠洋要加租,母公司的利益受損,問題又不易從市場供求方向 去分析。母公司中遠集團的航運發展版圖,也靠中遠洋在貨櫃碼頭起卸的支持。三個老闆娘經營一間麪店已夠複雜,這間我們假設出來的麪店還入股隔籬街的麪粉廠 ──之前,中遠洋入股創興銀行(1111)兩成股權,去年年底將其售予母公司。股票投資者面對估值風險、盈利風險及政策風險,對於一些股權結構複雜的公 司,還要顧及「利益分配」風險,投資難度更高。陸日勤http://penandsky.blogspot.com
筆論 天下 另類 風險 陸日 日勤
PermaLink: https://articles.zkiz.com/?id=2738

中環在線:內地風險管理人才搶手 李華華

2008-10-21  AppleDaily




金 融海嘯發生以嚟,大家都好關心自己嘅前途,華華認為去中國打工絕對係最佳出路,但做邊行好呢?據《新京報》報道,中華英才網出咗最新職位需求報告,結果喺 內地金融業中,投資銀行業務、融資項目管理、國際結算同外滙交易等冇咁吃香喇,搶手職位係客戶經理、金融產品營銷管理同風險管理呢類。咁多工話要請人,比 起華爾街嘅人浮於事,內地嘅打工仔機會就多好多嘞,報道話,內地機構智聯招聘做咗個調查,結果有五成打工仔覺得冇受到金融海嘯影響,話嚟緊會努力搵工跳槽 o忝。

展覽業將成大熱

咁喺金融界以外,經貿界別中,最俾人睇好嘅其他行業中,又以展覽業最熱門,《大連日報》報道指,中國嘅 展覽業會喺未來中國經濟一枝獨秀,因為據全球展覽業協會喺今年做嘅一項調查,亞洲156個會展場館中,中國佔84個,即係超過一半。所以,同展覽有關嘅職 位,包括展覽經理之類,需求都會好大。
中環 在線 內地 風險 管理 人才 搶手 華華
PermaLink: https://articles.zkiz.com/?id=2743

中環在線:TCL李東生種定棉花過冬 李華華

2008-10-21  AppleDaily

上 年內地唔少企業高層,好似阿里巴巴(1688)主席馬雲咁,已經響晒朵,話寒冬將至,叫大家準備好過冬。呢個冬天點止吹襲IT行業,TCL集團董事長李東 生都話:「如果等落雪先想到種棉花就太晚嘞。」佢嘅棉花4年前就種咗,上年初就開始為過冬做準備咁話。唔通佢真係咁先知先覺?

據內地《財富時報》報道,李 東生話冬天都到,先至嚟種棉花,係為時已晚!套用廣東人講嘅,即係「臨渴掘井」。佢解釋,好似聯想(992)、TCL呢啲咁有規模嘅企業,準備至少需要一 年。所以如果冇提早準備,就趕唔切。李東生話,自己好好彩,4年前就開始種棉花,TCL上年初已開始為過冬做準備,加速收縮、處置資產,又甩咗電腦和低壓 電器業務,增加手上流動資金。
中環 在線 TCL 李東生 李東 種定 棉花 過冬 華華
PermaLink: https://articles.zkiz.com/?id=2744

中環在線:國美緩擴張蘇寧食住上 李華華

2008-10-21  AppleDaily

內 地電器業一向競爭激烈,單係連鎖集團國美電器(493)同蘇寧電器,為爭行內一哥寶座,一直打生打死。胡潤中國富豪榜嘅首富國美主席黃光裕雄心萬丈,高峯 期喺全國嘅分店數目去到800幾間,多過蘇寧近百間。不過呢個競賽難再玩落去,經歷金融海嘯嘅衝擊後,之前只會向前衝嘅國美,終於要減慢步伐,佢哋高層 話,「係喺最恰當嘅時候做最正確嘅事」。

據《中國經營報》指,之前幾年只會提「擴張」嘅國美,執董兼總裁陳曉竟然話,下年開店計劃要審慎同保守,而下年嘅資本開支都會削減。開口埋口都係「審慎」、「保守」同「削減」,呢類消極字眼,佢哋係第一次用。

咁都冇計,市場傳黃光裕手頭資金緊張,要錢周轉,搞到市場出現恐慌性拋售,加上新鴻基金融集團將國美評級為「沽售」,國美嘅股價今個月2號起連跌6日,由2.25蚊跌至1.15蚊,足足唔見咗一半咁滯,噚日都係得1.28蚊……國美呢輪嘅運氣似乎差咗啲噃。

本嚟股價大跌加上前景難料,減慢速度無可厚非,之不過,國美有個亦步亦趨嘅對手蘇寧電器跟住,報道話,國美一減速,好易就會俾對手有機可乘,報道訪問咗蘇寧總裁孫為民,佢好老實咁話:「如果真係咁(國美發展減速),可能降低蘇寧嘅競爭成本。」

你行慢啲 我都慳啲

孫 為民仲話:「外行睇熱鬧,內行睇門道。實際上國美放緩開店速度,都同佢哋間公司結構有關。」佢話,國美先吞永樂,再買大中,又收購中關村同三聯商社,擴大 戰線,呢啲企業過去各自為政,即使整合咗,都會有啲重叠。商場好現實,敵進我進,敵退我更要進。家陣國美氣勢一差,對手仲唔食住上咩!李華華 LiWaWa@AppleDaily.com
中環 在線 國美 擴張 蘇寧 食住 住上 華華
PermaLink: https://articles.zkiz.com/?id=2745

投資書 CUP

From

http://hk.myblog.yahoo.com/Chui-Cup/article?mid=9174

網友問及看投資書的推介,

我的意見是,談情要專一,但讀書卻要濫交,什麼書都要讀他一讀,方知天下之大。

關於價值投資,葛拉漢的《證券分析》是被公認的聖經.

若然初學者認為此書較為難頂,可以考慮先看以下幾本書......

-股市真規則 (Pat Dorsey)

-Common Stocks and Uncommon Profits (P. Fisher)

-Intelligent Investor (Benjamin Graham)

-Investing in Templeton Way (唔記得邊個寫〔Templeton的後人〕)

-"Learn to Earn", "Beating the Street", "One up on the Wall Street" (Peter Lynch)

-解讀巴菲特(淳洋);The New Buffettology (Mary Buffett)〔建議讀巴菲特的書要非常小心〕;巴菲特給股東的信.

-證券分析實踐、平民資本家(林森池)

--------------

以上排名有分先後,尤其是巴菲特及林森池的書,我認為非要有一定功力不可領會.

只係呢d書要熟讀,睇怕可能一年半載都睇唔哂.

--------------

另外,學習價值投資,並不是讀完價值投資的書藉就算.其他理論也要知道一些.

科斯托蘭尼的系列、"A Random Walk Down Wall Street" (Malkiel)、"Stocks for the long run" (J. Siegel)、"Winning The Loser's Game" (Charles D. Ellis)等等也是可以睇睇.

如果有興趣的話,一直讀下去,包你有讀不完的書.因此巴菲特為什麼讀了幾十年的書還樂此不疲,不斷閱讀.

最重要也是要和自己的經驗互相印證,書讀完後過了一排回頭一望也會有不同領會.千萬不要讀死書,緊抱一家之言,最重要是變通.

投資 CUP
PermaLink: https://articles.zkiz.com/?id=2757

中信泰富,瑞安房地產 CUP

From

http://hk.myblog.yahoo.com/Chui-Cup/article?mid=9225

中信泰富賭了舖外匯版 i kill you later 導致百幾億損失。

大家要知道中信泰富並不是垃圾公司,而是一間經營多年、具有規模、suppose 是有良好管理架構的大紅籌兼大藍籌。

搞單咁既嘢實在令人十分心寒,因為這種事應在三四線股發生,而不是這種級數的公司發生。證明不少中資企業的管理存有巨大的問題。

中信泰富一日之間股價被腰斬是絕對可以理解。

另一邊霜瑞安房地產夏達臣辭任財務總栽和董事職務,股價連日陰跌,近日更被洗倉。

市場有時的確是愚蠢,但多數情況下是「沒有死錯人」,事關市場大部分的參予者都是專業或者機構投資者。

因此,遇到這種情況,尤其是二三線股票,應及時控制部位,提高警愓,不要隨便買進,直至了解下跌原因以及基礎因素明朗化為止。在金融海嘯下,什麼都有可能發生,最重要是自己立於不敗之地,避免受到重創。

並不是什麼股票都「不持有十年,十分鐘都不要持有」,在動盪的時勢,事情可以轉變和發展得很快。

中信 泰富 瑞安 房地產 房地 CUP
PermaLink: https://articles.zkiz.com/?id=2758

康师傅确定接班计划:董事长职位将家族继承

http://finance.sina.com.cn/roll/20081021/15182473117.shtml
康師傅 確定 接班 計劃 董事長 董事 職位 家族 繼承
PermaLink: https://articles.zkiz.com/?id=2759

合俊隐蔽资金链:宣布破产前工人加班到晚10点

http://finance.sina.com.cn/chanjing/b/20081021/02385410862.shtml
合俊 隱蔽 資金 宣布 布破 產前 工人 加班 到晚 10
PermaLink: https://articles.zkiz.com/?id=2760

中環在線:法國老麥為美爭光 李華華

2008-10-22  AppleDaily

法 國人識飲識食,食餐晏都話要配杯紅酒,勢估唔到一個金融海嘯,搞到法國人改變飲食文化,要勒緊褲頭捱麥記,擁抱過去一直鄙視嘅美國快餐。據彭博報道,經濟 不景,法國第三季經濟增長有機會錄得15年嚟首次負增長,飲食業首當其衝,上半年有3000間餐廳申請破產,較舊年同期大增27%。市道唔好,法國人都要 改變口味,食平價快餐麥當勞,啜可樂代替飲紅酒。

為慳錢啃美式快餐

麥記喺法國經營近30年,今年生意創新高,急升至33.5億歐元,仲逆市多開29間分店,全國增加至1115間。麥記法國業績省鏡要讚吓前幾年上任嘅法國CEO Petit,佢喺menu引入沙律、乳酪同一口吃小食等健康食物,改變美國快餐形象,家吓終於有收成。
中環 在線 法國 老麥 為美 爭光 華華
PermaLink: https://articles.zkiz.com/?id=2772

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019