ZKIZ Archives


陳生,我支持你!

雖然陳生是自己衰貪心,被財技人士騙兩騙又上市後又賣殼,最後可能出了事故,兩派人反面,甚至迫宮,結果陳生自行停自己牌。之後不停說董事資料誤導等等等,又不是適合人士,也是筆者所有想到幫陳先生的策略,所以筆者不會發表任何意見。。

廖先生不做董事也無出手,只是因為他如果被發現和配售股東有關的話,他隨時會犯上上市條例的規則,所以並不能出面,但只要有證據證明他有關,就已經犯上上市規則。

陳先生,其實我非常討厭財技人呃殼,搞財技騙股東錢,支持做實業的公司存在,所以我支持你。我相信廖先生一派人被凍結資金超過1億,只要時間夠久,利息成本都已支持不住。你如果真的沒有炒股,拖住他應該會勝利,努力吧!

陳生 支持
PermaLink: https://articles.zkiz.com/?id=253188

關於康健此事,我很開心

這班死老千真的死了,我真的不相信這批老千有敗亡的一日。死仆街粉哥,垃圾人渣醫生,再見了。

以為自己騙盡天下人的錢能夠瞞得到人嗎,這個世界有天理的!

在下近日和一名網友談及繼續對付這批死老千,其言論如下:

「留意到湯兄近期就唔少老千股問題向班廢物投訴,我以前都做過呢d事。可以保證根本冇用。

其實湯兄有冇考慮過直接向特首辦、中證監之類投訴兩大監管機構長期不作為,放任香港股票市場老千問題,向佢地請願?

今時唔同往日,香港股市老千問題其實同中國政府證券金融市場發展相關政策都抵觸,中證監、兩大廢物紙老虎本身其實都意識到相關問題,而且林鄭遲d上台,以佢過往行事風格同新官上任三把火,如果到時向特首辦投訴、請願唔知會唔會又好d?

如果向中證監方面投訴,可能要著重講下香港股市老千問題同中國政府相關政策嘅抵觸之處,對中港股市互聯互通後中國股民、機構投資者造成嘅損害之類。

如果向特首辦方面投訴,可能就除咗提到同中國政府相關政策方面嘅配合之外,仲要講埋對香港本身社會、市民造成嘅損害之類。如果林鄭可以逼到兩大廢物紙老虎去檢討、做嘢,甚至改革,咁到時一定好多人歡呼,對佢黎講亦係一大政績,可能佢民望都會升高呢。」


「向港交證監投訴d老千股真係冇用,所以我建議湯兄不如試下轉個思路轉個做法,直頭向特首辦中證監投訴兩大監管機構,向佢地請願,睇下可唔可以索性全部KO哂佢地。

得湯兄一個人當然好難做出件事,要搞就一定要呼籲大家參加。尤其係最好有好似David Webb呢類有份量有名氣,同湯兄態度近似,又親身受過老千所害既人都去出聲,去做呢件事,仲有例如偉哥呢類知名散戶(不過佢可能同湯兄有矛盾)。

無論係香港本地定國內,肯定都有好多散戶係受過老千所害,甚至係害得好慘,只要係有投資港股經驗嘅人想搵到冇受過害都難,連雪球都成日見到球友輸錢畀老千。

散戶最致命就係一盤散沙,團結就是力量,咁多人受害,每人出一分力,加起來聲音已經不容忽視......當然要視乎用咩方式,如果又係集體向番兩大廢物機構本身投訴,或者幾千人聯名向特首辦交一千零一封請願信,結果畀職員將一千零一封信放落回收箱之類當然唔掂。點樣將眾多受害者聲音嘅力量發揮出黎,令人不容忽視冇辦法唔理都要好好深思熟慮,諗下用咩辦法方式去做。

如果湯兄肯搞我會出一分力,但當然由湯兄帶頭。

例如湯兄如果帶頭呼籲大家一齊向特首辦中證監投訴兩大機構,咁我一定會參與投訴埋一份。但如果想搵機會係特首落區時向特首當面反映,想辦法直接將訴求傳達畀特首,咁我未必會露面同湯兄一齊去做呢件事。」

「近期睇起黎證監終於有對老千做番d嘢,但目前我睇情況仍然未能夠視為樂觀,畢竟根據目前有明顯問題漏洞嘅條例,證監會想做嘢都好難咬得入,要真係解決問題,其中一樣係要推動堵塞現行條例漏洞,除咗要再補充加入明文限制(例如針對供股、大比例合股之類),仲要再加入一d原則,令證監認為有需要(保障投資者權益)時有足夠權力叫停老千行為。

證監有做番d嘢,一樣可以搞,因為仍然有好大問題,好多嘢值得提出訴求,只不過可能調整下,就算同時稱讚證監近期行動又有咩矛盾?而且證監有做番d嘢,咁港交所呢?港交所就冇佢地要承擔嘅監管責任?

香港股市實在太老千,唔單止老千股問題嚴重。例如你睇今日883,大戶擺明趁除淨操縱股價,開市踩多腳落去殺牛,然後立刻掃番上去,你查下今日883牛證死咗幾多。行為同今日電視新聞講匯豐喺外國受到嘅指控性質差唔多,但香港呢d事簡直日日不斷發生,但唔好話好似外國咁採取執法行動罰款,港交所證監會長期都視而不見,連試圖做少少嘢令大戶莊家唔好做到咁過份都冇呢,死嘅又係散戶。而且d錢仲係蝕出去外國,香港股市長期都好似提款機咁,不斷畀外資大戶仲有各地老千將錢抽出去,難怪香港人工作辛勞世界第一,但經濟環境長期都咁唔好,甚至撇除富有少數,仲有虛高樓價後似乎愈來愈窮;相對而言港交所罪過更重。

如果爭取,除老千股問題,上述問題都可以考慮爭取埋,大戶睇住散戶黎玩黎挾黎殺做得極狠,相信對上述問題爭取埋,會比老千股問題有仲多人會響應支持。

搞唔搞場大龍鳳睇湯兄你鍾意啦。唔駛急,亦唔一定要搞到好難,用比較容易輕鬆冇壓力嘅方式一樣有做法,而且本來就係爭取正當嘅事,提出合理訴求,就算最壞情況結果係所做嘅事睇黎似乎完全冇用(睇黎冇用唔代表冇意義冇產生影響)都唔算係d咩。

如果湯兄最終決定搞場大龍鳳,我會依自己情況盡量出多幾分力幫手。當然計議好之後一定要搵多d人。」

「先集中郁班細老千可能都好,我之前嘅提議主要係當有需要爭取盡量多人出聲支持嘅時候先咁做,唔係嘅話可能最好都係按部就班,一步步黎。而且就算想郁班大老千,都最好要等股災發生之後,到時散戶怨氣先會最大。好似美國,加強金融市場監管,簽署《多德—法蘭克法案》都係由於次按風暴引致08年金融海嘯所導致。

而家我地可以傾下具體點做。

對於向特首提出訴求呢條路方面,我初步想法係打算首先草擬一份請願信,由我地兩個或更多人草擬,遞交特首辦。然後睇佢地反應,回覆令人唔滿意,或者一段合理時間後仍然冇回覆,遲遲冇聲冇息咁就再向特首辦方面聯絡交涉。然後,如果都係唔得,我提議去聯絡david webb之類具有一定知名度,同我地態度近似,又親身受過老千所害既人,尋求支持,然後大家集體發公開信,引起輿論,逼特首辦方面處理跟進訴求,畀出一個滿意嘅回覆交代。最好喺公開信當中要求新特首親自承諾檢視訴求,甚至提供一個有足夠時間同我地親身會談嘅機會。

肯去做相信點都會有多少效果嘅,除咗向新特首訴求,坦白講其實我認為從中證監方向著手可能會更有效,從中證監方向著手我都有仔細諗過可以點搞。」

「港交證監兩大機構都好有問題,相比之下港交所問題明顯更多更大更嚴重。除咗老千股問題,仲有一樣我認為係非常值得去反映,問題非常大非常嚴重,害到非常之多嘅人極慘,我估如果要市民大眾表達聲音支持,可能比老千股問題有明顯更多人支持,就係牛熊證與相關嘅市場操縱問題。

簡直係港交所最為人詬病,最離譜,真係委託人獨立調查嘅話港交所最無地自容,證據確鑿,荒謬離譜之處最令人側目嘅問題。牛熊證問題輿論一但能夠掀起,肯定係逼迫政府做嘢改變一大關鍵。可能比大量離哂譜向下炒股票更加能夠有力證明現時港交所,仲有相關制度存在幾大問題,係幾咁需要改革。

而且我地所爭取嘅具體最終目標究竟係咩?我認為最終目標係要爭取港交所作出改革,證監會作出調整,而且變成係有人可以監察、管得到嘅機構,喺監管工作上仲要變得透明化,將更多內容公開披露,畀公眾查閱,向公眾交代(尤其係收到大量市民投訴嘅個案),從而取消弊病,能夠正確、有效地發揮職能,從而令市場能夠變得健康,而且真正保護到投資者(港交所其實最好將商業運作同監管職能拆開,變成兩個獨立嘅機構,甚至將監管職能併入經過檢討調整後受監察嘅證監會)。

憑咩嘢高官有問責,政府其他部門,地政,水務,社會福利,乜署物署都有監察,連廉政公署都有監察,甚至有時仲會受到獨立委員會出報告公開批評責令檢討改善,仲上埋電視新聞,而港交證監可以完全冇監察冇王管?連李小加都可以大搖大擺去參加金利豐通過借殼上市搞嘅慶祝活動,仲幫朱太做鼓手?然後完全冇問題?


可唔可以參考對其他機構部門嘅監察,又成立一個獨立監察委員會呢?又例如可唔可以喺申訴專員公署成立一個獨立委員會,係專門負責接受對港交證監嘅申訴,或者接受一d經過向港交證監投訴後拒絕受理,而又不滿結果嘅個案上訴呢?法院都有區域法院、高等法院、終審法院啦。最好一樣定期出報告,交代對於所收到申訴嘅處理情況,透明化披露化,向公眾交代,又可以對照港交/證監作出嘅披露。」


「當然上述只係提個大概,而且未有具體用黎提出作建議嘅定案,仲有好多細節,例如成立一個獨立委員會,咁成員構成係點安排?選成員有咩標準?用咩方式決定?點樣避免老千大戶勢力班人滲透入去?呢d都未搞,亦應該最好唔係由我一個人草擬哂。

好多我都思考過,連大致實際咁提議會有咩係容易遭受質疑有問題之處,同埋之後相應嘅,仲有實際咁可唔可行?會產生咩問題?之類都思考過好多。

去爭取嘅話,絕對唔係空有訴求,要提出具體實際建議,要內容充實,幾多都有。正如要搞呢件事本身,幾多辦法幾多方式都有。

當然,前述只係我心頭中希望爭取到最理想情況,我都承認要爭取咁大改變有d唔現實,請願反映問題後可以令港交證監有壓力去檢討已經好好,如果肯作出一d改變,改善監管取態已經大成功,要港交所改革、監管工作透明化向公眾披露交代之類都比較奢望,比較意義重大可以令兩大機構變成有王管嘅話簡直大驚喜。

前述嘅建議固然好,但提交請願信應唔應該包含埋呢d內容都要好好想想。

草擬份請願信,我想法係內容包括幾方面:明確指出香港股票市場老千股問題,可能包括埋牛熊證與大戶市場操縱等等其他問題;指出港交證監兩大機構有問題之處,以及癥結所在;就呢d問題訴求,請願特首辦處理;可能提出一d具體建議,以解決問題根本。」


「真係忍唔住都想講多句,而家真係天時地利人和都齊哂,正值香港政府換屆,香港回歸二十周年習近平訪港在即先黎搞單咁嘅嘢,近兩年內地政策係要中港兩地股票金融市場互聯互通,咁係大方向,成日有高官元首會面,提到經濟都會講埋,今日呢系股票咁搞法,香港股市咁嘅市場亂象,兩大機構責無旁貸,簡直由上路到下路都通哂。

而家我地無論向特首定中證監請願,整頓兩大機構/向兩大機構施壓,解決香港股市市場亂象,都會易講好多。仲有呼籲散戶出聲動用群眾力量都係會容易咗,今日肯定大把散戶輸得好慘好痛苦,可能內地都有好多散戶中埋招,咁就連我預想中一步:喺雪球呼籲內地散戶向中證監投訴請願,由最熟悉中證監嘅國內散戶,話畀國內中證監知道,喺中港兩地股市互聯互通之下,確實有幾多國內散戶受老千股問題所害。其實內地散戶南下玩香港衍生工具尤其牛熊證然後輸清光嘅亦唔少,可能都可以向中證監反映埋香港股市長期受外國勢力操控把持,長期為禍損害中港兩地投資者嘅問題。

David Webb之前發文話呢系股票唔買得,而家David Webb聲望一定勁,搵埋佢出聲效果都會好。可能湯兄你嘅聲望同號召力都會有所提升呢。如果今日咁搞係因為老千勢力出咗問題出咗事就更好了,趁佢病攞佢命!天時地利人和齊哂。

新特首積極配合國內政策,而且向來作風強硬"好打得",相信都係利好。」

我會繼續不斷投訴老千股的所作所為,直至那班上市科、證監會收高人工的垃圾不再hea,讓那班死老千慣犯亂來騙小股東,利用港股市場洗錢,騙盡香港所有人,自己騙自己人還不夠,還要騙國內人,還有隱瞞事實,不讓人說他是老千股,人渣所為,不治他們的罪,筆者氣難下。

筆者絕不是公報私仇,只是這班高高在上的上市公司高層垃圾,騙人已久不悔改,還要扮作成功人士,叫下一代一齊做仆街,正仆街! 死開啦,教壞人做騙子,我為下一代悲哀!非常討厭,港交所、證監會垃圾不作為,搞得他們以為自己是神,只是一班成功一點惴高級騙子,一起為了賺錢為非作歹,扮作正人君子,還要在電視扮善人,正賤人,好火滾呀!

如果這班垃圾監管機構不做事,我已決定去信特首辦、中證監,務求要他們嚴肅處理得戚20多年的死老千倒台,破產,被唾罵、人格破產,受到報應! 騙中國人的垃圾上市公司,沒有好下場!

關於 康健 此事 我很 開心
PermaLink: https://articles.zkiz.com/?id=253189

新上市公告20170628

新上市股份之取表/收表地點:
上市 公告 20170628
PermaLink: https://articles.zkiz.com/?id=253268

記止凡x鍾記分享會(三)

網誌分類:股票經
網誌日期:2017-06-28

前晚iMoney為止凡與我舉辦的投資分享會,全場爆滿,在輕鬆愉快的氣氛下圓滿結束。今次的分享會,相信無論主辦機構、亮光文化出版社、主講者和參加者都應該會感到滿意,這種多贏的局面,是我最樂見的。如果下次有機會,我都會盡力參與同類的活動。

這次分享會,止凡兄率先講解投資的「七宗罪」,道出並糾正一些投資者的盲點,刺激投資者思考,參加者和我都聽得津津有味。我接著講「如何選擇優質股作長線投資」。我試圖拋磚引玉,希望參加者聽完之後會有興趣進一步學習「估值」的議題。

最後是答問環節。可以跟參加者互動交流,我認為這個環節特別精彩,特別好玩。快樂不知時日過,兩個小時的分享會很快便過去,但仍然有不少參加者覺得意猶未盡,捨不得離去,繼續留下,跟止凡兄和我暢談。期間他們拿出我們的新舊著作,索取簽名,令我感覺十分溫馨。

分享會過後,立刻收到一位專程來捧場的中學同學WhatsApp:「今晚講得不錯,清楚易明,也有搞笑增加氣氛,進步中!整體是可以的,值回票價。最不滿的反而是座位實在太迫,坐得頗辛苦,希望主辦單位下次可以改善。」老朋友的中肯評語,就像一面鏡子,如實反映自己整場分享會的表現。感激之餘,更希望iMoney可以聽到這些寶貴意見。

另外,有一位經常與我在Facebook交流的年青大學生,在場向我打招呼和相認。我對他的印象特別深刻。這小伙子雖然年紀輕輕,但對價值投資卻十分熱情和喜愛,願意花時間去學習,相信將來必定能成大器。我建議他如果暑假有空,不妨報名參加我8月份舉辦的基礎投資課程,打好股票投資的基本功。

記止 止凡 鍾記 分享
PermaLink: https://articles.zkiz.com/?id=253269

7警案的保釋等待上訴

【七警案】3被告保釋 官指無推翻定罪機會:理據毫不現實(15:58)

佔領行動期間襲擊示威者曾健超的7名警員,同被判罪成並判監兩年,其後全部被告就定罪及刑期提出上訴。其中高級督察劉卓毅、警員劉興沛和黃偉豪今獲准申請上訴期間保釋。

上訴庭副庭長楊振權批准保釋時表示,警員作為維持治安的執法者,佔領時須長時間工作,更須面對示威者的暴力行為。楊官直言,曾健超的潑水行為是具攻擊性、高度挑釁和不安全,而案中七名警員則作出同等愚蠢(equally senseless)的行為,將曾帶到變電站教訓,才會有是次針對警員的嚴重指控。

楊官認為,原審法官低估警員在處理佔領運動時面對的壓力,2年半的量刑起點值得爭議,加上上訴庭未必能在6至9個月內安排排期上訴,故決定批准保釋等候上訴。

至於推翻定罪的理據,楊官直言劉卓毅曾干預襲擊的說法毫無說服力,以中途警員曾換人的說法更是毫不現實,認為他們無推翻定罪的機會。

(28.6.2017 明報即時新聞)

楊副庭長批准了3警保釋的一番話, 已替7警案上訴定了調。第一, 定罪上訴會被駁回, 第二判刑上訴會成功。上訴庭時常用計數機來計算刑期的(一笑), 所以我也拿計數機來算下。以下是一些數據:

  • 7警的「襲擊致造成身體傷害罪」被判監以兩年半為起點, 減6個月, 最終刑期兩年, 即是104個星期。

  • 第5被告陳少丹的「普通襲擊罪」判監1個月同期執行。

  • 7警在2017年2月17日開始服刑, 到了今天, 共133日, 即19星期。

  • 楊副庭長說因上訴排期, 未必在6至9個月內可以聽審, 故此批准保釋, 言下之意即是批准判刑上訢的話, 到時就可能會坐多了監。

開始計數。一般坐監行為良好及扣減假期, 實際會坐刑期三分之二。現在坐了133天, 再加6個月的話, 即是加180天, 總刑期是313天, 即31個星期。若從現在計再加9個月, 即是加270天, 連同已坐的總共是403天, 即57.6個星期。

假設判刑上訴得直, 扣完假坐31個星期, 還原的判刑會是

31÷2x3=45.5星期(469.5日)。

若以實際坐57.6個星期來計, 還原判刑會是

57.6÷2x3=86.4個星期(604.5日)。

7警的刑期如果不變, 104個星期, 打折後實際上會坐69.3個星期。但副庭長說太長, 再坐6至9個月也可能太長, 那麼, 看來改判15個月或更短的刑期機會頗大。如果判15個月, 即65個星期(455日), 打折扣3分1, 是43.3個星期(303.3日), 會是短過再等6至9個月的上訴排期。我原本預測是15個月, 看來我是準確的。問題是, 現在保釋了, 正審後如改判15個月, 就要繼續坐多24個星期, 坐監咁斬件上可能仲慘。最近郭炳江案就是一例。

我不會同人爭抝應該怎樣判, 除非有案例, 以前都大幅討論過, 不想重複講。反正上訴庭說了就是終結, 除非7警對定罪上訴到終審法院獲批, 判刑上訴就不能上終院, 上訴庭的判刑一錘定音。
警案 案的 保釋 等待 上訴
PermaLink: https://articles.zkiz.com/?id=253270

三角關係

愛情呢家嘢,好多時就係咁,好講 「Timing」。要適當時間遇上適當嘅人,即所謂Mr. Right, 談何容易?

對於三角關係,我嘅人生導師 Michael 及 Gabriel 由細到大咁樣教我:-
Gabriel 一向主張我應該趁人家戀情仲未成熟時,從人家手中將所愛嘅人搶返嚟,仲日日不停係我耳邊講埋好多橫刀奪愛嘅方法。

Michael 則成日同我講,「愛」係要講道德!一段關係之間,永遠只可以容納兩個人。既不能讓第三者加入破壞一段關係,更絕不能做第三者去拆散一段關係。你今日奪人所愛,他日必被人奪去你嘅最愛。

講到感情呢方面,我就比較 buy Michael 嘅理論。正所謂「剃人頭者、人亦剃其頭」也,所以做人真係要學識珍惜眼前人。

馬沙 facebook :  https://www.facebook.com/charblogger02
三角 關係
PermaLink: https://articles.zkiz.com/?id=253350

問題天天都多

準備出兩份 Professional Clearance Letter,同事攪咗大半日都未拎比我簽,問吓佢點解攪咁Q耐,答案相當精彩 ???

附圖取自呢位用人名執葉嘅盧姓女會計師嘅信紙,用硬身紙及印刷相當精美,佢信紙上印住 Beauty P.K. Lo CPA (Practising)。問題在於公會執葉名冊上搵唔到同名嘅執葉會員,而同姓唯一 match 到嘅叫 Lo Pok Kai ?

另一個 畸士 問題亦相當近似,呢位都係用人名執葉嘅馬姓男會計師,佢嘅信紙印住 Handsome Ma CPA (Practising),但係公會執業名冊上搵唔到同名嘅執葉會員,而同姓唯一 match 到嘅叫 Ma Pok Kai Handsome ?

同事話雖然同姓唯一 match 到應該無錯,但唔係100%肯定係同一人,唔知封信出比乜名先至啱 ?

以上兩位執葉同業幫艇仔簽Report 攪爛哂啲客盤數以經唔好,仲連自己執業個寶號都亂哂大龍,到底攪邊科 ?

理論上,你地用咗同執葉證書上面所顯示唔一樣嘅名去簽發 柯跌報告 ,同無牌執葉係無乜分別 ?

PS 大家唔駛search啦,以上兩位 Beauty & Handsome 都係假名嚟 ?




問題 天天 都多
PermaLink: https://articles.zkiz.com/?id=253351

千丈之堤,以螻蟻之穴潰。 《韓非子》

幾宏偉嘅堤圍,都可以被螻蟻巢穴引致倒塌。

在職場上,不要輕視任何小事,要防患未然。若小事疏忽,隨時可招至不能彌補的局面,也無法完成大事業。

好嘅專業會計師,就是可以在賬目出現問題初期時發現問題之所在,根據各項準則並作出適當更正。而唔係等埋數之後先發現種種入賬錯誤,再進行修補工作。

馬沙 facebook :  https://www.facebook.com/charblogger02
千丈 丈之 之堤 螻蟻 之穴 穴潰 韓非子
PermaLink: https://articles.zkiz.com/?id=253352

人類總要重複同樣的錯誤 之 《直播罪證》

本來早兩日已經出現出帖,不過記得今日判案大日子,就乾脆等多兩日確認犯法先出。

西九龍法院法官今天裁定,5名Uber 司機被控《駕駛汽車以作出租或取酬用途》及《沒有第三者保險而在道路使用車輛》兩項控罪均罪名成立。

正如我一早講過,唔理大家幾鐘意Uber服務都好,唔合法就係唔合法。一日法例未修改,無的士牌做同的士一樣嘅服務,即係等同「白牌車」。

有啲人成日話法例追唔上Uber呢啲營運模式,呢點我個人係非常認同。不過我認為Uber 係應該先要求政府修改法例,等修法後先至先開業,而唔係依家咁挑戰政府底線囉。

Uber 公司其實同佔中三人組一樣,叫司機唔駛擔心去以身試法。事實上就係精人(Uber 公司)出口,笨人(Uber 司機)出手仲出埋車。結果呢,咪出手嘅笨人被控罪成兼留案底,而出口嘅精人就企係安全位置叫大家唔好怕,繼續叫另一班去以身試法!

而片中呢位擁有法律高級文憑嘅女藝人呢,仲蠢到比Uber利用,直播自己《駕駛汽車以作出租或取酬用途》(依家Uber 有AIG受第三保告唔到呢條喇),真係叻到無嘢好講。希望佢唔會因為條直播片比人告喇。


馬沙 facebook :  https://www.facebook.com/charblogger02
人類 總要 重複 同樣 錯誤 直播 罪證
PermaLink: https://articles.zkiz.com/?id=253353

以備待時,以時興事。《管子》

無論打工、做生意,如果沒有充足準備,好少會得到成功。不過,除咗要準備充足外,更重要嘅係找得住時機,否則,即使有好嘅準備,最後還是免不了面對失敗。

人生,至少總會有一兩次機會出現吧,問題在於機會出現時你能否察覺得到。時常帶著負能量嘅人,係好難嗅到機會嘅氣味。

現在好多人話「機會係留給有凖備嘅人」,我個人認為,「機會只會展現給充滿正能量嘅人」。

馬沙 facebook :  https://www.facebook.com/charblogger02
以備 待時 時興 管子
PermaLink: https://articles.zkiz.com/?id=253354

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019