ZKIZ Archives


0084.HK 寶光實業 PARTIPRAL 派得好

http://partipral-hk.blogspot.com/2011/01/0084hk.html

 

話說上年香港股市熱炒本地零售股, 六福 (0590.HK), 周生生 (0116.HK), IT (0999.HK), BAUHAUS (0483.HK), HANGTEN (0448.HK) 等等都以倍數上升. 歸根究底, 一來此版塊之前被低估, 抑壓得緊要自然彈得勁; 二來零售行業屬週期性而且支出固定來來去去都係租金同人工, 經濟差時無人願意洗錢買野業績自然差, 經濟一復甦D人有錢無定洗就自然肯買下珠寶買下衫, 此類股只要營業額一突破固定支出盈利自然大升. 舊年市場對零售股既炒作純粹係對行業反彈既過敏反應, 炒到十幾廿倍P/E即係要今年盈利再出現大躍進, 此要求似乎太高了, 所以就算想揀零售股買, 都要揀D平既. 咁但係平野入面究竟有冇好野咁筍呢?

今次想講下寶光. 寶光即係我地日常所見既時間廊同眼鏡88, 作為香港人對呢兩個牌子應該都唔會陌生. 我無儲表既習慣, 一隻表一戴就起碼幾年, 所以無乜幫襯過時間廊. 反而眼鏡就換得密, 而最近兩次有框同兩副隱形眼鏡都係幫襯眼鏡88, 服務唔錯, 所以個人黎講, 心底入面對呢間公司都有少少好感.

寶光11月尾出左份純利爆升10倍既中期業績, 當中無包含一次性收益, 表現令人驚喜, 我依家先講呢隻股似乎有馬後炮之嫌, 但馬後炮唔係罪, 尤其係睇到近日寶光股價已經回到去$0.90即係比出業績前一日既收市價更低, 起碼如果呢隻係好野既話, 就算依家買都唔會好蝕底. 核數師羅兵咸加上無股本融資習慣, 應該唔係老千, 值得對其展開研究.

 
2006
2007
2008
2009
2010
營業額
1,527,240.00
1,792,625.00
2,261,823.00
2,443,548.00
2,370,169.00
毛利
949,129.00
1,077,771.00
1,373,551.00
1,467,503.00
1,422,722.00
毛利率
62.15%
60.12%
60.73%
60.06%
60.03%
 
 
 
 
 
 
租金
231,444.00
261,836.00
333,948.00
402,727.00
424,088.00
租金/營業額
15.15%
14.61%
14.76%
16.48%
17.89%
折舊
50,301.00
55,359.00
74,843.00
88,216.00
86,002.00
員工成本
284,768.00
315,647.00
398,402.00
435,806.00
419,820.00
員工成本/營業額
18.65%
17.61%
17.61%
17.83%
17.71%
 
 
 
 
 
 
董事酬金
23,575.00
24,114.00
15,882.00
17,813.00
10,674.00
 
 
 
 
 
 
除稅前溢利
183,411.00
138,396.00
167,218.00
65,724.00
63,366.00
稅項
12,090.00
(35,676.00)
(37,949.00)
(32,703.00)
(38,189.00)
 
 
 
 
 
 
純利
187,839.00
101,842.00
128,705.00
33,154.00
24,630.00
 
 
 
 
 
 
固定資產
164,720.00
193,509.00
230,428.00
240,195.00
225,676.00
流動資產
994,462.00
1,032,467.00
1,314,205.00
1,243,905.00
1,265,111.00
存貨
456,827.00
518,284.00
741,391.00
790,719.00
728,385.00
營業額/存貨
3.34
3.46
3.05
3.09
3.25
 
 
 
 
 
 
現金
142,858.00
105,103.00
166,567.00
117,386.00
213,184.00
 
 
 
 
 
 
長期債項
35,976.00
71,223.00
144,952.00
116,312.00
127,409.00
短期債項
329,164.00
265,428.00
325,440.00
407,488.00
404,925.00
總債項
365,140.00
336,651.00
470,392.00
523,800.00
532,334.00
 
 
 
 
 
 
經營現金流
166,748.00
41,265.00
161,857.00
120,174.00
210,646.00
已繳稅項
(12,207.00)
(28,894.00)
(55,770.00)
(57,209.00)
(41,362.00)
 
 
 
 
 
 
員工
2,451
2,694
3,068
3,231
3,210



近5年寶光固定資產同營業額一直同步向上, 係上年出現輕微倒退乃金融海嘯所致, 理由可以接受. 而毛利率一直維持於6成左右, 好賺程度拍得住賣衫果幾間. 近兩年業績出現大幅倒退係因為租金上升得太快, 係固定支出對比毛利升得太快既反面例子, 但問題來了, 寶光係咪有出現倒退呢?

觀察現金流量表, 五年來經營現金流入數字差異頗大但已繳稅項顯示除09年外近年愈交愈多稅, 平均一年都交4千萬, 平均每年現金流1.4億既數字似乎比損益表既盈利數字合理. 好難想像一間公司賺得6千幾萬但要交3千幾萬稅, 情況有點似09年既I.T., 盈利數字似乎被壓低了, 寶光過去兩年既真實盈利好大可能係1億以上, 隱藏左既盈利令公司過去兩年唔會放慢擴張步伐, 由員工數目已經可以反映到呢點. 到好景既時候寶光就可以將隱藏盈利釋放番出黎, 形成突飛猛進既假象, 所以中期純利增長10倍其實並唔出奇的.

寶光負債一向較高, 原因可能係去貨慢. 營業額只係存貨既3倍左右, 如果唔借錢既話係會周轉不靈的, 所以我對寶光既負債數字有較高既容忍度. 但去貨慢始終係寶光既結構性問題, 或者會因此而不能享有太高估值, 呢點係評估寶光實際價值時應該注意既.

值得一提既係寶光員工成本拍得住 I.T., 平均每人每月都有成皮野, 而董事酬金方面近來反而越縮越小, 說明寶光應該唔係肥上瘦下既公司而且對待員工都不薄.

寶光成立年份不詳, 但上市年份係72年...即係接近40年既歷史, 現任主席黃創保同CEO黃創增, 董事黃創江係三兄弟. 主席黃創保現年68歲, 67年 (即係24歲) 已經加入公司做董事; CEO黃創增現年50歲, 86年 (即係25歲) 開始加入寶光, 仲有個秘書張素萍都做左14年. 基本上寶光係黃氏三兄弟一齊接手老豆果份家族生意, 但做左40年都仲係咁既規模, 我諗佢地都冇乜進取心, 似乎係想守住本業就算. 睇埋佢地既董事會出席次數, 基本上依家寶光係由黃創增打哂骰, 而個主席都係掛名而已. 股權分佈方面, 據年報資料顯示, CEO佔左60.88%, 主席佔2.17%, 而黃創江就佔左10.37%, 即係三兄弟加埋已經佔左73.4%, 所以街貨奇少. 有點詭異既係大華繼顯呢間來自新加玻既證券行渣左街貨接近10% 而且近來買賣頻密, 第一次大手持貨係上年1月20號, 當日有基金悉售8%而接貨者似乎就係佢, 到上年11月出業績前更加頻頻掃貨, 似乎一早有人對呢間野起痰或者係純粹炒作? 確切原因難以考察, 但大股東家族持貨7成以上又似乎無必要損害小股東利益, 所以小股東都應該可以放心持有.

馬後炮就到此為止, 輪到估值部份. 睇下11月尾所公佈既中期業績, 營業額增長14%而毛利率繼續保持60%左右, 租金同其他成本只增加9%加上稅項相對盈利大減以致純利大升, 中期股息象徵式增加0.2仙以示看好下半年表現, 以寶光實際既盈利能力, 全年賺夠1億已經係最基本要求, 以基本10倍P/E計已經值10億市值, 比起現價 $0.90 有18%上望空間. 派息方面寶光以前係有5成派息率的, 係近年盈利數字被壓低先搞到派息率奇形怪狀, 以賺1億計50%派息率即係每股可派5仙左右, 現價計股息率都有 5.5%, 因為寶光資金需求較大所以我估全年派5仙已經好盡了. 但唔好忘記寶光係隱藏左對上兩年既盈利, 配合埋依家市道復甦, 就算唔計自身能力有冇進步, 寶光損益表既盈利數字已經夠做靚多兩三年, 或者到時有個增長假象可以呃到個15倍 P/E都唔出奇, 而且寶光本身的確係增長股.

總括來講寶光現價$0.90以10倍P/E計起碼仲有18%既上望空間, 起碼比市面上有售既零售股都平得多, 或者寶光的確係零售股版塊入面既滄海遺珠, 我對此非常有興趣.

 

0084 HK 寶光 實業 PARTIPRAL 派得 得好
PermaLink: https://articles.zkiz.com/?id=21682

0828.HK 王朝酒業 PARTIPRAL 派得好

http://partipral-hk.blogspot.com/2011/01/0828hk.html

王朝係早幾日隨機抽股發現既, 05年先上市但公司成立超過30年, 主業為生產及銷售葡萄酒. 兩大股東天津發展 (0882.HK) 同埋法國上市公司REMY COINTREAU上市前佔王朝95%股權, 上市配售3億新股後亦佔70%以上, 現時街貨只得28%鬆少少. 核數師羅兵咸, 盤數應該可信, 上市以來從無股本融資紀錄, 零負債, 手頭現金超過10億, 派息比率亦穩定, 表面條件合格有突了, 問題係, 究竟王朝值幾錢呢?
















王朝05年上市集資7.2億, 照計當時公司並無財政問題, 五年以來大股東亦無配售舊股行動, 即係上市唔係為左套現, 咁究竟王朝上市為乜?

非常奇怪, 上市前純利率保持響 16.5-20%之間, 但06年開始純利率急降到得返10%但毛利率不變, 即係純利俾分銷開支同行政費食左. 公司既解釋係廣告開支加大左好多, 理由合理, 但難道以前唔駛落廣告?

小小國內葡萄酒業既歷史回顧, 王朝本來係國內葡萄酒業龍頭企業, 因為以前大陸人均消費較低, 所以王朝主攻高檔客, 當年飲得起王朝既都係有錢佬, 品牌定位清晰兼高尚. 但隨住往後紅酒越來越大眾化, 有錢既人多左, 飲紅酒已經唔再係咩身份象徵, 王朝昔日無重視既大眾消費群徹底俾張裕同長城兩大新興紅酒品牌攻陷, 而淪陷時期正正係05年. 面對目標客戶群老化, 王朝不得不將品牌重新定位急起直追, 所以06年開始大量投放資源落廣告推廣同改變銷售模式, 09年更加成立上海分公司直接監察銷售情況, 以便對消費者習慣作出更快反應.

以上或者可以解釋到點解06年開始純利率急降, 基本上現時既王朝同上市前既王朝本質上已經好唔同, 以前係大哥大, 苟且偷安之下俾人搶哂地盤, 依家醒覺想重整旗鼓, 而06年正正就係新王朝既起步點, 今次研究目標所於究竟新王朝有冇能力東山再起.

王朝毛利率一直都穩定於50%以上, 即係王朝依舊有能力將成本轉嫁俾客戶. 由於王朝無負債, 所以流動負債大部份都係由應付帳組成, 09年流動負債對比06年增長一倍, 即係營業額既增長數字應該可信. 固定資產09年比起06年增加5成但營業額只增加3成半左右, 產能增加但食唔哂, 王朝都俾對手打得透了.

王朝06至09年間純利數字既緩慢增長相較近兩年現金流增速形成好大對比, 可能同帳款有關, 稅項同已繳稅項數字接近, 盈利應該真實. 上表無羅列到員工數目, 原因係數字令我覺得好奇怪. 王朝09年年報顯示員工總數包括埋13名董事只得455人, 但員工成本竟然係1.2億! 我以為佢董事酬金特高, 點知原來董事酬金只佔當中既6百幾萬, 即係平均每人每月人工係兩萬以上?? 呢點係我唔明白既.

從報表數字黎睇王朝已經走出06年既低潮而且有不俗既增長力, 財政相當健康, 每年既保留盈利應該足夠應付公司將來既增產同收購. 當然以現時規模同龍頭張裕比較依然差好遠, 但王朝重整旗鼓後走既方向似乎正確, 加上國內紅酒業增長空間依然巨大, 王朝受惠於大環境下營業額將來應該都會繼續向上, 可以視之為增長股.

公司兩大股東上市6年來都無賣過1股套現, 如果係老千既話應該好似通天酒業咁上市一年就配股抽水, 所以王朝管理層應該可以相信的, 係許浩明呢個大名令人有多少不安.

回到最初既問題, 究竟王朝值幾錢呢? 09年純利1.5億, 考慮到有增長概念姑且俾個20倍P/E佢, 即係值30億, 但由於派息比率低, 如果30億市值既話股息率可能都係得2厘多少少, 非常唔吸引. 基本上此股點都唔係我杯茶, 更何況依家市值高達50億以上, 除非又來多次金融海嘯, 否則應該都唔會有機會買入了.

0828 HK 王朝 酒業 PARTIPRAL 派得 得好
PermaLink: https://articles.zkiz.com/?id=21683

0237.HK 安全貨倉 PARTIPRAL 派得好

http://partipral-hk.blogspot.com/2011/01/0237hk.html

安全貨倉係早個幾禮拜睇52週新高股發現的, 上市接近40年既老公司, 差小小俾佢個名呃左, 其實佢唔係物流股, 可能以前係, 但近年公司已經慢慢轉營主力投資物業收租, 依家公司既性質反而係近似REITS, 所以研究此股時應該著重於公司所擁既物業質素同埋租金收入既穩定性.

先回顧下近年物業收租部份既業績情況:



固定資產
收入
盈利
管理費
回報率
現金流
2006
1,065,408.00
51,816.00
43,667.00
8,149.00
4.10%
45,759.00
2007
1,205,676.00
58,540.00
49,333.00
9,207.00
4.09%
60,052.00
2008
1,382,214.00
66,981.00
56,897.00
10,084.00
4.12%
85,891.00
2009
1,152,099.00
82,718.00
71,499.00
11,219.00
6.21%
72,151.00
2010
1,387,680.00
76,227.00
63,424.00
12,803.00
4.57%
71,362.00


*現金流做過小小調整, 扣除番公司炒股筆數

由於安全貨倉既物業以寫字樓同貨倉為主, 而佢並唔係打正旗號上市既 REITS, 所以如果佢唔講都好難得知佢整體物業既出租率. 單從以上數字黎睇, 安全貨倉旗下既物業整體租金回報率都不算太失禮, 起碼都維持到響4%以上而且有頗穩定既增長, 作為租金收入主要來源既振萬廣場落成於1996年, 寫字樓來講樓齡14年都算幾新淨, 雖然管理層預言將來租金同出租率會隨住東九龍更多租盤湧現而受壓, 但我覺得呢個影響唔會好長遠, 起碼香港過往咁多年整體寫字樓租金都係向上居多.

持續既租金收入過去能夠為安全貨倉帶黎穩定既現金流, 將來亦都會, 所以安全貨倉既派息能力係可一路維持的, 表面派息率奇低, 過往幾年最多都係得兩成, 但因為盈利滲左大量物業公平值增加減少, 所以實際派息率都有五成以上, 雖然我唔明佢保留盈利來做乜?

值得一讚既係安全貨倉近年一直都處於零債項狀態, 更加無股本融資既需要, 而且現金亦連年增加, 財政係穩健既. 雖然公司有炒股分部, 但金融海嘯帳面都係帳蝕兩千萬唔夠令我相信佢既投資項目都係傾向穩陣果類, 問題應該不大.

現價$6.05, P/B 0.54 往績股息率 4.8%, 股價同資產淨值折讓奇大既主因係公司有太多貨倉, 如果將來公司能夠將部份貨倉轉為住宅用途, 可以有助收窄股價同淨值既差距, 下年年報值得留意下進展如何.

現價息率唔及REITS吸引, 物業出租情況透明度亦較REITS低, 唯一比REITS好既係0負債同埋可以搏下佢成功將貨倉改用途, 咁股價就可能會大升, 但由於此股街貨得22%, 如果買既話就肯定有排都賣唔出一定要長渣了.

0237 HK 安全 貨倉 PARTIPRAL 派得 得好
PermaLink: https://articles.zkiz.com/?id=21684

大快活 vs 大家樂 vs 味千 PARTIPRAL 派得好

http://partipral-hk.blogspot.com/2011/01/vs-vs.html

初買入大快活既原因係睇中佢中國業務既發展潛力同埋貪佢夠平, 但響牛市入面搵到平既股票唔易, 為左了解究竟佢係真係咁平抑或純粹係陷阱裝俾我踩, 今次將佢同其他兩間同業比較下. 快餐店要做得成功最重要在於標準化, 夠標準就能夠無限複製, 只要你有錢就得, 所以呢3間都符合呢個特點, 刻意唔加埋稻香係因為佢唔係快餐.




















味千6.7億固定資產可做20億生意而生5.4億現金流, 折舊率15%左右合理, 存貨控制能力亦強. 固定資產係07年既兩倍而營業額同現金流都有同步增長. 現金數目比起07年無大變化而且一直近0負債, 即係投資落固定資產既資金完全來自保留盈利而且投資非常有效, 公司處大力發展時期.

大家樂14億固定資產可做49億生意而生8億現金流, 折舊率13%左右合理, 存貨控制能力亦強. 固定資產比07年多23%而營業額同現金流亦有同步增長. 現金數目比起07年亦同步增加3成, 一直處於0負債, 即係投資落固定資產既資金完全來自保留盈利而且投資有效, 但發展步伐較慢, 可能同管理層作風保守或市場逐漸飽和有關.

大快活4億固定資產可做16億生意而生2億現金流, 折舊率15%左右合理, 存貨控制能力亦強但營運效率明顯較前兩者低, 固定資產比07年多3成同時營業額只增長9%, 現金流只增長2成. 現金數目比起07年增加3成而一直近0負債, 即係投資落固定資產既資金完全來自保留盈利但投資成效果未算明顯, 因此發展步伐緩慢.

流動比率來講味千最好而大快活最差, 已繳稅項顯示味千07同08年盈利接近而07年比06年增長一倍; 大家樂三年盈利穩步上揚; 大快活07同08年盈利接近而09年盈利倒退近6成, 反映大快活營運穩定性明顯不及前兩者.

本質上既比較就到此為止. 估值上味千市值162.5億對應6.7億固定資 + 17億現金, 比率6.8倍; 大家樂市值113億對應13.7億固定資產 + 9.7億現金, 比率4.8倍; 大快活市值13.8億對應4億固定資產 + 2.1億現金, 比率2.3倍. 味千最高估值正正反映緊佢既成長速度同質素; 大家樂雖然規模最大但因為增長力不及味千所以估值低3成; 而大快活無論營運效率以及增長力皆不及前兩者所以估值只及味千既3份1.

至於點為之平, 點為之貴, 選擇以高溢價去換高增長, 抑或以低溢價去換低增長, 就因人而異了.

快活 vs 大家樂 大家 味千 PARTIPRAL 派得 得好
PermaLink: https://articles.zkiz.com/?id=21685

聯亞集團 vs 達利國際 PARTIPRAL 派得好

http://partipral-hk.blogspot.com/2011/01/0458hk-vs-0608hk.html

嘗試過簡單分析達利之後依家再試下確切將佢同聯亞比較下, 過往3年兩者報表數字如下:



由於兩者主要都係做美國生意, 所以營業額同步性頗高, 但聯亞對抗逆境的能力似乎較強. 如果單從公司網站去了解公司, 一定會對兩者營業額的比較感到奇怪. 聯亞的網頁甚簡陋亦冇花太多精神介紹公司做咩客有咩產品; 達利講到好巴閉乜客物客都有個個都係名牌, 但實際上聯亞過往3年平均生意比達利多近1/4.

毛利率達利較高因為公司一路都做零售業務而聯亞的零售業務係09年先起步; 可能基於同樣原因達利分銷開支會較高, 又或者聯亞成本控制較好, 但同營業額既比例每年都冇特別大變動應該冇大問題, 行政開支大家差唔多, 但董事酬金達利比聯亞多6成以上.

固定資產達利竟然係聯亞既兩倍?? 但點解生意仲小咁多?? 達利聲稱自己做主營高檔產品, 客戶群廣泛而出名, 但經運效率似乎比起低調既聯亞更低. 存貨數字顯示兩者最近三年都積極清緊舊貨, 但聯亞執行能力較強, 係咪因為產品比較大路所以可以去得較快?

兩間公司都有過萬員工而聯亞近年有裁員趨勢, 裁員對聯亞生意並無負面影響, 所以裁員行動可能會持續, 似乎再次反映聯亞控制成本能力較達利強.

應收賬對營業額的比例聯亞達利皆正常, 從應付賬所見供應商對聯亞頗信任俾佢拖數而達利則冇太大牙力. 達利近年大力借錢擴充但暫時未見成效; 相反聯亞則努力還債減輕債務負擔. 財政方面聯亞明顯較優勝.

已繳稅項方面聯亞平均每年交2千5百萬而達利平均每年交2千8百萬, 兩者盈利應該相近, 經營現金流聯亞平均每年2.2億而達利平均2.8億, 結合埋營業額同存貨所見達利09年淨流入4.4億頗為奇怪, 翻查年報原來當中有2億來自 "其他應付賬項及預提費用增加", 雖然我唔知呢樣係乜但數額咁大應該唔係好野, 如果排除呢項即係每年2億咁上下, 咁就唔會奇怪了.

除報表數字的比較之外, 聯亞主席兼大股東持貨7成對比達利主席兼大股東持5成; 聯亞街貨13%而達利街貨50% 都可能反映到做聯亞的股東利益會較有保障.

總括來講, 做完呢個簡單比較之後先發現達利營運效率其實奇差, 尤其於控制成本方面, 對比聯亞真係差得遠, 呢點係單獨分析時未有特別注視的. (可能因為我重倉聯亞所以意見有所偏頗?) 唔應該排除達利響美國經濟逐漸復甦後盈利能力反彈可能比聯亞強, 但兩間公司於本質上確實有差距, 本來諗住等聯亞升到同達利1:1時可以將部份換馬, 依家都打消左呢個念頭了.

聯亞 集團 vs 達利 國際 PARTIPRAL 派得 得好
PermaLink: https://articles.zkiz.com/?id=21686

選股喜好 PARTIPRAL 派得好

http://partipral-hk.blogspot.com/2011/01/blog-post_14.html

選股對每個人來講都係非常個性化既行為, 當中不牽涉對錯, 評論邊種選股方法先係最好係無意義的, 因為你覺得最好唔等如我覺得最好, 出呢篇文既目的係想講下我最基本既選股喜好, 如果唔岩聽可以無限批評, 但我未必會有所改變.

1. 核數師

一概不信非4大核數師既報表 - 用4大不代表無假數, 但用非4大出現假數既機會會較高

2. 公司上市歷史

大部份公司上市既目的都係為左籌集資金以擴充公司規模, 加快發展速度, 但呢個只係官方講法. 實際上有更多公司上市既目的係為左搵股東著數. 自己對上市時期較長既公司比較有好感既原因係起碼有較長時期認識管理層為人, 當然人格會有腐化既可能, 但起碼比新上市公司較有往績根據.

3. 股本融資

承上, 存心搵股東著數既公司供股配股等抽水動作必然頻繁, 反映於現金流量表中 "股本融資" 一項. 抽水係會上癮的, 所以經常攤薄股東股權既公司必定不能買.

4. 派息政策

長期不派息或只象徵式派息既公司對我黎講無投資價值, 因為我投資所追求既係股息收入. 而且唔派息既盈利對小股東來講其實仲算唔算盈利呢?

5. 債項沉重

公司要加速發展其中一個方法就係借貸, 所以負債高或可推動業績增長, 未必係壞事, 但負債過高或會影響派息政策, 呢點會令我較有戒心.


當然營業額, 固定資產等等資訊都好重要, 但以上5點明顯有較優先考慮既必要. 總括來講, 揀選投資目標時應該首先排除非四大核數師核數, 上市時期太短, 經常股本融資同長期不派息既公司, 剩下既先有再研究既價值. 負債高既公司未必唔好, 要衝量埋其他野. 擺咁多FILTER可能會令自己錯失唔小機會, 但為左提高安全性都冇辦法了.

選股 喜好 PARTIPRAL 派得 得好
PermaLink: https://articles.zkiz.com/?id=21687

笨方法(4) 陸羽仁

 

http://blogcity.me/blog/reply_blog_express.asp?f=5YTPBH5B812303&id=284977&catID=&keyword=&searchtype=

    美股再上,GE業績強勁增長推動工業板塊普遍走高,推動美股造好,杜指上周五收高49點至11872點。以全周計,杜指升0.7%,係連續第八個星期上升,標普500指數及納指回軟,上周下跌0.8%2.4%。杜指期貨最新報11809點,較現貨低水63點。

 

港股美國預託證券靠穩,ADR港比指數收報23863點,比香港收市低13點。匯控收86.53元,比香港高0.2%,中移動收77.52元,比香港高7仙。

 

綜合性工業巨頭通用電氣(General Electric) 周四收市後公布業績,因大型設備與服務訂單飆升,上季盈利跳升51%,超出市場平均預期。Conifer Group的分析師Dick Del Bello指出,「由於GE的業務覆蓋面之廣,並且其下屬所有部門的業績都有所改善,因此該公司的季度業績具有標誌性意義。」GE股價更升逾7%。受GE業績推動,工業板塊帶領大市向上。金融與電訊板塊亦同樣走高。

 

杜瓊斯金融指數上升0.8%,除美銀以外,包括地區性銀行的大小金融股普遍造好。摩根大通及美國運通漲逾1%,地區性銀行SunTrust Banks季度業績超出預期,收高近6%。美銀因住房貸款及保險業務方面相關的商譽減值了20億美元,上季虧損12億美元,遠差過市場預期,股價挫2%,係表現最差的杜指成份股。

 

上周五全球股市兩極化,亞洲股市主要因為憂慮中國可能會進一步收緊貨幣政策,幾近全線向下。而歐洲股市則受德國IFO商業景氣指數連續第八個月上漲,創歷史新高的推動,全線造好。泛歐道瓊斯Stoxx 600指數上漲了0.7%,德國及英國升0.5%,法國、班牙及意大利齊漲逾1%

 

歐元大幅造好,兌美元由1.347跳升上1.362美元,最新報1.36美元。美匯指數回軟至78水平,最新報78.36。原油及黃金繼續偏軟,今個月分別下跌2.5%5.7%。原油最新報每桶89.27美元,黃金每安士1344美元。

 

    網友chuchu問起月供,話「我只是每隻股每月供$2000 , 如市高時就把平均價拉高許多了, 是否應市旺時把他們賣出, 待市況淡時再供呢??

 

    我就話選得月供這個「笨方法」,基本上就要跟笨方法的方式行事,唔好太多意見。月供的壞處好多,例如平又買貴又買,市旺時繼續買股會買貴好多; 又例如每月供款額固定,唔可以在便宜時多買等等。但既然選得月供,佢一定有好處,第一是固定供款,強逼儲蓄,唔會俾你有多餘錢使哂佢。第二是定期供款,唔使散戶去判斷市勢,大市難測,既然專家都係睇中六成,散戶睇中的機會更低,你想選擇便宜時買股,係唔係咁易選到?

 

    Chuchu話好唔好在市旺時把股票賣出。表面睇呢個建議幾好,睇番去年個市,都係升三步回兩步,波浪式上升,如果能夠把握到去高賣低買,回報一定好過死獱一隻股份。但咁樣去估市,其實同月供的基本理念有好大分歧,你睇錯又怎樣?例如你覺得個市由21000點升到24000點都好多,24000點沽貨,等佢跌,怎料事與願違,佢25000點、26000點係咁升上去,你就恨錯難返。如果你定力夠,無眼睇,仲好一鱓,但一般人初時見大市走向和自己估計相反,會唔信。但見愈升愈有,升到28000點氣氛好旺佢開始信,升到29000點就堅信無疑,那時才反手入市,就變成高位接貨的傻仔了。

 

    所以用得月供,就盡量少測市,盡量少出入,以減少自己誤判市況的機會。有時大市真係上上落落,唔出入月供回報好似少好多,但若你月供的前題是尋求合理回報,不是超高回報,賺少鱓無所謂。

 

    若 你要沽出月供的股票,只能是股市升到「好顛」的時候,那時人人皆股,個個話炒股賺錢好易,股市走勢圖差不多直線抽上,一枝枝大陽燭向上,咁或許係沽出月供 股票的時候。但要記住,若在這種好顛的市況沽出月供股票,佢唔大插你都唔好買番,唔好見唔跌心郁郁又在更高位買貨。近年的股市,只有07年的32000點算做顛市,所以沽貨,也都是幾年才沽一次,唔係一年幾次出出入入也。

 

陸羽仁

方法 陸羽
PermaLink: https://articles.zkiz.com/?id=21688

業績首讀讀後感 - 大平洋恩利 (1174.HK), 裕元工業 (551.HK) 天知 - 價值投資者

http://hk.myblog.yahoo.com/tin-knows/article?mid=1107

太平洋恩利 (1174.HK)

業績透明度不高
本公司擁有人只佔盈利的45%,非控股權益佔盈利的55%,因它大部分業務都來自旗下新加坡上市的中漁集團(大平洋恩利佔42%)這加重了投資者研究公司的工作量。(我並沒有看中漁業績)

奇怪的年結日子
財政年度是截至928日而不用正常的930日,奇怪。

裕元工業 (551.HK)

裕元說由於需求不斷增長,但產能只作有限擴充導致二零一一年財政年度,集團的首季營業額躍升,因此本集團的營業額按年上升約28%至約16.9億美元。鷹美(裕元佔38%)也面臨產能的相同問題,營業額會否也跟隨上升?

業績首讀讀後感說明:

只是非常初步的閱讀,並沒有仔細分析,犯錯的機會大。有機會在之後對公司完全改觀。

後記:

我寫《業績首讀讀後感》的原因只是為了將看過的記下來,等將來重新探討時可以反省和檢討,因此文章質數可能十分參差,亦不構成要約、招攬、邀請、誘使、建議或推薦,敬請原諒。


業績 讀讀 後感 大平 洋恩 恩利 1174 HK 裕元 工業 551 天知 價值 投資者 投資
PermaLink: https://articles.zkiz.com/?id=21697

中國綠色食品(904.HK) – 不尋常的商業行為 天知 - 價值投資者

http://hk.myblog.yahoo.com/tin-knows/article?mid=1114

事件:

 

上星期四,20日,美銀美林的分析員Timothy在一份報告裡質疑中國綠色食品(904.HK)銷售有造假嫌疑,因為佔集團整體飲品業務的比重達50%之多的主力產品「玉米乳」在廈門25個零售渠道未有一個門店出售該項產品。結果報告一出,股價即時瀉逾6%,並於翌日停牌。

 

星期五中國綠色澄清了事件,重點如下:
·        2010財政年度 , 玉米乳產品的銷售額達到人民幣1.36億元。2011財政年度上半年的銷售額, 達到人民幣7千5百萬元。
·        2010年8月, 公司做出飲料的品牌整合決定, 將果蔬汁飲料列入作中綠青菜園品牌系列, 亦把水果型甜玉米飲料歸入中綠粗糧王品牌系列,取代原有玉米乳產品。
·       
水果型甜玉米粗糧王品牌的TP250包裝飲品將於2011年3月份起陸續上市,把水果型甜玉米飲料作為粗糧王品牌系列中的王中王。
·        2010年8月之後,本公司暫停TP250玉米乳產品在超市管道和常規管道的銷售, 但中綠食品不同包裝的玉米乳飲品仍在餐飲和特通管道進行銷售, 包括廈門航空、浙江、江蘇,、上海等的餐飲和特通管道。

天知觀點:

玉米乳產品的銷售分別佔中國綠色2010財政年度及2011財政年度上半年總營業額的7.1%及6.7%,如此重要的產品,竟在2010年8月至2011年3月期間8 個月停止於超市出售,非常不尋常。

 

我曾致電公司問及原因是否因為玉米乳產品賺不了錢,他卻堅決否認,只說“賣晒咪唔再生產囉”,試問如果你是該公司的老闆,在新舊產品交接期間賺錢的舊產品被賣清,你會怎麼辦?“死都死包奶出黎啦!”怎會有錢不賺,“嫌錢腥”,非常不尋常。

他另一個解釋是因為舊包裝的代言人合約已滿,因此公司不能用該相片,需換新裝,當問及合約是否突然終止時,他又說只是不續約而已。有充足時間換包裝賺錢,不賺,不尋常。


中國 綠色 食品 904 HK 尋常 商業 行為 天知 價值 投資者 投資
PermaLink: https://articles.zkiz.com/?id=21698

答网友问之23 孙旭东

http://blog.sina.com.cn/s/blog_59d5d75d0100nj8h.html

有网友问:

老师,想请教您一个问题。在ROIC的计算中,分子是利润加有息负债所对应的利息,分母是投入资本IC。在我查看的很多国外国内资料中,IC的计算公式为总资产-无息负债-多余现金。而我觉得这公式有点问题,因为如果无息负债很多,现金也会增加,对于茅台等公司,似乎把同样一笔钱多扣除了一次。

如果上述公式正确,那么我的问题就变成,这里的超额现金是如何计算的,总不能把那些预付款项带来的现金也在这里再扣减一次,这样计算出来的ROIC肯定比实际的值高多了,是有误导性的。请孙老师百忙之中一定抽空回答一下。

我的回答:

我认为公式没有错误。按公司金融的定义,资本是包括股权资本和债权资本(有息负债)的,如果不减去无息负债,那就不是ROIC,而是ROA了。

一般情况下,对于计算超额现金,我们可以遵循下面的思路:

投入资本=总资产-无息负债-超额现金

        =股东权益+有息负债-超额现金

一般情况下,企业的超额现金不应来自有息负债,那么,超额现金的来源就只能是股东权益了。也就是说,超额现金应来自企业的盈利,少数情况下,来自股东投入,如上市公司超募。

按这样的思路,我们就不会高估企业超额现金的金额。

不过,我认为贵州茅台的情况非同一般,其预收款可以视为超额现金的一个来源。我的理由是:贵州茅台通常不会为收到的预收款专门组织生产,不会为将预收款确 认为公司的收入而发生多少现金流出。众所周知,贵州茅台等白酒公司在经营中采用“饥饿营销”,其存货完全有可能满足预收款背后的供货请求。即便是公司产成 品略有不足,以其毛利率之高,也不需要多少现金流出就可以完成生产过程。



PermaLink: https://articles.zkiz.com/?id=21699

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019