| ||||||
正 當內地網站新浪同分眾傳媒搞緊聯婚合併之際，突然殺出個不速之客復星國際（656），透過喺美國市場大手買入分眾傳媒預託股份（ADS），靜雞雞成為新浪 第三大股東。據復星公佈，喺11月17日至12月22日期間，以11.7億港元收購咗1726.7萬份分眾傳媒ADS，相當於13.33%股權，成為分眾 第一大股東。分眾傳媒係內地最大數碼化媒體集團之一，產品供應畀商業樓宇嘅視頻媒體、住宅電梯媒體、戶外大型LED彩屏媒體等。復星解釋，入股分眾係作為 戰略投資，特別係分眾股價近期好抵買，成為集團收購良機。 吼分眾跌價大手掃 今個月22日新浪宣佈，發行新股4700萬股畀分 眾傳媒，收購對方嘅戶外數碼廣告業務，價值相當於13億美元。消息公佈之後，分眾ADS股價即時急挫16%。復星正好喺嗰陣大舉購入分眾股權，單係22日 就買入860萬股分眾ADS。根據分眾同新浪嘅收購協議，復星將因此配到627萬股新浪新股，藉住分眾同時成為新浪嘅第三大股東，可謂一舉兩得。 | ||||||