范太指教師反共令青年敵視國家
1 :
GS(14)@2017-08-06 18:39:46【本報訊】教育局副局長任命令人憂慮國教重來。全國人大常委范徐麗泰受訪時，不滿青年視國家為敵人，歸咎教師反共、中史非必修科、以至傳媒報憂不報喜等，認為要將中史列為初中必修科及重推國教或國情教育。教協副會長、中學通識科教師張銳輝促范太不要誣衊教師。范太在有線電視接受立法會前主席曾鈺成訪問時直言，港青「唔止係抗拒，仲講到國家係香港最大敵人」，認為問題出在教育有大漏洞，包括中史非必修科，「（學生）根本唔知中國歷史，亦唔能夠感受到中國喺清代積弱，點樣被人蝦嗰種感覺」，令青年不覺得自己是中國人，「其實同共產黨冇乜關係，同共產黨有關係反而係通識」。她將矛頭指通識科，指現代中國單元要由教師自行找資料，更指部份教師反共，令青年「有一種思維就係反對中國執政黨」。
促重推國教 中史必修
曾鈺成反問，時下青年比以往有更多渠道接觸內地資訊，按理應更了解內地。范太再諉過傳媒指，「你唔覺得我哋啲報道係報憂不報喜嘅咩？」她認為應加入國情或國民教育，「唔係只講好嘢，而係好壞嘅都要一齊討論」，通識科現代中國單元毋須有必答題，還有將中史科列為初中必修科。張銳輝反駁范太，指現代中國單元非每年有必答題，故考試與否都不影響教學，又指除非范太認為學生不應了解現代中國，否則不會有這種看法，又批評范太指摘有教師反共，「佢一定要有真憑實據，唔可以憑空咁誣衊」，強調教師授課時會中肯持平。■記者呂浩然
來源:
http://hk.apple.nextmedia.com/news/art/20170806/20113005