ZKIZ Archives


《十年》上映一周年電視版權冇人敢買

1 : GS(14)@2016-12-18 11:04:25

■監製蔡廉明(右)及導演歐文傑記得昨日是《十年》上映一周年。資料圖片



去年的12月17日星戰電影第七集《星球大戰:原力覺醒》(Star Wars:The Force Awakens)上映全球轟動,同日土產港片《十年》悄無聲息在油麻地百老匯戲院上映。由於該片觸及香港政治議題,預測對未來十年的境況,其中的《自焚者》更有港獨因素,使影片遭內地封殺。而香港金像獎在壓力下,把最佳影片獎頒給《十年》,引發社會輿論。昨日是《十年》上映一周年紀念,昨日致電該片監製蔡廉明,他說:「《十年》上映一周年!記得《星戰》同我哋同一日(上映)。」上月《十年》舉行遲來的慶功,導演、製作團隊和部份演員收到《十年》DVD box set做紀念。監製指該片DVD賣得好好,只可惜電視版權沒人敢買,他說:「攞完獎後冇人接觸,反而未攞獎之前都有好幾間傾過,出過offer,後來就冇嘞。之前航空公司話有興趣,都冇人搵,最後就淨係做online同DVD。」



■電影《十年》觸及政治因素,因而遭內地封殺。劇照

■上月《十年》舉行遲來的慶功,製作團隊每人收到一套DVD box set做紀念。


未諗拍續集

講到五位導演的發展,蔡廉明指有些導演繼續拍短片,他說:「係咪拍完即刻好多機會,開好多戲又未係嘅,大家做番自己嘅嘢,開心嘅,有機會就拍唔同嘅嘢。」有傳《十年》會拍續集,監製說未有想法。


做勇敢的事

至於導演歐文傑接受訪問:「《十年》迴響係遠超我哋想像,同時香港嘅自我審查,以前拍獨立電影,只要符合電檢,過到送檢就可以上畫,毋須有政治考慮,所以冇諗過自己係做緊一件幾勇敢嘅事,到上映場場滿座,但戲院都落你畫,俾人封殺。原來現實係咁,人只可以跟住時代一步步行,曾經都好沮喪。」不過到4月1日,令歐文傑重拾信心,他說:「有好多團體自發性一齊搞戶外多點同步,有成8、9千人一齊睇。個意義好大,因為有被落畫、打壓嘅事,先會有呢個畫面出現。」採訪:何永寧




來源: http://hk.apple.nextmedia.com/entertainment/art/20161218/19868918
PermaLink: https://articles.zkiz.com/?id=319490

Next Page

ZKIZ Archives @ 2019