ZKIZ Archives


方展博戶主現真身 「好似在我家發生!」

1 : GS(14)@2015-06-17 14:48:55

2015-06-17 ew

經典電視劇《大時代》重播,掀起新一輪煲劇潮。劇中主角方展博一家五口住的公屋單位,原來是落成二十八年的馬鞍山恒安邨恒月樓。本刊上門找同門牌的真正住戶,女戶主指當年不時睇明星拍劇,見到家中門牌在劇中出現,感覺過癮。

劇中描述方展博與三名妹妹及玲姐,在父親方進新去世後,搬入公屋一二○六室。雖然劇中的單位及走廊只是廠景,但記者根據多個鏡頭如「慳妹」阮梅與方展博上落樓、龍紀文死纏爛打追他,發現故事發生在恒月樓一二○六室,連居住單位的真正戶主吳家亦高呼有趣。任職清潔工人的吳太憶述:「當年睇住他們拍戲,有時湊熱鬧睇明星,首播時晚晚追,見到門號一樣覺得好神奇,好似在自己屋企發生咁!」吳家自八七年恒安邨落成後居住至今,任職三行工人的吳先生透露,跟老婆和從事運輸行業的兒子同住,但他為口奔馳沒機會收看《大時代》,「當年要返工無時間睇,現在咁夜重播,瞓了啦!」記者好奇他有否如劇中的主角炒股?他無奈地反問:「邊有錢?」然後着記者趕快離開說:「唔好阻住我賭馬!」事有湊巧,劇中方展博亦曾沉迷賭馬,果然人生如戲。

不少街坊近日每晚重溫拍攝於九二年的《大時代》,其中梁太慨歎,該邨變化甚多,「以前好多小朋友,如今好多街坊都老晒,快變老人邨了!」撰文:陳念慈 攝影:羅蘭蓉
PermaLink: https://articles.zkiz.com/?id=291057

Next Page

ZKIZ Archives @ 2019