偽造臨時買賣合約 資深女炒家中招 美聯經紀呃客 500萬潛逃
1 :
GS(14)@2010-09-18 14:24:53http://hk.apple.nextmedia.com/te ... 104&art_id=14459519
【本報訊】樓市暢旺，炒家手起錢落買樓買車位，美聯物業一名人稱「阿琴」的經紀因投資失利，向相識逾 10年、人稱「契姐」的資深女炒家埋手，自製 9個車位及 1個單位假臨時買賣合約，騙取對方 500萬元定並潛逃返內地，買家未炒先輸。美聯物業已把事件交警方處理。
記者：朱連峰 馮永堅
消息指，美孚新邨萬事達廣場的美聯分行、年約 50歲的經紀阿琴，最近投資失利，加上近日在政府出招打擊樓市後生意大減，在走投無路下向相識逾 10年的炒家契姐「埋手」。消息指，阿琴早前在公司偷取多份臨時買賣合約，然後自製假合約，向契姐訛稱替其購入 9個車位及 1個單位，契姐以為是真，並即時付了 500萬元定金。
阿琴騙得巨款後已沒有上班，並已返回內地。契姐連日都找不到阿琴，日前已報警求助。據了解，警方前日曾派員到涉案的分行調查。有消息指稱，美聯高層對此大為震怒，擔心會影響集團聲譽，該區高層今年將不獲發花紅，甚至減人工以示懲罰。
另一說法：騙 700萬
不過，行內流傳另一說法，指阿琴上星期向契姐推介美孚新邨有 10多個車位相當抵買，租金回報可觀，但賣家要求一次過付款才給予折扣，契姐不虞有詐就給了 700萬元阿琴，結果阿琴拿錢後就一去無回頭。
有業內人士不排除阿琴及契姐是生意「夥伴」，「經紀為咗得到炒家信任，又可以做多啲生意，咪同個炒家一齊炒囉！」該業內人士說，經紀及炒家夾份買樓時有發生，經紀通常要付 10%資金，他們會設定蝕位，大約蝕一成就止蝕，如「炒燶」就是輸經紀那一份，炒家不用輸入肉；同時經紀因收了炒家所付的佣金，因此實際蝕的不會太多。
美聯物業董事兼住宅部行政總裁伍創業接受查詢時表示，事件已交警方處理，不會再作任何評論，相信事件屬個別事件。本報記者昨日到出事分行查問，姓冼的營業經理指不知道事件，附近的地產代理經紀也稱不知情，但指毗鄰西鐵及港鐵站的美孚新邨一向是炒家入市的心儀屋苑，即使樓齡逾 40年，向內園的呎價也達 5,000元，向海單位更索價 8,000元每平方呎，較去年升值近 30%；車位約 50萬元一個，以月租約 2,000元計算，每年回報率達 4.8%。
律師黃國桐表示，一般樓宇買賣都是經律師行做，對於有經紀拿走買家數百萬元款項表示奇怪，「即使係落 3%至 5%細定，通常都係交畀律師行去做，應該唔會過經紀手」。
出事經紀區內知名
【本報訊】捲入自製假買賣合約行騙案的美聯物業經紀「阿琴」，原來是荔枝角美孚新邨大炒家的「金牌御用經紀」，不少炒家大手買賣物業，都是她經手，區內無人不識。
主力做炒家生意
有區內資深地產經紀透露，阿琴口才了得，加上在區內打滾多年，甚為吃得開，又成功埋了一班大炒家堆，包括在美孚新邨持有數十個單位的炒家，他們出入貨都找她幫手，因此阿琴主力做炒家生意，收入豐厚。
今次被騙去大筆款項的女事主「契姐」是資深投資者， 08年大旺市期間，經阿琴以 418萬元購入的美孚新邨 4期百老匯街 101號一個高層 989平方呎單位，上月亦經阿琴以 480萬元出售。
區內代理表示，雖然美孚新邨樓齡大，但由於交投相當活躍，即使是近期樓市回軟，本月至今仍有逾 40宗成交，吸引不少師奶兵團進行炒賣，佔屋苑每月買賣至少三成。
據了解，阿琴的兒子亦曾在美聯物業青衣區任職地產代理，但已離職。
2 :
鄉下佬(3667)@2010-09-18 18:16:51個別事件,不可當作樓市任何警號
每個行業也可能有害群之馬...
3 :
龍生(798)@2010-09-18 21:55:56又或者咁講,
呢位師姐其實己經埋到班大炒家身
難得眾多美孚軍閥又信佢
其實佢己成行內翘楚
現今居然放棄這江湖地位
不知遇到什麼難題令她行這殺雞取卵的一著呢?
4 :
GS(14)@2010-09-19 10:34:553樓提及
又或者咁講,
呢位師姐其實己經埋到班大炒家身
難得眾多美孚軍閥又信佢
其實佢己成行內翘楚
現今居然放棄這江湖地位
不知遇到什麼難題令她行這殺雞取卵的一著呢?
這個是重點，應該不是小事，可能他有好多貨虧了好多錢，又或是他親人爭人錢
5 :
鄉下佬(3667)@2010-09-19 11:21:32經紀同炒家合作又不是今天少有...
經紀身兼炒家也為數不少...
炒燶左自然"唔係妳死就係我亡"啦
6 :
龍生(798)@2010-09-19 13:59:08但樓市又未逆轉, 再者, 佢, 這人物,
又點會買到成手貴貨無法出呢
問題多半不在地產上
7 :
鄉下佬(3667)@2010-09-19 14:37:11即是帶出一個訊息:
幾FD都係假,比律師搞最穩陣!!!
8 :
GS(14)@2010-09-19 14:41:327樓提及
即是帶出一個訊息:
幾FD都係假,比律師搞最穩陣!!!
但是律師都好似因為同樣的原因出術過
9 :
鄉下佬(3667)@2010-09-19 14:49:098樓提及
7樓提及
即是帶出一個訊息:
幾FD都係假,比律師搞最穩陣!!!
但是律師都好似因為同樣的原因出術過
如果係咁即是要搵有商譽既律師行啦
咁應該萬無一失啦啩...
10 :
龍生(798)@2010-09-19 15:16:48好似係海日豪園騙案吧
但這類事件真的萬中無一...
11 :
鄉下佬(3667)@2010-09-20 09:44:2810樓提及
好似係海日豪園騙案吧
但這類事件真的萬中無一...
南丫島剛看蘋果見有貨櫃大王超豪宅...
12 :
龍生(798)@2010-09-20 23:07:42佢霸左個地...自設豪宅, 基本上又咁睇
其實佢無影響到人架喎
佢自設碼頭, 自出自入, 自給自足
好多年啦
不過而家有人眼紅, 就搵佢出黎插
13 :
鄉下佬(3667)@2010-09-21 10:22:4912樓提及
佢霸左個地...自設豪宅, 基本上又咁睇
其實佢無影響到人架喎
佢自設碼頭, 自出自入, 自給自足
好多年啦
不過而家有人眼紅, 就搵佢出黎插
環境保育丫嘛
乜都要保育,紅藍橙屋又保育,永利街又保,大浪灣又保,起第三條機場跑道更要保...
14 :
龍生(798)@2010-09-21 14:07:26總之香港而家遍地古跡, 處處神聖,
平時人跡罕見, 一到清拆, 就集體回億, 都痴x線
15 :
鄉下佬(3667)@2010-09-21 18:44:02講返主題
果個經紀遲早都要蒲頭
被捕係時間問題...
16 :
GS(14)@2010-09-21 21:16:5415樓提及
講返主題
果個經紀遲早都要蒲頭
被捕係時間問題...
上次偷銀行錢那個人都走了幾年，仲要之前一千幾百都可以頂下去
17 :
龍生(798)@2010-09-21 23:32:14大家設下擂台
不如估下幾耐番出黎丫
我估一年內