ZKIZ Archives


反彈鬆綁? CKM001

http://hk.myblog.yahoo.com/ckm001/article?mid=52627

有新聞報導話,有位大學生哥哥投資股票失利,要返屋企問阿媽攞錢,低位再買搏回本,阿媽唔肯,於是企圖威脅自殺。其實呢單新聞只是冰山一角, 無論是坊間或是網上,大家都會見到好多花靚仔(女仕較穩陣),做大孖剪,借貸投機,並參與垃圾股與衍生工具買賣,只求極速致富,無視風險,結果當然事與願 違,最終輸乾輸淨,慘敗收場。

昨日恆指大幅反彈,重上兩萬點,之前聽財演老點,在低位「止蝕」嘅散戶,現在已經一殼眼淚,或是欲哭無淚,仲有一班高位買貨坐艇嘅散戶,手持大量股 票,不過財演現在又再發功,話現在正如2008年雷曼事件前夕,歐美債務危機會拖垮許多銀行,令全球金融市場崩潰,現時只是熊市中的死貓彈,建議散戶見高 位沽貨鬆綁,無論是「止蝕」或是「反彈鬆綁」,都是高買低賣,一年玩幾次呢類「廢招」,足以令散戶輸掉大部份本金,以致無力翻身。在散戶沽貨之時,大行紛 紛出報告建議調高新興市場之股票投資比重,並在低位密密收集,貧者愈貧,富者愈富,散戶手上的財富與會生金蛋的雞,又再一次轉移到大戶手中。

唔知點解,金融業呢行最唔重誠信,從年頭到年尾,各路財演可以老點無知散戶99次,都面不改容,仲唔會比人追究責任。就算是美國幾家評級機構,那些 有問題的金融衍生工具如CDO、MBS等等,全部都獲得三條A評級,到貝爾斯登以及雷曼兄弟相相爆煲,評級機構才後知後覺,調低各類金融創新工具之評級, 早前穆迪又發報告警告國內地方債問題,可能拖垮國內銀行,令一眾內銀股價大幅下跌,但出事的又是美國國債問題。昨日新聞報導,國內監管機構已經開始清理地 方債,銀行持有的地方融資平台貸款風險狀況開始好轉,國內銀行依然穩如泰山,美國這類評級機構,又再玩多一次「狼來了」,跟財演與財棍老點散戶一樣,講錯 嘢事後無須負責,相反,CKM001擇善固執,6年來堅持叫人長揸優質股票,逢低買入,長線穩賺,結果在網上比人鬧足6年,你哋話公義何在? 唔怪得金融圈肯講真話嘅人愈來愈少。


反彈 鬆綁 CKM 001
PermaLink: https://articles.zkiz.com/?id=27015

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019