ZKIZ Archives


十姑娘幫何東公司搞電影

2007-1-25  NM




十姑娘於五十年代末加入何東公司工作,除處理地產、酒店等業務外,亦負責為戲院買片,更試過為睇試片,被迫抽煙提神。(以下內容節錄自何婉琪即將出版的《回憶錄》)拖字訣

澳門賭權開放後,各大賭場相繼落成開業,生意興旺,○六年澳門博彩總收益更超過五百四十億元,創下歷史紀錄,但澳娛賴以翻身的新葡京卻仍未建成,開幕日期一再延遲,失卻賺錢的黃金機會。

十 姑娘感慨地說:「就算二月真係開得成都係得下面四層,上面未有耐起得成,到時下面賭緊錢,上面開工嘈生晒啲客都唔高興啦,賭錢最忌俾人騷擾,佢咁樣嘅做事 方法同啲美國佬鬥死梗啦!人哋一年半載起好晒啦,上個世紀都知賭權會開放,會有競爭o架啦,佢竟然叻到家陣都未起好四層,咁唔專業,叫佢同佢啲馬仔早啲退 休,交俾啲專業人士做,唔好留喺度繼續失禮人啦。」

有沒有猜想新葡京為何這麼久仍未完工?

十姑娘答:「我諗其中一個原因係佢 樣樣都鍾意拖,欠股東錢拖住唔還,唔見咗股東名冊又拖住唔重造。新葡京係佢最後一個希望,依家生意唔好都重有得賴,話新葡京開咗會搶番啲生意,等人哋信佢 繼續同佢做生意。係,新葡京開張嗰時,新屎坑都有三日香,啲客會多番嘅,但以佢咁樣嘅管治手法,過咗氣之後生意一定跌,到時就咩西洋鏡都穿晒啦,仲有人會 信佢咩?所以咪拖吓拖吓咁遲起囉,其他賭場『嗱嗱臨』起好晒做生意啦,澳娛間旗艦店就起幾年都未起好。擺明冇信心!」

扮雞宣傳

十姑娘繼續說:「人哋新場開張,大手筆搵影帝明星做代言人宣傳,定期又有明星嚟表演,幾有聲勢呀,新葡京開幕佢又會做啲咩?我估咪又係送叉燒飯、大包……或者新年應節送煎堆年糕咁囉,再唔係又自己出嚟扮雞宣傳囉。唔好話我唔關心公司,佢唔換過個腦都好難同人爭!再咁落去公司有金山銀山都唔夠啦,仲話上市集資同人鬥!唔係淨得個講字就得,要有腦有本事先至得嘅……得閒無事放風話搶到啲直升機業務就算搞好公司喇?有幾大件事啫?連個妹啲錢都呃!咁『丟架』,好心佢唔好成日出嚟講咁多嘢啦。」

五十年代末期,十姑娘加入何東公司工作,每天大清早就要回公司處理股市、出入口、地產、建築、酒店、戲院(包括東樂,現址為太子聯合廣場、樂宮,位於尖沙咀,為當時最大最豪華之戲院)等業務,當時十姑娘雖然未有直接參與電影之製作,但仍負責戲院的運作及買片(電影版權)事宜。因為何東公司實力雄厚、聲名顯赫,自己又擁有大戲院,所以當時每天總有七八個片商在寫字樓等候十姑娘,希望可以洽談合作。

抽煙提神

但十姑娘實在太忙,每每處理完日常公司業務已到傍晚時分,晚飯仍未吃就與片商們趕往中環大象行試片室觀看新片,之後還要巡視戲院業務及回公司看文件,接近十時才可回家,隨便吃點東西就睡,免得翌日沒有精神。

因 時間緊迫,十姑娘沒可能把所有電影看上一遍,唯有每本片(一部電影通常有九本片)抽取段落觀看,看到第三本仍未有精彩橋段就會拒絕買片,所以十姑娘睇片 時,各片商就密切留意十姑娘面色,看看她是否欣賞自己的電影,有沒有機會合作。有一次十姑娘倦得實在沒法支持,沒有吸煙習慣的她被迫要抽煙提神,但尼古丁 仍未能阻止睡魔侵襲,在試片室悠悠入睡,又累又餓中夢見自己在燒烤,美食當前,肉香四射

……突然驚醒,才發覺燃點的香煙掉在身穿的皮褸上,怪不得有陣陣燒焦味……(待續)


PermaLink: https://articles.zkiz.com/?id=24418

Next Page

ZKIZ Archives @ 2019