ZKIZ Archives


住板間房做業主 左丁山

2011-3-25  AD




 

最近讀者來郵講 及「香港機會」,讀者B繼續來信大彈左丁山觀點,另一位讀者L來郵指左丁山「諗嘢簡單片面,錢掩眼!」不過又有兩位讀者來郵支持噃,一位讀者F係中學教 師,自言一九九九年在港大畢業時,亦好難搵工,要做住代課老師先,依家叫做生活穩定,但就好睇唔慣好多人只識鬧政府唔幫助基層,鬧學校老師,話香港教育好 唔妥,但從不檢討自己,不會管教仔女溫習讀書,但會投訴學校課程有問題,指責學校冇免費補習班……最後F老師仲要求教育局唔好攪攪震,要教科書教材學材分 拆,只會令老師疲於奔命,叫老師自編教材,發夢啦!

讀者K就巴閉噃,佢話自己在內地大專畢業,任五星級酒店經理,嫁與一位香港人,03年取 得單程證與兒子來港與丈夫團圓,先至發現丈夫有外遇,但唔肯離婚,堅持一腳踏兩船。讀者K一怒之下帶着兒子離開,租一間板間房一百二十呎,月租三千四百 元。因學歷資歷不被承認,讀者K到一間餐廳做侍應,月薪六千八百元,逢星期四、五晚到酒吧兼職侍應,時薪三十二元,一晚做四小時。兩母子就是如此生活、讀 書,全無娛樂,死捱死慳,到咗06年就儲到十萬元(按:以上述收入計,三年儲十萬,一個月儲2,777,當係二千八百元,兩母子一個月只用千七蚊左右,不 計租金嘅,每日使用約係57元,不過做侍應可能仲有貼士收入。)再向大陸父母借錢買咗一間135萬嘅屋,放租租金夠供樓,母子二人仍然住在板間房,到後來 考到一個地產經紀牌,入行做地產經紀,搵到七八萬銀一個月,仍然過着死慳死抵嘅生活,舊年在西環再買一個兩房單位。

呢位讀者K話路是人行出來的,自己從來冇要求特區政府援助。分居時,社工叫佢搵政府攞援助金,佢唔願去!讀者K認為香港係世界最好的地方,如果有人話後悔不移民離開香港的話,請佢地立即行動。

讀者K之馬死落地行精神,類似香港傳奇「獅子山下」,但今天有八十後話呢啲「老掉牙嘅神話不再,唔好再講咯喎。」或者在新世代土生土長香港人之中,「獅子山下」只係神話,但對一啲新移民嚟講,「獅子山下」歷久常新。


住板 板間 間房 房做 業主 左丁 丁山
PermaLink: https://articles.zkiz.com/?id=24270

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019