|
||||||
|
企業接班、分身 家呢啲戲碼，唔使等追肥皂劇，現實生活中，差唔多日日都上演。最近由賭王四房大鬥法，到大劉公子正式喺董事局話事，都吸引到投資者嘅眼球。無他嘅，間公司 做成點，話事嗰班管理層質素好重要o架嘛，你話如果個接班人好似我哋香港啲地產商第二代咁呢……咁就真係冇得頂喇！ 許水深係遠房親戚 有「衞生巾大王」之稱嘅恒安國際（1044）話事人、首席執行官許連捷，57歲就已部署定幾年後退休，以前問起佢接班人嘅問題，佢總係支支吾吾，唔多肯講。 前幾日，許生終於扑槌決定接班人，但人選居然唔係許生3位公子，而係遠房疏堂親戚、o依家擔任恒安首席營運官嘅許水深。 許 連捷同內地傳媒講，許水深肯定同佢有血緣關係，係咩關係呢？咁就太複雜，總之大家有同一個太爺啦！雖則唔係親骨肉，但許連捷對許水深讚不絕口，形容佢係 「非常務實、非常有上進心嘅年輕人」，佢85年中學畢業就加入恒安做衞生巾機台嘅操作工人，多年嚟充份發揮終身學習精神，一路進修到大專、本科、MBA同 研究生。 今年41歲嘅許水深，前年已升任做首席營運官兼商貿發展部總監，舊年5月入埋董事局做董事o忝。早幾年奧運聖火傳到福建泉州，許連捷仲將佢個名額換咗畀許水深，足以證明許連捷幾睇重佢！ 許連捷話，佢o依家已經逐步淡出日常事務，只有重大嘅決策仍然話事，希望再觀察多許水深兩年，之後至會正式交接，但係即使退休，許連捷仍然會留係董事會，亦會繼續做恒安既主要股東。 |
||||||