ZKIZ Archives


股場放大鏡:波司登(3998)集資為回購? 歐陽風

2008-06-17  AppleDaily

環球通脹升溫、息魔威脅,股市亦都越跌越低,令不少股票跌到相當低殘水平,吸引大股東或者主要股東增持股份,從近期SDI可見,不少華資上市企業大股東增持股份「托價」。相反,外資證券商或者基金似乎唔多鍾意候低吸納,近期沽貨者多,吸貨者少,正式係「寧買當頭起」嘅信徒。除咗股東增持,近期亦見唔少上市公司回購股份,例如受越南金融問題拖累而被拋售嘅陸氏集團(366)就頻頻回購。上市公司幾時先至會回購,基本上無乜準則,但多數都屬於資金過多,同時無乜資本投資及資金壓力,既然銀紙出路唔多,就會喺跌市回購股份,利用股份註銷,變相提高每股盈利。

兩個多月動用達億元

最近十分積極回購股份的一間公司,還包括上市僅8個多月,生產及銷售羽絨服的波司登(3998)。波司登在過去一個星期,4個交易日每日都有進行股份回購,合共斥資逾千萬元回購合共770多萬股,而在再對上一個星期,亦都日日進行回購,合共回購1500多萬股,斥資多達2250萬元。在6月份僅半個月時間,波司登就用咗3200多萬元回購股份,而翻查紀錄,公司自4月中開始頻頻回購,5月回購更加積極,而近呢兩個半月以來,波司登用於回購的資金粗略計算成億銀。集資所得用作回購都算奇聞,點解唔留番啲錢等全年業績派高啲息?去年以3.28元招股價認購之股東,睇住公司用股東嘅錢喺1.40元狂回購,唔知有乜感想。

From

http://rayrlam08.mysinablog.com/index.php?op=ViewArticle&articleId=1208290

大股東手法,架空所有價值投法!

個人認為,價值投資法可以挑選出具投資價資既好公司。不過有時,表面越超值,內裡可能越危險,正如盤數幾靚,P.E.幾低,NAV幾多折讓又好,現金流如何強勁也好,撞正無良大股東的話,以上既基本分析,就入晒佢地所佈下既圈套,加上佢地擅長既"組合拳"(向下炒、回購、供股、私有化、購入大股東"優質資產"、折讓配新股比自己友,等等......),咁大股東"圈錢"自然無難度啦!

所以,睇晒所有數據之後,最好花d時間,研究下公司既話事人水平,睇下佢地有無前科,如有的話,幾荀都唔駛諗,正所謂:"光棍佬教仔,平宜莫貪 - 好野無平,平野無好!"

講開前科,就係咁意講下某隻經典野,點經典法?其實上市"集資"後,"向下炒"已經成為衰股自(必)選動作之一,股價越炒越低,散戶咩位買都死,炒到目標超低價後就私有化,完成後隻經典野已經大賺一筆。咁好賺又咁易賺,自然會食髓知味...... 事隔幾年後,又成功重新上市,上年仲有大行大合唱,話"抵買"喎!不過咁荀既野,都係留返比下家莊啦!唔想貪平買入,最後又俾佢私有化多一次。

greatsoup:
「某隻經典野」為中國地產(1838)。
股場 放大鏡 放大 波司登 3998 集資 回購 陽風
PermaLink: https://articles.zkiz.com/?id=1176

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019