📖 ZKIZ Archives

強國三天賤男遊 人在中環

http://manincentral.blogspot.hk/2012/06/blog-post_09.html
到強國出差，旅程只是短短三天，卻接連發生了三件讓我印象深刻的事。

Day 1

到步後到酒店Check-in。Front Desk前有一位二十出頭，樣子漂亮既女孩子。女孩子一身名牌裝扮，挽住個值十萬以上既手袋，同酒店既職員理論。

酒店職員同佢講，酒店既房租以經好耐冇俾，所以佢地唔可以再俾呢位女孩子番入去住。

女孩子聽完之後，發晒爛渣，所表現出黎既態度，跟佢一身富貴既裝扮，形成好大既對比。

女孩子打左個電話，大概係打俾佢「男朋友」。

女孩子跟電話裡面既「男人」話：「如果你今晚都唔幫我交房租，我今晚就去揾你老婆，將我地既關係爆俾佢聽 。」

「爆我地既關係都不特止…」女孩子越講越火滾：「我仲會爆埋你同你秘書既關係俾佢聽…」

女孩子鬧得越黎越大聲，酒店lobby裡面既人都被佢既聲線「吸引住」。

「仲有我個妹呀！」女孩子的情緒近乎失控：「你唔好以為我唔知你搞過我個妹呀！佢一早同我講晒啦！」

我心裡計一計數。電話裡面果位男仕，首先係自己既老婆，跟住係果位響酒店「被拖欠」房租既女孩子，然後係男仕自己果位秘書，再跟住仲有果位女孩子既妹妹，同一時間，一共四位，剛好湊夠一檯麻雀。

「先生，你既房間準備好。房間在12樓…」Front Desk既職員跟我說。

我轉身離開酒店大堂上去自己既房間。心諗，如果我既check in手續辦得再耐一d，會唔會聽到仲有第二檯麻雀出現？

*****

Day 2

響酒店訓既第一晚，睡眠質素奇差。

第二朝一早， 約左當地既律師有事要傾。見面地點響佢地既律師樓。

我跟律師在會議室內開會，忽然聽到出面傳黎兩把聲撕力竭既女聲在爭吵。

我從會議室既玻璃窗望出去，看見了一對中年夫婦，跟一個年輕既女人在爭吵。

中年男人指住那位年輕女孩子，然之後跟自己既太太說：「老婆，真係唔關我事架！係呢個女人勾引我之嘛！」

太太聽完這句話，就二話不說地一巴冚落年輕女孩子的臉上。年輕女孩子自然也不甘示弱，也回敬了一巴。情況一發不可收拾。兩個女人於是乎就打起黎，又扯頭髮又拉衫。坐響會議室內既我，以為自己響度睇緊女子泥漿摔角。

我問跟我一起坐在會議室的那位律師，到底發生甚麼事。律師答：「果位年輕女孩子係我地本律師樓既職員，亦都係果位男仕既二奶。今日大概係果位男仕，帶埋太太上黎捉小三吧。」

律師的語調很淡然，一副見怪不怪既模樣。我則聽唔明白：「一個男人帶住自己個老婆，去捉拿同自己有染既二奶？」

兩個女人響律師樓既reception大打出手，惹來律師樓既職員紛紛離開自己既工作崗位，走出去圍觀。強國既特色係，逢親有呢d「大事」發生，總會惹黎一大班人剝住花生圍觀，但又冇一個人會行出黎勸交。

至於果位中年男人，響自己既大婆同二奶開始埋牙摔角之後，佢就斯斯然咁坐響reception旁邊既梳化上，翹起雙手，面露微笑，跟圍觀既律師樓職員，一齊「欣賞」呢一場摔交。

*****

Day 3

酒店既冷氣太凍，我將佢調到最細，但室內既溫度依然凍到好唔舒服，害我又再多一個輾轉反側既晚上。

早上起來，返到去自己響國內既辦公室，同當地既GM見面開例會。

GM向我匯報左近一個月，公司所發生既事情。

最後一件匯報既事，係男同事A被開除了。

「點解會開除男同事A?」我問。

「因為女同事B、C、D都不約而同向我投訴，佢地曾經被男同事A非禮。」GM說得很淡然。

「真的嗎？」我用我那半咸淡的普通話說：「是真有其事還是被人屈呀？」

我覺得很奇怪，男同事A做了差不多兩年，一向沒有甚麼大問題，怎麼忽然會變成了一個咸豬手？

「除左男同事A被開除之外…」GM吸了口氣：「女同事E也自己請辭了。」

「Huh？」我怪叫：「發生左乜事呀到底？」

「是否真的有非禮行為我倒不太清楚…」GM那口流利的普通話，跟我的「港式國語」有很大既對比：「但是男同事A，同一時間分別追求女同事 B、C、D卻是我們都知的事。 」

「下？」我又忍唔住怪叫：「男同事A有老婆架喎。」

「說得沒錯…」GM點了點頭：「上個月還添了丁，是個很可愛的小男孩。 」

我嘆了口氣，心想這裡到底發生了甚麼事，點解男女關係會亂作一團。

「 那麼女同事E呢？」我問：「做乜要辭職？」

「 她說…」GM也嘆了口氣：「她也被男同事A非禮了。」

跟女同事B、C、D所不同既係：B、C、D響聲稱被男同事A「非禮」之後，都先後跟男同事A發展過「戀情」。而女同事E，則是唯一由此至終都選擇「拒愛」的女生。

OMG。

例會之後，我急不及待跳上出租車，飛奔到機場去，很想盡快離開這個地方。

強國，有時真的讓我很開眼界。

祝大家有個愉快既週末。

賤男專區

1 : GS(14)@2010-09-20 22:10:14

http://hk.apple.nextmedia.com/template/apple/sec_main.php



灌漂白水逼當娼
賤男涉虐打女友　列企圖謀殺調查
2010年09月20日
【本報訊】拳打腳踢、狂灌漂白水、皮帶勒頸、煙蒂烙胸……逼良為娼。一名早年透過假結婚來港定居的女子，在取得港人身份並與假丈夫離婚後，以為可以重過新生活，豈料遇人不淑，被同居男友以裸照威逼當娼。女事主不肯就範，竟被禁錮虐待，前晚她又遭毆打至傷痕纍纍、胸骨折斷。昨晨她趁男友熟睡，暗中將寫有求救字句的紙條放在潤膚膏膠瓶內，然後拋落街。警方接報到場救出女事主送院治理，涉案男子被捕帶署。警方鑑於案情嚴重，正循「企圖謀殺」案程序進行調查，涉案男子被通宵扣查。記者：文兆麟

現場為大角嘴利得街一幢唐樓，昨晨 9時許，地下生果店東主聽到店外一聲墮物巨響，於是走出查看，赫見地上有一個碎裂的膠瓶，懷疑樓上有人高空擲物，於是走進大廈向管理員投訴。管理員查看時，發現膠瓶碎片中夾着一張字條，上面寫有樓上一單位的地址和求救字句。
女友頸有被勒傷痕


管理員心知不妙，立即按址登樓查看，但拍門良久卻無人回應，擔心屋內有人有生命危險，於是報警。警員及消防員到場繼續拍門，警員並隔門警告，若不開門即會破門而入。不久，屋內一名男子開門，警員入內發現一名女子身有傷痕，她向警員哭訴遭人禁錮及虐打。
警方調查後將涉案男子拘捕帶署，女事主則被送院治理，經檢查後初步發現她多條胸骨折斷，疑遭人用棍擊打造成；此外女事主全身均有瘀傷痕迹，其乳房更曾遭煙蒂燒烙，頸部則有皮帶勒痕，慘不忍睹。據稱，女事主向警方訴說她曾被人狂灌漂白水，她奮力反抗並將漂白水吐出，但男友不肯罷休，拔出摺刀向她架頸威嚇，逼她當娼接客。女事主曾多番哀求，但遭繼續拳打腳踢。
消息稱，受害女事主姓錢， 32歲，本是內地人，九年前她 23歲，因為嚮往香港生活，於是透過不法集團花了幾萬元進行假結婚，終於成功來港定居並取得香港身份證；女事主其後與假丈夫離婚重過新生活。直至半年前，女事主認識一名 38歲姓吳男子，並迅速打得火熱，兩個月前兩人在大角嘴租住一間板間房同居。
曾利用裸照作威逼

可是，原來女事主錯愛「姑爺仔」，不久賤男就露出原形。他利用女事主的裸照威逼她當娼接客，但她不肯就範，隨即被人禁錮及虐打致遍體鱗傷。
前晚８時，女事主又在家中遭人施虐；至昨晨她趁男友熟睡未醒，暗中寫下求救字條，塞在潤膚膏膠瓶中拋落街上引人注意，終於成功脫離魔掌。女事主目前仍在留醫，警方對案件正展開調查。

---

2 : GS(14)@2010-09-20 22:10:46

http://hk.apple.nextmedia.com/te ... 104&art_id=14468330

【本報訊】新婚生活本應羨煞旁人，但若發現另一半原來一個月前已暗暗跟舊愛結婚，打擊難以想像。澳洲一對華人年初在墨爾本結婚，新娘子在社交網站 facebook發現丈夫與一名香港女子的結婚照。驚覺丈夫重婚的新娘子大受打擊，早前向澳洲家事法庭，要求判決婚姻無效，結束短暫的婚姻。
記者：林潔華

根據澳洲《太陽先驅報》（ Sun Herald）報道，在中國出生的 Lucy Woo和丈夫 Eddie Chan均二十多歲，二人多年前分別到澳洲求學，畢業後二人繼續居留並入籍澳洲。今年初二人在澳洲墨爾本結婚，豈料新婚數星期後，女方的朋友探訪，並向 Lucy踢爆男方早在二人結婚前一個月，和在港的前女友 Maggie結婚。
婚前一個月在港結婚

半信半疑的 Lucy遂透過 facebook成功搜尋 Maggie的賬戶，驚覺二人的結婚照，證實被「丈夫」欺騙。她發現婚前一個月，丈夫託詞離開澳洲回中國探望家人，原來是和前女友在香港結婚，「難怪我告訴他（ Eddie）媽媽我們的結婚時表現震驚，對我們的婚事一無所知。」
澳洲同類案輕判罰款

Eddie被質問下和盤托出，承認重婚。他表示和 Maggie的婚事迫不得已，受到雙方家長壓力而促成。 Lucy向當地家事法庭，向法官申請二人的婚姻無效。 Eddie的代表律師承認， Eddie犯了重婚罪。但律師認為，基於「文化原因」不應將案件轉交其他機構。
負責案件的法官表示，案件為 Lucy和 Eddie雙方家庭造成羞恥和尷尬，令家庭關係更加緊張。但法官仍決定將案件轉交聯邦法庭審理。聯邦檢察官表示仍未收到案件。澳洲 08年處理一宗重婚案件罰款了事，今年已有一宗重婚案。

---

3 : 龍生(798)@2010-09-20 23:25:52

性質好唔同...
一個泯滅天良, 應該拖去非道毁滅

另一個情義兩難存...是條漢子!
性質唔同...性質唔同....

---

4 : GS(14)@2010-09-21 21:52:02

此話何解?

---

5 : 龍生(798)@2010-09-21 23:58:17

第一條人渣不再評論, 由得法律處置

第二條....hmmm等我諗諗點講先

我用28歲男性既感覺去諗
一拖二當然係爽, 你當然可以話佢賤男
但一娶二就唔係咁過癮, 我幻想佢香港呢邊
就同左人地一齊太耐, 為左責任而結,
澳洲個邊, 就真心鐘意佢, 所以都結
如果係真正既賤男 , 郎心如鐵, 玩完就撇
咁是但飛一條就得啦, 駛咩搞到今時今日咁田地?

如果將呢個case 譯做你聽得明既文字
即係...老世做生意失敗, 但佢太有良心
唔肯炒伙計, 又唔肯變身搞財技
如果佢肯搞財技變身, 只要不太賤, 原有小股東還有脫身的可能性
可是他選擇了繼續失敗下去, 結果全部清盤, 小股東血本無歸, 大股東也破產收場...

這比喻好嗎?

---

6 : GS(14)@2010-09-22 22:37:12

5樓提及

---

第一條人渣不再評論, 由得法律處置

第二條....hmmm等我諗諗點講先

我用28歲男性既感覺去諗
一拖二當然係爽, 你當然可以話佢賤男
但一娶二就唔係咁過癮, 我幻想佢香港呢邊
就同左人地一齊太耐, 為左責任而結,
澳洲個邊, 就真心鐘意佢, 所以都結
如果係真正既賤男 , 郎心如鐵, 玩完就撇
咁是但飛一條就得啦, 駛咩搞到今時今日咁田地?

如果將呢個case 譯做你聽得明既文字
即係...老世做生意失敗, 但佢太有良心
唔肯炒伙計, 又唔肯變身搞財技
如果佢肯搞財技變身, 只要不太賤, 原有小股東還有脫身的可能性
可是他選擇了繼續失敗下去, 結果全部清盤, 小股東血本無歸, 大股東也破產收場...

這比喻好嗎?

他是搞了財技，借了香港高利貸後，無法脫身，去了澳洲開礦，但開開下有成果.....但是在讓香港高利貸知道並威迫下，承認了債項，結果連澳洲的礦都賠上了

---

7 : 龍生(798)@2010-09-27 22:56:26

我敗了.....

---

8 : GS(14)@2010-09-28 22:03:38

7樓提及

---

我敗了.....

不專心的錯

---

9 : 許留山(1233)@2010-09-30 20:46:04

置頂。（笑）

---

10 : GS(14)@2010-10-01 15:46:37

http://hk.apple.nextmedia.com/te ... 028&art_id=14508074

英國賤男麥克唐納（ Keith Macdonald） 10年內令 10個女人誕下 15個孩子呃綜援，但賤格程度仍不及美國 44歲男子維爾（ Howard Veal圖）。維爾搞大 14個女人的肚子，她們替他誕下 23名子女，卻不肯供養子女，結果被判入獄四年。
維爾失業多時，但仍四處拈花惹草， 1989至 1999年期間，幾乎每年令至少一名女子懷孕。維爾七年來只給了前女友布萊克的一對年幼兒女 88美元（ 686港元）。布萊克控告維爾欠下 6.3萬美元（ 49萬港元），法官 7月裁定維爾拖欠子女生活費罪名成立，前天判刑。
法官指出，維爾所作所為是「對每位盡責父親的侮辱」。維爾仍涉及至少 14宗拖欠子女生活費案，估計涉及金額達 53.3萬美元（ 416萬港元）。
英國《每日郵報》

---

11 : 龍生(798)@2010-10-01 15:54:03

不如改名做賤男專區...

呢個CASE , 一隻手掌拍唔響
咁多無知少女中招, 又個個肯俾佢唔用套
又唔係有錢又有型, 都可以呃到咁多人
多數經常許下極誇張的願景
同老千股差唔多
咁多無知股民買中老千股, 未必係因為買股前唔做功課...
而係相信了老千們許下的宏大願景...

---

12 : GS(14)@2010-10-01 18:29:32

之前在一些命理論壇...都有這些人

---

13 : abbychau(1)@2010-10-01 18:32:11

11樓提及

---

不如改名做賤男專區...

呢個CASE , 一隻手掌拍唔響
咁多無知少女中招, 又個個肯俾佢唔用套
又唔係有錢又有型, 都可以呃到咁多人
多數經常許下極誇張的願景
同老千股差唔多
咁多無知股民買中老千股, 未必係因為買股前唔做功課...
而係相信了老千們許下的宏大願景...

sell 到夢想真係會發達

---

14 : 龍生(798)@2010-10-02 01:08:23

會....當然會啦...
97 年紅籌熱潮, 點知全部半死不活, 真正大升的, 在00, 03 年之後上
00年科網, 點部仆直, 今日的阿里巴巴同騰訊, 同當日個堆全無關係
04年濠賭...慘不忍睹
07國企資源, 如今安在?
10年太陽能, 風電, 醫藥, 我估都係仆直收場

sell 到夢想...
咪有女為你生仔lor....
不過睇左相,都唔係好野, 雞肋

---

[投票]生果日報A1: 傻女?賤男?

1 : GS(14)@2010-12-15 23:04:06

http://hk.apple.nextmedia.com/te ... 104&art_id=14767544
【本報訊】變種性交轉運騙案透過 facebook廣傳。 15歲少女阿思（化名）早前在 facebook結識肥仔網友阿迪。阿迪聲稱行衰運，願支付 4.8萬元跟阿思性交四次求轉運，完事後卻不顧而去。阿思不忿被騙色，上周再約肥仔外出，揭發他手機內藏逾千裸女照及多段性愛短片。她致電部份女子，多人表示同遭肥仔以類似橋段騙色，估計受騙者最少達 70人。阿思前日報警，警方暫列作與未成年少女發生性行為案調查。記者：劉漢權、雷子樂、蔡元貴

---

2 : vickson(179)@2010-12-16 14:48:54

證明政府D廣告無用...

---

3 : reference(1610)@2010-12-16 17:15:12

I want say 傻女+賤男

---

4 : GS(14)@2010-12-16 21:45:31

所以可以投其他

---

5 : GS(14)@2010-12-16 22:36:46

http://hk.apple.nextmedia.com/te ... 104&art_id=14771378

【本報訊】肥仔網民阿迪涉以「改運」為名，誘使未成年少女阿思（化名）與他性交，結果「惡運」纏身。 15歲的阿思前日報警求助後，肥仔迪昨午到大埔警署自首，被警方通宵扣查。由於阿思曾透露案中或還有其他至少達 70人的女受害人，警方昨已將案件交由大埔區重案組跟進。據悉，重案組探員今日或會聯絡其他懷疑被阿迪騙上床的女子。
fb誘騙未成年少女

警察公共關係科發言人昨證實，昨日下午一名鄧姓、年約 28歲男子到大埔警署，就一宗「與未成年少女發生性行為」案向警員自首。案中女事主未滿 16歲，警方昨安排她錄取視像口供，着她再次交代事件經過。一直協助阿思的朋友也被邀請回警署提交更詳盡口供。
案件曝光後，昨引起網民討論，有網民不值阿迪行為，也有人認為事件只是嫖妓不付鈔而已。
這宗轟動網界的另類性交轉運案，發生於今年 9至 10月。阿思早前透露，阿迪最初在社交網站 facebook內假扮女網民，「狂 add」妙齡女子做朋友。阿迪向少女聲稱一位男性朋友正「行衰運」，願付 4.8萬元予指定時日出生的女子做愛四次求轉運。
阿思「落叠」，阿迪現真身， 10月份約她外出，其間性交四次，最後他沒有付錢並「玩失蹤」。阿思本月初再聯絡到阿迪外出，她的友人上前理論，發現阿迪手機內有逾千張裸女照，及 10多段性交短片，其中一人疑為 o靚模。

---

6 : 亞力士(1473)@2010-12-17 00:56:33

香港援交市場真係蓬勃

---

7 : abbychau(1)@2010-12-17 02:34:26

男既理由係轉運, 我覺得幾充分, 係充分理由下搏取一定金額其實十分合理
雖而男方原因是否真確成疑, 但女既亦其實無咩付出, 性交始終都係雙方面
期待值明顯是正數, 女方並不傻

事後發現男方是在說謊, 因此男方是賤也應無錯了

答案應為賤男

---

8 : GS(14)@2010-12-17 10:26:31

但是最弊這妹妹的未成年少女

---

9 : 龍生(798)@2010-12-18 00:09:27

我想投妓女的, 但你無得俾我揀....哎....

---

10 : GS(14)@2010-12-18 14:18:48

9樓提及

---

我想投妓女的, 但你無得俾我揀....哎....

其他咪即是包括埋家禽之一

---

毓民護賤男　兩派對決　社民連大分裂

1 : GS(14)@2010-12-31 09:44:46

「維園阿哥」任亮憲風流惹禍，與女fan屎一夜銷魂後涉嫌霸王硬上弓，瞬間由民主鬥士淪為政壇賤男，下降速度快過ifc升降機。佢老哥最後下場如何，要睇差佬查到啲乜，但呢單嘢已即時引發社民連「內爆」，倒任與挺任兩派人馬分頭吹雞互劈，幕後大佬毓民則越洋直插現任主席陶君行，咁搞落去，社民連隨時大分裂，其中一派可能拉隊另起爐灶組個「新社民連」，若然係咁，成個丐幫就散晒。
毓民企出嚟護任亮憲，直斥陶君行（右）無用，應該落台，並說大不了散檔另組新黨！

任亮憲向來得到毓民撐腰，在黨內氣焰囂張，早有唔少仇家，佢爆出醜聞後，班友乘機發難，有核心成員向外放料指佢「臭名遠播」，又在一次聚會中以其好色行徑為笑柄，更高呼「監禁馬草泥（任之綽號）」，然後再灑酒落地「奠祭」其亡魂，擺到明想佢死。
陶君行一派得勢不饒人，提出召開黨內公聽會，揪賤男出嚟交代事件。與此同時，社民連另一大佬「長毛」嘅助理唐婉青正發動聯署，要求開除賤男出黨，而盤踞港島東嘅「阿牛」（曾健成），亦糾集旗下親兵，要同賤男算帳。
線人話，班友今次齊打落水狗，亦借機打擊隻狗嘅主人──毓民，原因係呢隻狗受寵糾眾四出咬人，觸發黨內矛盾重重，又踩入他人地盤樹立勢力（例如阿牛山頭就受威脅），阿陶、阿牛以至長毛都覺得唔順，遂藉此次醜聞發難。
毓民作為賤男背後嘅大佬，見到條o靚被內外圍攻，以佢嘅大佬性格，自然企出嚟幫細佬撐腰，亦乘機向「眼中釘」陶君行開火。佢老哥現時在紐約，出席兒子婚禮，但仍然越洋在「香港人網」大罵阿陶，指佢作為主席對任亮憲受攻擊坐視不理，全無領導才能，不宜再領導社民連；又炮轟長毛畀職員發動聯署公審馬草泥，「你仲有乜資格爭取公義呀大佬，笑死人呀！」用語十分之重。
毓民仲發晦氣話，自己無意重掌主席之位，但政黨並非千秋萬世，大不了散檔另外組新黨。毓民咁講未必係一時意氣，有傳聞話佢已註冊咗「社民黨」個名，隨時可以拉隊出嚟打正政黨名義，建立一個新山頭，同阿陶唱對台。
線人話，毓民高調要阿陶落台，正是看到「陶派」咄咄逼人，如果不及早還擊，回港後恐怕更加失勢，故擺出一拍兩散的姿態，如果「陶派」繼續狙擊賤男，佢會親自出手將阿陶推落台。
其實阿陶一派亦諗過拆夥，另外開一個新檔口，線人話，一批阿陶支持者及已退黨嘅成員（如前秘書長季詩傑），曾勸阿陶帶隊自己出嚟玩，唔使等到毓民殺埋嚟至諗退路咁被動，反正自己有一定實力，立場又同大佬唔同，不如另搞一檔好過！
民建聯詢問旗下八十後黨員，有冇亂搞男女關係，確定冇埋下炸彈。


民建聯防患未然
查詢青年黨員私生活任亮憲桃色風波震動整個政圈，其他政黨嘅大佬忽起恐慌，心諗：自己個黨都有唔少八十後，呢代人興一腳踏幾船兼玩即興，如果有人唔生性留低蘇州屎，等到選舉之時被人爆出，成個黨都好大鑊，上上策仲係未雨綢繆，先了解年輕黨員有冇風流事迹。
線人回報，向來最講紀律與操守嘅民建聯及工聯會，各黨支部嘅頭頭近日紛紛單獨約見日後可能出戰區選嘅政治新秀，主要詢問三條問題：有否亂搞男女關係？有否婚外情？有否去過尋歡？各人毋須即時作答，返去諗清楚再答都未遲，似乎唔想聽「標準答案」，而係認真摸底，以防埋下計時炸彈到關鍵時刻至爆發。不過民建聯同工聯會班青年軍絕大多數都係乖仔乖女，牽涉桃色事件嘅機會極低。
其實早在今年初季詩傑被女友斬傷後，建制派已開始關注青年軍嘅私人生活，並叮囑各人小心管理facebook，唔好亂放相片同亂留言。
長毛嘅助理發動聯署要踢任亮憲出黨，毓民轟長毛「仲有乜資格爭取正義呀」！


滾友與國父相比
季霆剛：離晒大譜！上星期任亮憲現身維園，民建聯青年黨員季霆剛忽然出擊，手指指直斥佢係「情場禮義廉」，頓時搶晒鏡頭，其後惹來一批憤青追佢喊打。
季霆剛未被嚇倒，準備繼續狙擊賤男。早幾日佢在《明報》睇到一篇文章，睇嚟係疑似社民連人馬所寫，其中一段為賤男開脫，令佢怒火中燒，準備發炮轟擊。該段文字指，「孫中山和馬丁路德金，當年也是赫赫有名的滾友賤男……每有媒體踢爆緋聞，只要不犯法，同志們就算不出面保護，也會三緘其口，令大事化小。」
小季怒斥，個作者有冇搞錯呀，竟然將任亮憲呢條友同國父及民權領袖相比，仲將兩位偉人列為「賤男」，實在太過分啦！佢認為對呢類極端歪理應該大力打擊，唔好令國父同民權領袖被沾污。
季霆剛對國父被沾污十分憤怒。


公民黨主席位之爭
引發兩派火併政黨近排流行內鬥，公民黨亦唔例外。該黨主席關信基及黨魁余若薇將退位，下月八日改選，黨魁一職已內定由梁家傑執掌，大家都冇異議，但主席邊個做，就有兩派意見，一批年輕黨員對「大熱門」陳家洛不滿，更密謀捧鄭宇碩同佢爭位，鹿死誰手將有一番角力。
線人話，原任秘書長嘅陳家洛，自從出任「五區公投」旗手後，已擺出候任主席姿態，部分青年軍對此唔多順氣，剛好鄭宇碩有意捲土重來，雙方遂連成一線，目前看來，有四成機會撼低陳家洛。
不過鄭宇碩要取此位並不容易，因為佢過往在選戰中領導能力唔高，核心成員對佢能否擔大旗甚有保留。
陳家洛雖然贏面較大，但「反陳」勢力不弱，佢如果當選，可能引發一批年輕黨員及地區人馬反彈，分分鐘好似民主黨咁，拉隊退黨。

---

舊愛扮忍者毆賤男

1 : GS(14)@2011-06-20 23:01:16

http://hk.apple.nextmedia.com/te ... 335&art_id=15356949
賤男在血泊中報警，警方在現場發現兩枚忍者用的星形飛鏢，後來拘捕卡薩雷茲。她被控嚴重傷人、非法使用武器等罪名，但她的新男友仍然在逃。

---

2 : 亞力士(1473)@2011-06-21 00:08:38

有冇用埋殺他死? 揾人<聚舊> 強如器官陳都比人唱

---

3 : 龍生(798)@2011-06-21 00:38:26

要讚一讚佢幾有創意...

唔似的人搵麻包袋咁悶

成套cosplay 喎, 仲出埋制服, 兵器

你估易架, 半分準備不足都事敗

真抵讚

---

4 : GS(14)@2011-06-21 21:45:41

的確有新意，但這女人應該恨他很深

---

5 : 龍生(798)@2011-06-21 23:00:09

梗係深啦, 太唔尊重人了

加上太蠢, 種下今日的結果....

---

賤男約女網友食飯騙手機

1 : GS(14)@2011-06-30 23:31:57

http://hk.apple.nextmedia.com/te ... 104&art_id=15388998
【本報訊】有賤男近半年活躍於網上聊天室，結識寂寞少女後相約晚餐，再藉詞騙取貴價智能手機一去無回頭，其中三部為 iPhone 4。本報至今接觸到四名受害少女，她們受騙後到不同警區報案，提供賤男的電話、電郵及網上 IP地址後，案件石沉大海，而賤男現仍肆無忌憚在網上向其他少女埋手。受害少女不甘被「又食又拎」，向本報披露受騙經過，呼籲其他少女當心。
記者：梁御和　伍雅謙

...
Miko知受騙後即報警，將阿峰的手機號碼、電郵交警方調查，惟至今半年仍毫無回音。「總共打咗成 50次畀差人，一係無人聽，一係就話負責差人放假唔知乜事，有一次仲好唔耐煩咁講：『你叫到個男仔出嚟我哋咪拉人囉。』」
Miko發現半年來阿峰仍在聊天室活躍「媾女」，「我唔知佢個名係真定係假，但係佢就用同一個賬號，同一個手機號碼同女仔聯絡」，近日她在不同討論區發現還有其他少女「中招」，有人曾到阿峰家中過夜，得知他住粉嶺區公屋。最令 Miko驚訝的是，很多受害少女都有報警，惟警方一直沒採取行動。當中有網友留言力撐受害少女：「希望警察快啲捉到條友仔。」

---

2 : GS(14)@2011-06-30 23:32:10

http://hk.apple.nextmedia.com/te ... 104&art_id=15388999
乘虛而入
高瘦矇豬眼　外形不俗　死見面
2011年06月30日

---

3 : 龍生(798)@2011-07-01 01:00:47

嗯, 都幾趣緻

以此為職業, 又食又拎, 都咪話唔寫意

---

4 : 亞力士(1473)@2011-07-01 01:37:02

佢「又食又拎」真係指食飯個食, 連過夜個位都無投訴做過乜, 似乎阿峰真正死因係 乜都無做.

---

5 : 龍生(798)@2011-07-01 03:00:01

要做也要有心有力....

你估咁易....佢地四個都背住鏡頭

不能讓我們的亞力士兄作出公平及嚴謹的評語

真的十萬個可惜!!

---

6 : GS(14)@2011-07-01 14:39:49

如果咁樣，又被多個位人地入，佢現時最多都是拿了部電話未還畀人

---

7 : 龍生(798)@2011-07-01 19:20:07

偷野就點都難以脫罪架啦...
唔知點解警察唔拉佢呢

---

8 : idsdown(1658)@2011-07-01 20:59:57

---

9 : 龍生(798)@2011-07-01 23:37:51

好正的海報, 謝謝

---

10 : wilyty(1376)@2011-07-02 18:15:27

8樓提及

---

左边個唔該除埋面具先

---

11 : 龍生(798)@2011-07-03 01:30:55

咁下面個句就會改成

哪有這麼多公主....

---

12 : 亞力士(1473)@2011-07-03 11:33:39

死 我諗起 畫皮

---

有蠢女才有賤男

1 : GS(14)@2011-10-25 00:08:02

http://hk.apple.nextmedia.com/te ... 389&art_id=15731993
2011年10月24日

今時今日，手機微博互聯網方便之至，高科技解密又容易，大家清楚訊息一秒間傳遍地球，何以仍有那麼多蠢人？那些情慾電郵、視像裸聊、性感相、淫片、網交……的男女主角，不值得同情。明知故犯？活該！
艷照門事件已擾攘幾年，今天仍有人被拍下牀照艷影？讓賤男公開兜售發財？如果沒從「前輩」得到教訓，如果還相信那哄你騙你或落藥裝你彈弓的枕邊人是為愛情留個紀念，對不起，少根筋，自食其果也罷。相信性交口交肛交可以退燒驅鬼，及陪男網友睡五晚以換取一部 iPhone 4S（結果得到梅毒和一部山寨貨）……真是無言以對。
一個渴望成名的內地奀星，向一個名不見經傳的奀導，透過微博傳送她的裸體照片，附文請求：「×導，我行嗎？我很想演你以微博為題材的電影女二號。」不惜「潛規則」獻身換角色。
這位奀導擺出一副正人君子姿態，說非常反感，為之歎息，把裸照及留言放上互聯網吸引眼球。炒作成功了，有人知道名字了。網民指摘他不厚道兼賤格──但，世上有蠢女才有賤男，她沒把柄提供，他賣什麼？

  （李碧華）

---

2 : nodnod_mat(15408)@2011-10-25 14:50:52

我都想有女送上門, 不過我唔多like Add人, 咁玩一定有手尾跟

---

3 : GS(14)@2011-10-25 21:44:09

2樓提及

---

我都想有女送上門, 不過我唔多like Add人, 咁玩一定有手尾跟

no play that lar

---

鳳姐發雌威趕走賤男

1 : GS(14)@2012-02-20 22:56:32

又一單搞笑劫案

http://hk.apple.nextmedia.com/te ... 104&art_id=16085608

在逃劫匪年約 30歲，高 1.7米，身材瘦削，犯案時身穿黑色衫褲。阿 May的鄰房姊妹對他連聲咒罵︰「認得佢啦，成日上嚟㩒鐘，睇均晒，問完價又話唔做，正賤男，連皮肉錢都搶！」
阿 May稱在該處接客近三個月，從未遇劫。昨凌晨 1時許有人㩒鐘幫襯，她開門迎客，對方入房坐到床邊突然聲稱打劫︰「我唔做（愛），想借 500蚊江湖救急，我有刀（從未出示），放心我唔會傷害你。」
「聽日還番畀你」

阿 May打開櫃桶展示只有 200元現金，希望打發劫匪，但他堅持要 500元「冇價講」。
阿 May無奈拿出錢包交出 500元，希望盡快送走瘟神，不料賊人瞄見她錢包有數千元，厚着面皮說︰「可唔可以借埋嗰啲畀我？聽日還番畀你。」
阿 May即時光火，大發雌威喝罵︰「你都攞咗 500蚊啦，快啲走呀！」隨即開門大叫搶劫。鄰房姊妹聞聲走出查看，賊人奪門逃之夭夭。

---

2 : GS(14)@2012-02-21 22:49:50

http://hk.apple.nextmedia.com/te ... 104&art_id=16088830
遇劫鳳姐姓張（ 30歲），劫案中她並無受傷;劫匪年約 30歲，身高 1.7米，身型與前日荃灣德華街向一名鳳姐借錢不遂亮刀行劫的賊人相若，疑為同一名賊人，前日得手後食髓知味再度犯案。
現場為在荃灣大河道一幢樓宇一間鳳樓，昨午 4時許，一名男子按鳳樓門鈴，女事主以為有客人上門，開門迎入，沒料男子入屋後，聲稱江湖救急，向事主借 300元。
事主聞悉知男子並非來光顧，嚴詞回應道：「我冇錢」。
賊人聞悉，隨即從身上拔出一把利刀呼劫，事主見狀立即退回房間反鎖房門高聲呼救，賊人見事敗奪門逃去。

---

懷孕癡情女來港尋賤男

1 : GS(14)@2012-03-11 13:00:57

http://hk.apple.nextmedia.com/te ... 104&art_id=16145853
懷有兩個月身孕的 22歲肇慶女梁劍瑩上周三來港後，每日都到北角街頭尋人，希望找到 28歲港人男友：「佢姓姜，叫阿輝。香港電話一直打唔通，我只知佢住北角，惟有喺街頭碰運氣。」她希望男友現身講句對不起及重修舊好。

獨力交租　買餸煮飯
可惜一切只是幻想，多日尋人無果，託友人追查亦無下落，梁女苦無辦法下，昨晚到黃大仙警署報案，指控阿輝在深圳偷竊，藉以逼他現身交代。但由於案發於內地，本港警方不能協助，梁女失望而回，大嘆無奈。
這個錯愛負心男的故事，從三個月前說起，原本在廣州任職皮鞋銷售員的梁女，去年 12月 16日來港與朋友聚會，結識在尖沙嘴街頭銷售電話卡的阿輝，當時已有朋友提醒她小心，但阿輝一番甜言蜜語攻陷她的芳心，雙方火速「撻着」成為戀人。
拍拖初期阿輝表現細心，未幾他失業，梁女仍甘心跟隨，兩人年初更搬至深圳布吉同居，梁女在深圳工作，獨力負起交租責任，放工後買餸回家，親自為賦閒在家的男友煮飯，好不溫馨。
梁女不久懷有身孕，以為與阿輝關係開花結果，但向對方報喜時卻遭冷淡對待，有人原形畢露要求：「快啲去醫院落咗佢！」當時阿輝還安撫稱可以陪她到醫院做手術，誰不知另一邊卻暗自盤算如何「夾帶私逃」。

---

賤男涉遙控女友呃錢

1 : GS(14)@2012-05-17 00:20:07

http://hk.apple.nextmedia.com/news/art/20120516/16341172
外表斯文、樣子清秀的侯於律師行當接待員，她供稱08年9月在酒吧結識被告，被告自稱姓溫，洋名 Jason，做健身器材買賣；被告當晚主動以黑色保時捷送她回家，之後兩人不時見面，「我認為我哋其後係男女朋友關係」。

「諗辦法搵錢畀佢出院」

至09年5月，被告致電她，聲稱在上海公幹時跌倒，弄斷了腳趾骨入院，叫她「諗辦法搵錢畀佢出院」；侯昨說到此時，哭了起來。結果她籌得3萬元後，欲親身將款項送到上海，但被告指「一個女仔袋咁多錢喺身唔安全」，着她把現金放進又一城的貯物櫃內，他會安排朋友接收；為制止侯往上海，被告遂指款項不夠，叫侯留在香港籌錢。
侯說前後共籌了近20萬元，每次也按指示把現金放入貯物櫃交收，「但佢不斷逼我問身邊啲人借錢，借到冇得借就教我做啲犯法嘢。」被告教她偷公司客戶資料、購買保時捷及寶馬上會，可先套現，待找到買家便高價售出又可以「賺多啲」，被告形容，此舉僅屬「技術性犯規」。侯遂依指示，偷取陳姓客戶身份證影印本及稅單，又冒陳簽名，成功購得兩名車。她取得車匙及有關文件後，同樣放進商場貯物櫃交給被告；其後她無力供款，被告又遙控教她拖延，避免被「拖車」。

---

2 : GS(14)@2012-05-17 00:20:28

http://hk.apple.nextmedia.com/news/art/20120516/16341173
被告沈恩成其貌不揚，卻有本事令女事主義無反顧；女事主說，為幫愛郎籌醫藥費，「去銀行做私人貸款，財務公司、朋友、屋企人，總之咩辦法都用盡晒」，後來被告誘她犯法，她未待被告開口已表示：「我唔怕，你講啦，我幫你做！」
女事主侯穎芝為了幫手呃貸款，耐心待所有員工下班，獨自留守公司剪貼偽造假月結單、瞞騙車會，以證明自己有能力買名車，實在愛得徹底。
為愛郎偷資料頂超速

身為律師行職員的侯不惜知法犯法，前年2月被告向侯稱其寶馬在試車時遭影快相，由於警方稍後會郵寄通知書，要求身為「車主」的侯提供司機資料，被告不肯向侯提供真正司機身份之餘，更教她找市面願意「賣分」的司機、市價約1,000蚊一分，又叫她嘗試找朋友「頂分」。
剛巧一名友人搬屋需向運輸署更新地址，侯自告奮勇幫對方填表，乘機套得友人資料、頂替作為肇事司機；為堵截友人揭發事件，更頻頻到訪友人家，以便「實」友人信箱，終成功截獲警方通知書。《蘋果》記者

---

3 : Ar Yan(11362)@2012-05-17 00:31:42

聽講的女一見到波子就出水，唔知有無關？

---

4 : 龍生(798)@2012-05-17 01:06:09

我諗直頭係今次杯具既主因tim啦

---

5 : GS(14)@2012-05-17 21:34:49

4樓提及

---

我諗直頭係今次杯具既主因tim啦

我都唔知點解咁多妹妹仔咁傻?

---