| ||||||
城 市電訊（1137）創辦人、曾幾何時有「電訊魔鬼」之稱嘅域奇．王維基，為咗令公司更上一層樓邁向國際化，好早之前已經宣佈退居幕後領軍，務求洗去個人色 彩，但唔知係咪個市場get唔到佢呢個message，搞到仲係公司Chairman嘅佢，要喺自己本年報度，以Q&A形式整番個《主席訪談》， 重申自己唔會賣咗一生心血，仲相信城電會繼續發展落去，最終成為百年老店，認真唔講得笑。 前提係電盈除牌 華華覺得佢直情係想 挑戰老大電訊盈科（008），點解？因為域奇話，集團未來發展方向好清晰，「到2016年成為全港最大的新一代網絡供應商……」明顯係講畀對家八號仔二少 （李澤楷）聽。至於管理層點解有咁大轉變？「我們是一家基建公司，不會接受他人的收購意見，這個集團屹立不倒，比我和另一位創辦人（佢表哥張子建）的生命 時間更長，因此要建立系統確保……」咁又係，唔係個個好似六叔咁百幾歲人，長命之餘仲做緊CEO！域奇又話，要喺2016年做到香港No.1，係一個「宏 大驚險大膽目標」。即係咁，若果對家二少真係用四個二銀錢一股成功私有化電盈，咁城電就有機會取代電盈做「香港百年（上市）老店」，實現域奇嘅願望。 董事個個加人工 至 於話「宏大驚險大膽目標」嘛，講真，呢樣嘢就點都未追到二少嘞，一時賣盤一時賣資產，衰咗之後又話私有化，郁吓都幾百億上落，呢方面域奇仲有排向二少學 習！其實又唔止公司文化成功嘅，睇睇今年年報，喺環球金融海嘯下，佢哋成個董事局個個都有人工加，呢的咪叫成功囉！李華華 [email protected] | ||||||
| ||||||
我 認為王維基出任亞視行政總裁，是近年最震撼的企管新聞。震撼不在於傳媒着眼的「電訊魔童」、「殺價天王」、「化敵為友」等，而是一間公司的最高領導人同時 出任另一間公司行政總裁。換上另一人，傳媒必質疑當事人不務正業，身兼兩職導至兩頭不到岸；傳媒沒注意到這一點，或者是對他工作能力的肯定。歷史上同時出 任兩間非關連企業領導者的個案絕無僅有，或者這現象反映當事人的無比自信心，因為其他人不敢或欠缺機會嘗試。我即時想到的罕有例子，是喬布斯（Steve Jobs）同時兼任Pixar和蘋果電腦的行政總裁達九年時間。 97年喬布斯帶着Pixar 行政總裁的身分重返他有份創立的蘋果，他花了好幾年時間逐步把蘋果變身，推出iPod等一系列破格產品，創造出蘋果今天的盛世。同一時間Pixar做得有 聲有色，成為合作夥伴迪士尼的搖錢樹；06年迪士尼收購Pixar，喬布斯成為迪士尼最大個人股東。論成就，把王維基和喬布斯相提並論，可能有人嫌遙遠一 點，但論創業精神、創意、「硬淨」、「跌低起番身」等質素，形容王維基為港版喬布斯，我認為不過分。看來王維基身兼兩職不一定阻礙他發揮所長。 從 客觀環境分析，以王維基的成就，他不用接手管理亞視來證明自己的能力，相信亦不會是貪圖亞視行政總裁薪金，究竟動機是什麼？我被電台拍檔「陸軍裝」一言驚 醒︰王維基可能是在進行收購前的盡職審查（Due Diligence），即是入去「睇辦」，覺得有得做就注資做大股東，覺得不對路就拍拍屁股走人，美妙之處是可任睇任玩兼有錢收。或者「陸軍裝」看法過分 計算，其實王維基是有心人，憑信念為理想奮鬥。姑勿論動機是什麼，王維基須面對扭轉亞視弱勢的挑戰，我較有興趣是王維基成功機會有幾多。 王 維基宣布加入亞視的新聞發布會，是我見過的發布會中最特別一個。王維基流露澎湃自信，準確掌握傳媒發問的重心，回應時有虛有實、有條有理，一方面令人懷疑 他是否較適合幕前工作，另一方面贏得不少人的尊重。可是，感性尊重始終須讓路予理性分析，我預言王維基走不出前人的失敗下場，線索來自於新聞發布會後亞視 高層合影的大合照。 亞視積弱成因除了是無綫實力太強，主要是控股權經常易手，員工無所適從。過去二十年亞視無時無刻改革，唯一不變的就是不停要變。亞視團隊永遠包括兩類人︰求變改革勇士和萬變中不死，字典裡沒有「我不懂服侍的老闆」的生還者。 王 維基一手湊大城市電訊，一兵一卒，一草一木都在他親身領軍下成長。據聞王維基做事投入，屬落手落腳型領袖，由他去帶領一群受他影響的同事，做起事來自然得 心應手。王維基在亞視須依靠的團隊長期受壓，士氣低落，外間對這團隊的能力評價甚低。在亞視工作，初進去的時候部分人是胸懷大志的改革勇士，但不消一會便 會被現實環境同化為生還者。亞視高層大合照中的生還者，說不定曾經是改革勇士。 王維基以清晰姿態上場，團隊中可能有人真心相信他能扭轉全 局，他應該能享受一個為期數月的蜜月期，期內搞作一浪接一浪，可是當團隊發覺原來轉變其實不大，一切很快便回復舊貌。亞視所面對的對手，除了是不爭氣的自 己，還有無綫這部精密機器；多年來此消彼長，雙方在實力上的鴻溝可能已無法拉近。另一個強勁對手姓「金融」，名「海嘯」。 或者把王維基和喬 布斯相提並論真的不貼切，較傳神的比較是亞視一哥陳啟泰。陳啟泰假如在無綫，他的對手由年青偶像林峯到性格巨星夏雨，源源不絕出現，不要說做一哥，要站穩 一席位也不容易。陳啟泰在亞視這小魚塘是大魚，即使在亞視做一哥也有一定知名度和曝光率，有助他在外邊賺錢，這是一個精巧計算。 假如我是陳啟泰，我望亞視愈衰愈好，因為我志不在此，亞視做得好，必吸引大量年青偶像、性格演員等過檔亞視，到時一哥地位難保。王維基動機假如是「睇辦」，亞視愈做得衰，日後他的入股價就愈便宜。王維基上工後，第一個要接見的員工，應該是陳啟泰。 蔡東豪Tony Tsoi 現任上市公司精電國際行政總裁，港交所上市委員會副主席。他曾任職投資銀行，在《信報》以筆名原復生撰寫財經專欄，對投資及求知有無限渴求，習慣早上四時起床寫作找樂趣。 | ||||||
| ||||||
股權多番易手的亞洲電視，其管理層又再改朝換代。上週四前盈科副主席張永霖及城市電訊主席王維基，分別出任亞視執行主席及行政總裁，本週一部分亞視管理層亦即時「起身」。 如 此突變，全因最大股東香港興業查懋聲家族，對公司已意興闌珊；據知去年他及拍檔以八億元注資亞視，不到一年半已使得乾乾淨淨，又再印證亞視這個無底深潭的 「魔咒」。據張永霖統計，這十數年間，亞視已累蝕五十億元！王維基入主「執靚」亞視，正好讓大股東查家部署甩身，而王維基則可乘勢「o趙起」這間免費電視 台，長遠可入股亞視及將亞視上市。如此的話，亞視既可落實講足十數年的上市大計，亦可讓想做「電視大亨」的王維基，實踐其鴻圖美夢。新舵手簡歷 張永霖60歲離婚兩女 職位：亞洲電視執行主席 董事：中國聯通、泰康人壽及香港興業獨立非執行董事 資歷 1971年：香港大學經濟及政治科學系畢業，同年加入國泰航空，離職前位至副董事總經理 1989年：獲港督衛奕信邀請，借調入政府中央政策組工作 1994年：離開國泰，出任香港電訊行政總裁 2000年：盈科數碼與香港電訊合併為電訊盈科，出任公司副主席 2004年：離開電盈 2007年：在香港電台任唱片騎師，主持節目《張永霖的世界》，標榜只談風月，不談商業。 王維基46歲已婚一子一女 職位：亞洲電視行政總裁，兼城市電訊（1137）主席 董事：城市電訊執行董事、堡獅龍獨立非執行董事 資歷 1985年：中文大學電子工程學系畢業，同年加入IBM電腦公司 1989年：離開IBM，移民加拿大，在當地經營電腦公司 1991年：在加拿大創辦城市電訊 1992年：回流香港，成立城市電訊，搶攻長途電話市場 1997年：城市電訊上市 2008年：中文大學行政工商管理（EMBA）碩士畢業 王 維基及張永霖上週四才宣布入主亞視，並聲言作大刀闊斧式改革；言猶在耳，本週一亞視內部已變天。亞視執行副總裁葉睿宇、管理新聞及公共事務部的高級副總裁 關偉及同屬新聞及公共事務部的副總裁梁家榮，於王、張二人入主後三天，即宣布請辭；工程部高級副總裁何乃賢則申請退休。 高層起身的同時，新 任亞視行政總裁王維基亦於同日中午十二時緊急召開員工大會，向留下來的員工振奮士氣，亞視一員工說：「佢話公司係有重大變動，但唔需要擔心，會引入花紅制 度鼓勵員工，又話未來方向係減少製作劇集，以資訊及新聞為發展重心。」王維基又公開私人電郵地址，鼓勵員工訴說不滿及心聲，並承諾：「會讓員工開開心心過 聖誕及新年。」不過員工都擔心他是在暗示農曆年後會大裁員，弄致公司上下人心惶惶。 據知除梁家榮外，其餘三位離職的副總裁都是被「勸退」 的，導火線在於本週日，王維基與高層舉行的會議。據知情人士透露，當日王要求一眾有數十年新聞經驗的主管，效法○三年才推出收費電視，屬城市電訊旗下的 「香港寬頻」，以低成本及有限資源運作新聞頻道。他並表明留意到新聞部「人手過多」，一名知情人士說：「佢問梁家榮：『知唔知成個新聞部有幾多人，一年使 咗幾多錢？』榮總（梁家榮暱稱）答話：『唔清楚，使咗幾千萬啩！』王即時答道：『係三百幾人呀！一年使一億五千萬！』」 走馬上任改革亞視 由 於會議火藥味極濃，一場可預料的管理層大地震隨之上演。據知在這個多月間，亞視大股東查懋聲家族，倉促找來香港興業獨立非執董張永霖，出任亞視執行主席， 而張永霖則拉攏同業、並計仔多多的王維基任行政總裁，對方即時應允。張永霖於上週三下午三時才與亞視簽約，而王維基更於當晚十時多才在君悅酒店簽約，翌日 再出席記者會，合約暫時未定期限。在簽約前一星期，有亞視員工已見王維基巡視廠房，而張永霖亦跟在一班內地人身後指指點點。 王維基要改革， 步伐果然極速，事關執靚亞視盤數可助他實現「電視大亨」的宏圖大計。在上週四的記者會上，他便誇誇其談：「我仲年輕，有頑強工作能力，即使發夢都喺度工 作……我未做過大亨，俾我發吓夢都得啩？」知情人士透露，王維基一早對傳媒業野心勃勃。「佢曾經多次主動接觸無綫高層，提出入股，想同無綫的收費電視台合 併，籌組新公司。但無綫覺得城電規模細，只得十幾萬客，兼且睇到王維基嘅野心，所以傾唔成。」該知情人士表示，王維基由始至終，都是希望扶持城電，挑戰電 盈地位。「佢搞亞視，其實即係學電盈搞now，如果可以止蝕，就食咗佢（亞視）。」 親身落場睇數 雖然王維基堅稱「無諗過」要 「o趙起」亞視，但業內人士估計，達到收支平衡甚至有錢賺的亞視，最終會被王維基入股，甚至可能借殼城市電訊上市，收歸王維基旗下。現時城市電訊已過了艱 巨的投資期，公司集話音、國際電訊、寬頻互聯網及bbTV收費電視於一身，去年純利一億二千五百萬元，較前升三點三倍，手持現金約四億元。 華 富財經分析員何天成認為，城市電訊的業務已趨穩定，「佢哋去年底推出獨家1G寬頻上網服務及完成鋪設光纖網絡工程後，業務開始上軌道，收費雖然較貴，但睇 番佢今年上半年業績，市場反應唔錯。」現時佔有率僅次於香港電盈，市場接近飽和，無甚大突破，王維基可謂「無後顧之憂」，「佢入亞視?份糧又唔使科水，做 得到就話創造奇蹟；做唔到又可以話亞視積弱太久無得救，真係進可攻、退可守！」一名業界人士說。 而仍屬城電主席，並持股逾五成的他，空降亞視任行政總裁，正可以來個盡職審查，先睇睇盤數。而王維基在記者會上，亦透露了淡出香港寬頻的玄機，「我醒嘅時間返亞視，瞓嘅時間返香港寬頻！」王維基說。 一年焚燒八億 其 實王維基入主，正好給查氏家族一個脫身的機會。去年六月，以發展地產為主的查懋聲家族，以查懋聲及其弟查懋德名義購入亞視一成股份，並同時與無綫前董事總 經理費道宜及荷蘭銀行合組財團，共同收購亞視四成八股權，為亞視帶來八億新資金。不過一年不到，這筆資金已經用完。有行內人士表示，曾聽聞查家拒絕再注資 燒銀紙。「費道宜走之前已使晒嗰八億元，海嘯後，俾蘇格蘭皇家銀行收購咗嘅荷蘭銀行亦縮沙，拒絕注資。」根據公司註冊處記錄，截至今年四月亞視仍有一億一 千多萬元的負債未還，「出面傳因為查家唔再注資，如果亞視半年內無新資金注入，亞視於半年內可能會執笠；最近搵來王維基等加盟，只係想作最後一擊。」一名 知情人士說。 本刊就此詢問仍是亞視股東的陳永棋，他表示不能公開亞視財政狀況，但就說：「查氏家族大把錢，好多cash，係好有實力嘅香港 家族，我無聽聞佢唔想注資。」曾經表示「搞亞視如耕田」，已意興闌珊的陳永棋，對王、張配信心十足，更表明支持兩人改革亞視，「佢哋係橋王嚟o架！赤手空 拳打天下，好有實力，我哋股東好支持佢！有咩橋？你哋留意吓啦！」不過言談間，他亦顯示對費道宜為主的一班舊管理層相當不滿，「佢哋成班用無綫手法管理亞 視，但亞視要嘅係新思維！王維基有個『維』字，啱晒啦！」 無綫舊臣相繼離職 事實查懋聲入亞視後，找來費道宜出任管理層。「費 道宜前年辭任TVB董事總經理時，因為旗下的天視與TVB之間賬目不清，同方逸華反晒面，TVB甚至入稟向費道宜旗下天視追討劇集版權費。」知情人士透 露。由是費道宜倒戈向娘家反擊，主動接觸當時亞視最大股東陳永棋，再拉攏荷蘭銀行和對傳媒有興趣的查懋聲入股。 「費道宜出任亞視行政總裁 後，搵咗好多無綫舊人入嚟，如何家聯、陳灌明及陳文輝等。」知情人士說，查懋聲對組成「耆英團」打硬仗的做法並不贊成。其間亞視換上橙紅色台徽，又投資四 億元增設多條標清及高清頻道，還揼水向無綫藝員部大挖角，但最終只邀得陳彥行、劉綽琪及王賢誌等三、四線藝員過檔。費道宜又推出曾大熱一時的峰煙節目，但 最被睇好，由鄭經翰主持的《也文也武一大班》，收視僅得四點，無法繼承以往《龍門陣》雙位數字收視的戰績。 亞視資金「乾塘」，已投資過千萬 的重頭劇，由無綫前金牌監製鄧特希拍攝，吳啟華及蘇永康主演，原定今年十二月推出的《法網群英》，多次傳出爛尾。「聽講仲有七、八集未拍，使咗咁多錢，亞 視都想拍埋佢，但而家最大問題係主要演員已經冇晒期。」行內人士透露。另一外判予費道宜旗下新視綫拍攝的《勝者為王2008》，每集製作費高達七、八十 萬，亦推出無期，損失慘重。 已故麗新集團前主席林百欣（右三）入股亞視逾十年，不時攜同夫人余寶珠（左二）出席亞視活動，後因在台灣惹上官非，將亞視轉售予封小平等人。（《蘋果日報》圖片） 亞視六度易手 1957年 麗的呼聲（亞視前身）創台，投資四百萬，以收費形式經營有線廣播。 1973年 取得無線廣播牌照，轉型為免費電視，改名「麗的電視」。 1981年 首次賣盤，作價一億二千萬，向澳洲財團出售約六成股權。 1982年 遠東集團邱德根，以一億元收購五成股權，並易名「亞洲電視」。 1988年 麗新林百欣及新世界鄭裕彤，出價四億元買入三分一股權，六年後，林百欣透過增持，成為亞視單一大股東。 1998年 林百欣在台灣牽涉賄賂案遭拘留，同年，「紅色資本家」封小平，夥同商人劉長樂、陳永棋、吳征及黃保欣等人，提出收購，由封小平出掌亞視。 2002年 封小平突然辭職，劉長樂與陳永棋透過今日亞洲購入四成六股份，劉長樂為大股東，陳永棋出任行政總裁。同年陳永棋再買入林百欣三成三股權，成為亞視新主。 2006年 中信集團附屬公司僑光集團擬收購亞視，並一度向行政會議提出申請。 2007年 愛國商人查氏家族，夥拍前無綫董事總經理費道宜及荷蘭銀行，收購亞視近六成股權，由查懋聲出任主席兼董事。 2008年 管理層大換血，費道宜出走，原無綫舊部亦相繼離職，十二月初，前盈科副主席張永霖及城市電訊主席王維基空降亞視，分別出任執行主席及行政總裁。 清剿無綫舊人 亞 視在查家入股後，收視率竟不升反降，愈做愈霉，結果在兩個月前董事會議上，查懋聲宣布「叮」走費道宜及要求查數。在樹倒猢猻散下，去年跟隨費道宜過檔的無 綫舊將「三人組」，亦全部「無得留低」。其中，負責製作的高級副總裁陳灌明，以健康及壓力太大為由，與費道宜同時辭職。而獲安排接替行政總裁的何定鈞，上 月底一度向傳媒表示「冇講過唔做……冇計劃離職」，其實亦一早打退堂鼓。消息人士透露，何定鈞兩個多星期前已開始放假，明年一月正式離職。剩下孤軍作戰的 營運副總裁葉睿宇，上週四仍在記者會上，為新管理班子站台撐場，怎知三日後便宣布辭職。這場「亞視變天」，收視率較亞視的劇集還高。 然而王 維基要將亞視起死回生，也非易事。亞視自邱德根八十年代入股起，數十年來累計已蝕五十億；亞視早前經裁員及緊縮開支後，已經「慳無可慳」，要賺錢還望開 源，不過據廣告界人士說，現時亞視的廣告標價只及無綫的四分一，「無綫黃金時段的廣告套餐要十萬元一個，但亞視的只能收兩萬五千元。」由於入門費低，故吸 引不少內地牌子幫襯，如立白洗衣粉及欖菊蚊香等，贊助亞視節目，但卻令亞視形象及檔次更低，廣告費更無議價能力。 投資界潑冷水 據知王維基近日便曾與市場部開會，要求放棄內地廣告。而亞視在內地的收視率近年其實已不斷下降，到○六年只剩下不足百分之五，第一線地位被後起之秀——中國南方電視台取代，故雖然早於○四年已傾掂落地權，但其實從中收益不多。 亞 視在香港更加積弱，收視率只有百分之二至三，早已被有線電視超越。有中資分析員估計，亞視每日開支達一百萬元，但全年的營業額不到兩、三億，「除了因為廣 告收入少，佢亦唔能夠好似無綫咁，將劇集版權向海外出售，又或自製光碟及紀念品再賺一筆。」而分析員對王、張兩人改革亞視，並將電訊融合電視的說法感到懷 疑，「王維基將自己所謂嘅創意保密，但佢就提到會幫廣告客戶製作廣告及播出，提供一條龍服務，但我睇唔到性質同《宣傳易》有咩分別。而近期業界流行嘅數碼 廣播，要做到高質素嘅內容及效果，講緊嘅同樣係錢。」亞視要縮減開支又要收入有所突破，打破慣性收視兼且要點石成金，任務認真艱巨。 亞視○八重頭劇《法網群英》，陣容鼎盛，有前無綫金牌監製鄧特希及藝員吳啟華（右一）坐鎮，但因嚴重超時超支，多次傳出爛尾。（《蘋果日報》圖片） | ||||||
| ||||||
| 電 訊魔鬼王維基嘅城市電訊（1137）噚日派上學期成績表（中期業績），條數靚靚仔仔，所以業績記者會唔使再咁慳家，終於可重返「金鐘三寶」其中一寶嘅酒店 搞記招，就番班記者唔使撲入葵芳office，連財務總監阿Nick哥黎汝傑都好開心咁話，講咗3年終於可以返中環！先排去完大埔挑戰自己，然後又同「飯 局大師」行埋，成個電視人咁款嘅老王，自然成為焦點，有記者問佢係咪重新歸位，出席業績發佈會（因為上次no show）？ 入亞視冇乜收穫 又 有人問佢啲電視經驗幫唔幫到香港寬頻發展？老王呼寃話上次冇到，係去咗英國主持一個研討會，咁多年只no show過一次咋，所以冇話咩復出唔復出嘅。至於自己喺其他字頭短短嘅經驗，更加唔會話對公司有乜幫助。o依家佢最大挑戰，唔係另起爐灶，而係點樣將公司 分工分得好啲，例如主席就做番主席要做嘅嘢，總之希望公司建立一個長遠團隊，有良好企業管治咁話。但華華相信老王嘅頭號心願，依然係取代8號仔成為寬頻一 哥！ | ||||||
|
||||||
|
城市電訊（1137）老闆王維基多計係人都知，連冧夥計佢都有一手！早排佢又搞咗個新加坡之旅，獎勵369位優秀嘅前線員工。成個團廣州同香港office各佔一半人，唔係講笑，華華睇過啲相，呢個團係「堅」獎勵基層員工o架，連辦公室清潔阿姐都有份！ 講開老王，噚日華華睇見《信報》有篇題為「王維基批無綫『膚淺』 奇招掀視圈世紀戰」嘅報道，據聞老王同《信報》拆唔掂，結果華華就收到老王「回應信報失實報道」嘅官方新聞稿囉！ |
||||||
|
||||||
|
「維基解密」網站（WikiLeaks）令人聞風喪膽，但到底佢哋其實有幾堅呢？ 噚日，佢哋披露一封由美國駐北京大使館，喺同中國高層官員舉行會談之後發出嘅外交電郵，封電郵除咗話中國唔願意將滙率問題，列入雙邊高層會談正式議程之外，仲話中國建設銀行（939）首席經濟學家華而誠，同美國嘅官員講，人民幣兌美元嘅滙率，出年可能會升值達5%。 另 外，華先生仲預測埋人民幣兌美元滙率今年升值3%（之不過人仔至今已經升值3.05%），佢又認同人民幣滙率係人民銀行嘅一項挑戰，即使人行或者會被迫容 許人仔升值，但都只會係漸進式升值，因為國際環境依然疲弱，而且出口復蘇並唔強勁，所以，佢估人民幣喺2011年只會升值5%，兼唔太可能一次升足…… 華華初初睇落，真係幾有爆料feel，但望望吓又有啲似曾相識。唓！今個月建行自己咪講咗，估出年人仔升值5%囉，house view之嘛，有幾咁震撼呢又？ |
||||||
|
||||||
|
好工難求，好人 工更難求，好老闆更加係難難難求！「電訊魔童」王維基嗰檔城市電訊（1137）旗下嘅香港寬頻，噚日宣佈，今年嘅「CXO of the Future」管理人員培訓計劃又開始招生喇，起薪點仲大幅調高60%，由2.2萬蚊加到3.6萬蚊，同政府AO睇齊！Train夠18個月之後，起標每 月有3萬幾蚊，仲有機會做老王（即係集團主席王維基）嘅私人助理，點都無做AO咁悶嘅！ 目標請兩個月底截止報名 老王嘅親信 話，今年已經係第6年搞CXO，年年反應都好熱烈，上年就有793個人報名，無話年年規定要請幾多人，試過有年一次過請咗6個，有一年就一個都冇請，今年 嘅目標係請兩個……如果華華唔係喺社會謀生超過兩年，已經唔合資格，都想即刻趕喺呢個月31號截止報名前申請o架！ 係咪因為老王offer 咁高人工就話佢係好老闆呢？查實唔係咁，華華識咗老王一段唔短嘅日子，都幾清楚佢點對公司上上下下，好多policy都幾得人心o架，好似之前派花紅畀啲 員工（平均係1.9個月），竟然可以畀佢哋將花紅換成假期（半個月花紅換10日），等佢哋多啲時間實現自己嘅夢想，都唔可以唔寫個服字畀老王！ 因為老王咁識do，所以佢寶號好多員工都唔會輕易話走，舊年年尾，佢哋頒「老人牌」，一共使咗113萬蚊，打咗180個金牌（共重96.5盎司），有140個人拎5年牌、30個拎10年牌、10個拎15年牌……咁大家話老王算唔算係好老闆？ 李華華 |
||||||
|
||||||
|
亞視近日的高層變動，較其製作的電視劇更精彩。擔任行政總裁短短十二天的王維基，把亞視內部的千瘡百孔揭露於人前；並銳意抹去「阿爺」的影響力，擺明唔做中央台。他的激烈言行，對連年虧蝕的亞視來說有如晴天霹靂。 而 王維基本週一突然被炒魷，除了因為他聲言學《蘋果日報》，還因下一個開刀目標，是一直跑內地新聞、與中聯辦關係密切的現任新聞總監譚衞兒。中聯辦聞訊後向 亞視大股東查懋聲家族反映，致令王維基「起身」。事件證明，一直甩不掉內地色彩的亞洲電視，其政治包袱之複雜，非王維基等講求實際的人能夠駕御得來。 剛 於上週六度過四十七歲生日的王維基，本週一早上駕着四天前才登記、作為自己賀壽禮物的白色寶馬，施施然來到亞視的大埔廠房返工。這時在廠房內的新聞部，高 層正與一眾員工開會，檢討由王維基下達的精簡人手及提高效益的改革方案。這日部門氣氛肅殺，但中午過後，突然傳來一個消息，令新聞部的人員一齊歡呼鼓掌。 原 來就在這天下午四時多，亞視執行主席張永霖，就亞洲小姐選美問題舉行記者會；有記者提問最後一條問題，了解王維基涉嫌性騷擾亞姐事宜，張永霖突然爆出，王 維基已經請辭。他說：「王維基係由我向查懋聲先生推薦入亞視，不過經連日來合作，我哋處事上有重大分歧。我公布亞視接受王維基辭職！」 管理層口徑不一 而 在同日晚上七時多，數名王維基帶往亞視的女員工將一袋二袋雜物、盆栽，甚至空氣清新機，搬上王維基的白色寶馬坐駕。王隨後亦施施然離開，返回位於葵涌的城 市電訊辦公室。晚上十時他發表聲明，表示未有提出請辭亞洲電視行政總裁一職，又指有關請辭並不存在，故他並未接到任何董事局接受他請辭的通知。 王 維基的「請辭」，令亞視中人大感驚訝，事關在過去的週六、日，王維基仍跟高層員工開會，討論新聞部改革方案。一名亞視員工說：「由於關偉同梁家榮（分別任 新聞及事務部高級副總裁及副總裁）已經離任，於是由署任嘅新聞總監譚衞兒出席會議。王維基在會上透露，要成立一個新的財經台。每隊共四人的製作隊，由現時 製作一個節目，加重工作至製作兩、三個節目；並表示每人每日做足十八個鐘也可以，真係實行做爆你！」 由於王維基「起身」事出突然，他之前擬 定的改革方案便有待張永霖收拾殘局。事實王維基與張永霖的合作關係並不穩固，二人過去在電訊業是敵對的同行，這次在亞視攜手合作，有記者曾私下諮詢張永 霖，他都說不能背着王維基發表意見，因雙方有協定，合作信心好緊要。但今次張永霖卻選擇在有關亞姐賽果涉嫌造馬、將成立獨立委員會調查的記者會上，順帶透 露王維基請辭一事。 數落亞姐藉辭炒魷 而張永霖亦為王維基的離職，安排了一個解釋。 原來在上週六，王維基接見一 班亞姐，竟然將她們的胸部一一「解構」。據說他見到以「警鐘胸」見稱的落選亞姐袁小曼時，劈頭第一句就問：「你個波係咪假嘅？」袁小曼毫不示弱答道：「我 係真嘅，仲好軟熟，使唔使摸吓？」到問及上圍只有32A的亞軍顏子菲，她說自己仍有進步空間時，王維基即反問：「有乜進步空間？個波大啲呀？」 本來這次會面只有一班亞姐及有關職員知道，但過程卻在上週六流傳到報章上，令外間認為王維基有性騷擾亞姐之嫌 。而一班慘被亞視高層奚落的亞姐，據知更因亞視缺乏資金而只獲獎品，未有發放獎金，在貨不對辦之下，部分亞姐憤而不肯簽合約履行任務，索性返回原居地。 據知情人士透露，亞姐事件只是一個幌子，死因實與新聞部的改革有關。 學《蘋果》出事 「佢一入亞視就衝着新聞部而來，左彈右彈，差唔多連化妝set頭都要管埋！不過最令阿爺唔安樂嘅，係佢要求新聞部學蘋果（日報）做新聞。」消息人士稱。 原 來王維基辦傳媒多年，一直對搞新聞有興趣。九九年，城市電訊推出網上電視台iChannel。舊伙記憶述，他每週跟四十多名新聞台員工開會，又一同午膳閒 談，「佢記得晒我哋四十幾個人嘅名，成日話新聞最緊要好睇同簡單。」有次傾到如何報導六四燭光晚會，他當眾指自己八九年移民加拿大（九二年回流香港），因 為「一個連學生都殺嘅政權，點能夠信得過？叫大家放膽去報導。」二千年，他有意用iChannel新聞台的資源辦免費報紙，參與討論的包括現時 《AM730》社長盧覺麟及執行董事馮振超，但數月後科網潮爆破，計劃難產。
事隔多年，王維基終有機會掌舵亞視，馬上對亞 視被封為「中央十台」大表不滿，更在員工大會上開口要「去中央化」；他說：「我哋唔想再做中央台！呢條係死路！我唔係話做中央台好定唔好，但呢個唔係我哋 長處，就算有北方資金，我都唔會攞；如果要北方支持，你搵第二個人（做行政總裁）啦，唔好搵我！」他又炮轟新聞部副總裁梁家榮監製的《主播天下》包裝「太 娘」。連番言論，令新聞部「一、二哥」關偉及梁家榮先後請辭，以表不滿。 可是王維基變本加厲，繼續要求新聞部「變」，希望亞視再「做一啲電 視台唔會做嘅嘢」，例如學習《蘋果日報》般「追高官、鬧政府」。「佢話鬧政府先有市場，應該好似蘋果咁追訪啲高官，逼佢哋去牆角，市民先鍾意睇。」一亞視 員工透露。本週日他向全體員工發出一封電郵，最終成為自己的催命符。該電郵下令員工「不可以『創作』新聞；……不可以根據『據悉』、『據聞』、『消息人士 透露』的內容撰寫新聞。」及「不應以個人判斷去預測某新聞對社會的後果，來決定新聞報導與否。」王的說話正是衝着亞視新聞部總監譚衞兒而來。 欲斬中央愛將 於 去年十月入職亞視的譚衞兒曾任無綫新聞主播，○三年與上司黃應士遠赴科威特採訪美伊戰爭，黃戴着防毒面具、譚用濕毛巾掩面而名噪一時。祖籍廣東省湛江市的 她，先後畢業於湛江第一中學及廣州中山大學外文系，後來港當英文《虎報》記者，再任無綫總採訪主任，專責國內新聞，與中方關係良好，跟中聯辦主任助理陳山 玲相當稔熟，被視為「北京通」。 自上週一梁家榮辭任後，譚衞兒兩日後便署任新聞部副總裁一職。接近王維基的消息指，譚經常以不署名的方式報 導中聯辦官員立場，猶如將亞視定位為中方喉舌；又認為有新聞部員工抱怨被迫淡化泛民主派的新聞，應該由她來孭鑊。消息指，自譚衞兒頂替梁家榮空缺後，王維 基即向新聞部和節目部打探譚的工作能力。他亦深知譚衞兒後台強硬，故週日發出教記者如何做新聞的電郵後，晚上曾向其他管理層探聽若然她離職，會否招來「惡 果」，想不到「探子未回報」，翌日王即收到「逐客令」。
原來王維基連番「壯語」，「阿爺」甚為不悅。據悉，中聯辦有官員上 週私下與亞視大股東查懋聲家族接觸，表達對亞視新路向的「關注」，「中聯辦無開口叫佢炒王維基，不過查家在親中政圈打滾多年，點會唔明佢哋意思？雖然查家 好想透過王維基幫亞視起死回生，不過權衡輕重後，最後都係揀犧牲王維基。」知情人士表示。 本刊訪問亞視股東之一的陳永棋，他亦坦言王維基改 革操之過急：「我都喺佢『辭職』之後，先由張永霖致電通知我。我諗張永霖有辦法搞o架嘞！王維基係有才幹，但性情就劇烈啲同魯莽啲，有時佢講嘢都好過 分！」他更點名指梁家榮在新聞界很有地位，不應在員工會議上質疑對方能力及以言論對他作出侮辱。 中央喉舌達賴唔出鏡 事實上， 北京一直很想操控香港傳媒，尤其在○三年七一五十萬人上街遊行後，中央把香港「亂局」歸咎於傳媒鼓動。翌年立法會選舉前，阿爺開始監控香港輿論，兩支咪黃 毓民及鄭經翰先後受壓封咪，連接手開咪的李鵬飛亦收到「午夜兇鈴」（前港澳辦處長成綬三深夜致電李，查問他的妻女近況，李當時感到受威脅，決定封咪）。 而 亞視雖收視低迷，但始終是免費電視，有一定影響力，中央自九十年代開始便欲抓緊。當時富豪林百欣入主亞視，新聞部已開始自我審查；九四年亞視新聞部購入一 部由西班牙電視台拍攝的《八九天安門事件》紀錄片，但被管理層禁播，六名資深新聞工作者潘福炎、李玉蓮、盧永雄、徐佩瑩、劉國華及呂雲生請辭以示抗議，人 稱「亞視六君子」。 其後林伯把亞視股權出售予全國政協常委陳永棋，以及一班大陸商人封小平、吳征和劉長樂，亞視更加「染紅」，新聞部開始報 喜不報憂，例如七一回歸就「大做」升旗、唱國歌，五十萬人上街遊行就「有咁細做咁細」；跟中央長期敵對的台灣前總統陳水扁，亞視只稱呼他作「領導人」便 算。 去年親中的查懋聲家族入主後，新聞部更加緊貼北風，有傳被北京視為反動分子的西藏精神領袖達賴喇嘛，更不能在亞視新聞「出鏡露面」。 根深蒂固難改變 亞 視過去多次易手，都抹不掉內地色彩，而且年年虧損嚴重，已經難分因果。估計過去十數年內已虧損五十億元，除了邱德根年代曾有過短暫賺錢的日子。曾在亞視出 任監製十多年，數年前離職的趙汝強憶述說：「邱德根當年真係好慳，我哋只能申請廁所多一卷廁紙，而且申請到已經好好！不過佢俾好大自由我哋，令我哋做得好 開心，因為佢知道我哋走咗，無可能搵到更加平嘅製作人。」其後林百欣接手，到封小平年代，亞視節目開始「內地化」，一班製作人見難發揮創意，都相繼辭職。 趙汝強補充說：「王維基要改革，遇到嘅阻力同困難一定好大好大，因為亞視嘅文化同風氣實在太耐，難以短時間內改變。」 性格決定命運 今年四十七歲的王維基，一向以出位見稱，與他同在中大修讀行政人員工商管理碩士（EMBA）的同學也說：「佢上堂時候經常紮行馬，甚至當面批評教授無料到，在班中人緣普通，兩星期前的畢業禮也沒有出席。」他出身於小康之家，八九年與太太移民加拿大後，創辦電訊公司，於九二年只帶着三十多萬元回流返港搶攻長途電話市場，創辦了城市電訊公司。為了要打低當時電訊業一哥香港電訊，他打價格戰，推出互聯網「今世唔收」計劃，還令當時的長途電話費用由每分鐘收費十二個三，下調至每分鐘三毫子。 他亦語不驚人誓不休，推出的「魔鬼一六六六」和特寫一位穿短裙女士的雙腿上寫着「任你上」的廣告，令市場嘩然，廣管局亦指收到很多有關投訴，但結果是城市電訊吸納了七十萬客戶，即當年每三戶就有一戶是城市電訊顧客，而城市電訊亦於九七年上市，當時市值七億多元。本週二城市電訊收報一元零一仙，總市值六億九千多萬元。曾揚言「醒嘅時候返亞視，發夢嘅時候返香港寬頻」的王維基，相信要留守香港寬頻在葵涌的大本營，才能繼續發其「電視大亨」的春秋美夢。 王維基履歷 47歲，已婚，一子一女 職位：城市電訊（1137）主席 董事：城市電訊執行董事、堡獅龍獨立非執行董事 資歷： 1985年：中文大學電子工程學系畢業，同年加入IBM電腦公司 1989件：離開IBM，移民加拿大，在當地經營電腦公司 1991年：在加拿大創辦城市電訊 1992年：回流香港，成立城市電訊，搶攻長途電話市場 1997年：城市電訊上市 2008年：中大行政人員工商管理碩士（EMBA）畢業，出任亞視行政總裁十二天 王維基在亞視的十二天 4/12 ︰王維基開記者會，宣布擔任亞視行政總裁。 7/12︰與新聞部開會，批評新聞部包裝，提出走娛樂化路線。 8/12︰多名高層包括葉睿宇、關偉、何乃賢及梁家榮劈炮。 9/12 ︰管理層要求部門主管交出裁員名單，預料裁減180人。並召開員工大會 11/12︰將員工大會片段放上YouTube網站，表示幫大陸佬打工是一條死路。 12/12︰接見亞姐，並質問對方胸部真偽。 14/12︰向員工發信，指管理層要有誠信，負責任。 15/12︰張永霖指於下午四時已接受王維基請辭，但王維基於晚上十時發聲明指未有提出請辭。 十二天CEO王維基語錄 1. 我返咗五日工，我發覺我鍾意呢度多過自己一手創辦嘅公司。 2. 我嚟做三樣嘢，唔做中央台、做香港人嘅電視台及帶領大家走出困局。 3. （亞視）差到無可再差！差在無文化、無目標、無溝通。大家唔知自己做緊咩！ 4. 知唔知成個新聞部有幾多人，一年使咗幾多錢？係三百幾人！一年使一億五千萬！ 5. 我入嚟呢度做因為呢度衰到貼地，先有機會V形反彈。 6. 我對員工只有一個要求，一個字「Change」。 7. 香港人係有尊嚴，唔應該成日問阿爺攞嘢，好丟面。 8. 就算有北面的支持，我都唔會要。 9. 我唔係嚟呢度做六個月，嚟攞啲錢，我係有好長遠方案。 10. 如果有人想亞視走紅色中央台路線，請你離開。 節錄自4/12記者會及9/12的亞視員工大會 亞視六度易手 1957年︰麗的呼聲（亞視前身）創台，投資四百萬，以收費形式經營有線廣播。 1973年︰取得無線廣播牌照，轉型為免費電視，改名「麗的電視」。 1981年︰首次賣盤，作價一億二千萬，向澳洲財團出售約六成股權。 1982年︰遠東集團邱德根，以一億元收購五成股權，並易名「亞洲電視」。 1988年︰麗新林百欣及新世界鄭裕彤，出價四億元買入三分一股權，六年後，林百欣透過增持，成為亞視單一大股東。 1998年︰林百欣在台灣牽涉賄賂案遭拘留，同年，「紅色資本家」封小平，夥同商人劉長樂、陳永棋、吳征及黃保欣等人，提出收購，由封小平出掌亞視。 2002年︰封小平突然辭職，劉長樂與陳永棋透過今日亞洲購入四成六股份，劉長樂為大股東，陳永棋出任行政總裁。同年陳永棋再買入林百欣三成三股權，成為亞視新主。 2006年︰中信集團附屬公司僑光集團擬收購亞視，並一度向行政會議提出申請。 2007年︰愛國商人查氏家族，夥拍前無綫董事總經理費道宜及荷蘭銀行，收購亞視近六成股權，由查懋聲出任主席兼董事。 2008年︰管理層大換血，費道宜出走，原無綫舊部亦相繼離職，十二月初，前電訊盈科副主席張永霖及城市電訊主席王維基空降亞視，分別出任執行主席及行政總裁。 張永霖指王維基已辭任亞視行政總裁。 |
||||||
2011-9-29 NM
由王維基統領的CTI城市電訊，近日瘋狂向無綫搶人，觸發一班多年被公司打壓的低薪員工逃亡潮。為壯大聲勢，王 維基集中火力撬走無綫一線藝人，據知，佘詩曼、鄧萃雯、林保怡、陳鍵鋒、馬德鐘已經講掂數以天價過檔。銀彈 攻勢雖然有效，只可惜，無綫大部分一線小生花旦均被長約綁死，想走都難。重點挖角
由於明年本港會增加三間免費電視台，「一哥」無綫電視難再獨領風騷。近日，城市電訊創辦人兼主席王維基便 向無綫高調宣戰，展開連串挖角行動，向藝人打主意外，更成功撬走大班幕後製作人員，已落實轉會的編劇、編審、監製多達五十人。日前，王維基公告從無綫挖走三十一名編劇和編審，以及逾二十名監製及導演，這班幕後精英，過去曾製作多部高收視劇集，包括李添勝監製的《巾幗梟雄》、唐基明監製的《怒火街頭》、黃偉聲監製的《學警狙擊》以及劉家豪監製的《溏心風暴》。重創對手核心製作班底，王維基還暗諷無綫管理不善：「我見三十二個人，三十一個人話走，你諗吓係乜嘢士氣？」說話相當氣燄。成功打散無綫幕後陣營，但要打響開台頭炮，王維基更加要落足彈藥，招攬無綫的當家小生花旦。為表誠意，他親自聯絡挖角藝人，再相約面談過檔條件，據知，三個月前他已鎖定目標，向一姐佘詩曼埋手。「雖然阿佘同無綫簽咗三部部頭約，依家只拍咗一部，但王維基都唔介意，因為佢有收視保證，能夠有阿佘坐鎮，等同剃咗無綫半條眼眉，依家阿佘經理人Tina，已經去咗CTI經理人部門返工。其實王維基都有打無綫經理人部門主意，因為班經理人手上有客又有藝員，所以佢出到多無綫一倍人工撬人。」知情者說。
無福消受
在無綫拍劇，阿佘每集薪酬約兩萬，王維基卻以八倍價錢斟她過檔，相比要山長水遠返大陸賺人仔，能夠在香港拍劇也有同等待遇，令阿佘亦為之心動。其實以阿佘為首離巢過檔CTI的無綫藝人，還有林保怡、馬德鐘、湯盈盈、姚子羚、伍詠薇、周家怡等，不過，野心不小的王維基希望再下一城，連日繼續搶攻，落力向快將約滿，以及正式約滿的鄧萃雯、陳鍵鋒入手。「鄧萃雯同陳鍵鋒近期長駐內地拍劇，講求效率嘅王維基就親自飛上大陸搵佢哋傾，除咗錢，佢開嘅條件比無綫寬鬆，簽約有彈性，可以逐個劇簽，務求成功搶人！」一名內部員工說。不過一切亦非易事，皆因無綫大部分一線藝人，均被長約綁死。「無綫人工奀，班小生姐仔騷錢個個得幾千蚊，最大收入係靠廣告、出席活動，最慘係無綫為咗控制成本，開廠拍劇要喺指定時間完工，○三收工，○七就要開工，連瞓覺都無時間。好似胡杏兒咁，最近就買咗部七人車出外景，一有時間就匿上車瞓，個個只係敢同朋友呻，依家有機會，點會唔想走？但家陣班一線全部由新人做起，仲有五年八年約在手，唔可以話走就走，幾多錢都無福消受。」知情者說。
方姐下旨 CTI開火宣戰，身為無綫揸弗人的方逸華，近日下旨要高層收拾爛攤子。「方姐講到明，係人都要留，留得一個得一個，仲即時調任陳志雲睇番經理人部門，同李寶安、梁乃鵬一齊穩定軍心。本身睇開經理人部門嘅樂易玲，更加被點名要收拾殘局，因為之前王喜、馬浚偉開炮鬧佢無誠意傾約，搞到要陳總親自出馬，先搞得掂。」綠葉有得揀 唔單只前線藝員成為挖角目標，一班多年來在無綫受到冷待，做到一肚氣的綠葉，趁住難逢一閏的電視台大戰，集體逃亡。在第二輪挖角潮中，王維基主攻一班老戲骨，包括岳華、駱應鈞、姜大偉、元華、黃淑儀及馬海倫等。這班元老級藝人在無綫人工奀又不被重視，銀彈攻勢加埋親自約見誠意牌，的確易於令這班做到一肚氣的綠葉心動。無綫實施節流政策，更向一眾綠葉開刀，要他們接受一年一騷或者一年六騷的待遇。因為騷價只有三至四千元，除非不斷獲派工作做到爆騷，否則年薪就只得幾千至兩萬，早前炮轟公司，才獲續約的李國麟，公開指無綫係難民營，演員食唔飽、著唔暖。
做定功課 為了一擊即中，據知王維基以過百萬年薪利誘「綠葉王」駱應鈞、艾威、郭鋒等人轉會，即使在無綫當大茄多年的陳榮峻，都被開出年薪五十萬的過檔條件，待遇差天共地。「就算同班甘草傾過檔，王維基事前都會做功課，佢見陳榮峻，竟然可以講番《怒火街頭》嗰幕監獄戲，仲記低網民對陳榮峻嘅好評；甚至唔使班綠葉四圍走，將份合約速遞去佢哋屋企，相比無綫嗰種愛理不理態度，淨係尊重兩個字，都贏晒。」知情者說。
白手興家 王維基（Ricky），現年49歲，1985年畢業於香港中文大學電子工程學系，同年加入IBM電腦公司，從事香港市場推廣及分銷電腦產品，89年移民加拿大，92年回流香港成立「香港城市電訊」，經營廉價回撥式長途電話業務，打破當時「香港電訊」的長途電話壟斷局面。97年城市電訊（1137）於香港聯合交易所掛牌上市，王維基擔任公司主席，兩年後城市電訊再於美國Nasdaq（納斯達克）指數掛牌上市。同年王維基成立香港寬頻，之後出任亞洲電視行政總裁，上任12日對外宣布離職，並改任亞視顧問。
唔易走
王維基大灑金錢搶人，但無綫一眾阿哥阿姐，大都有幾年合約綁身，想走都難，不過，王仍未罷休，他致電仍有 合約的藝人時坦言，表示可以「先簽約、後過檔」，就算要等多三、四年先甩約轉會，都無問題。
鬧爆 無綫刻薄藝人不算新鮮事，只是昔日一台獨大，個個為保飯碗敢怒不敢言，隨着免費電視台加入，加上國內的娛樂事業發展蓬勃，藝人啞忍多年的怒火猶如計時炸彈，一觸即發。陶大宇有指陳志雲碌人情咭，力邀昔日有收視保證的藝人回巢，曾與無綫有合約糾紛的陶大宇表示：「點秤無綫俾錢都唔會高過出面。」
馬國明無綫出現挖角潮，「有排」都未滿約的馬國明，對於外闖搵真銀恨到出口：「好想返內地拍劇，內地劇薪 酬好，間中拍一部都好。」
林保怡率先與無綫斬纜，唔做親生仔，連藝員合約亦拒簽。「其實真係要諗吓點樣對自己好啲，先去做一個決定
，做得唔開心咪走囉！」
李國麟效力無綫廿年，滿約後無綫不聞不問，李國麟破口大罵：「喺呢度，好似置身埃塞俄比亞難民營一樣。」 馬浚偉效力十八年，主演劇集高收，無綫當冇件事，令他有意提前解約，「我今次真係死心。」 陳鍵鋒在無綫十二年，但並非親生仔，無緣被力捧，去年唔再續約，接受有線訪問時大吐苦水，「剩係有得提名
男配角，好似當我甘草咁……到上年（2010年）連提名都冇！」、「叫我上去傾，一去到就隊張約俾我去簽……好似《婦女新姿》（《都市閒情》）煮晒咁，整定俾我簽。」
馬德鐘合作十八年，決定不再續約，馬太化名「江你」在微博代夫炮轟TVB：「這種顛倒生活和源源不絕的應酬
，鐵人都死！」、「這公司不顧員工休息，好冇人性，只有像福島核反應堆才可將它化解。」
|
||||||
|
近日最喜歡的新聞 headline，就是對王先生的SMS攻勢冠名「電視茉莉花革命」，未贏收視便已贏口碑。尤其我們一班對時尚題材比較有興趣的朋友來說，兩家免費電視的 養眼程度早已跌至雙底衰退吧。所有競爭都想有進步，雖然如果有其他的頻道出現九、十、十一姑娘劇集我絕對歡迎，但以王生的冒險樂園精神，相信除了《義海新 世紀》之類的電視劇外，你有260多小時節目要填，我希望在此可以向王生提出我們的「時裝台」夢幻清單，希望有多些選擇參考參考：復古劇 參考美劇新潮流：打造復古劇潮流。不是梳奧米加頭就話係60年代，而是像最新美劇《The Playboy Club》般，一面懷60年代的舊，有vintage復刻靚衫可看，一面又大灑小性感，描述當年花花公子俱樂部的故事。王生一向沒有包袱，可以考慮以《義 海》班底「大富豪」加80年代復古Mugler或大shoulder pad華衣，最好邀得九姑娘擔演，因她一個人都可以擔起做星星月亮太陽了吧。 真人騷 無論大家喜歡與否，真人騷已經成為外國甚至內地的電視節目一大主流。如果你看過國內一檔真人騷節目，叫太太們派出老公們進行各樣格鬥，你就明白我的意思。 香港人太保守了，暫時能上枱的只是功夫或唱歌。王生其實可以參考美國Bravo有線頻道的絕招：就是將真人騷設定在任何有關時尚的行業裡，set好個 camera擔張凳仔，坐喺度睇你哋點鬥餐死。所以由髮型屋《Tabatha's Salon Takeover》、豪宅地產經紀《Million Dollar Listing》、健身教練《Work Out》到室內設計都有《Million Dollar Decorators》。王生大把預算，其實設定一個stylist真人騷、或化妝師真人騷都幾好呀，起碼一定有一班星級化妝師同學捧場。 俾錢時裝人搞 如果有膽量，可以效法Moncler老細。他的Moncler版圖越做越大，有副線交俾Thom Browne玩，又有guts夠膽死同攝影大師Bruce Weber講，我俾Moncler單品俾你，你盡拍啦……結果他真的拍咗條片出來，過程中不問詳情。當然由當年Calvin Klein大片聖手的Bruce Weber哥操刀，無論內容是什麼都好都必會吸引大批觀眾。只要那時裝人名聲夠響、或內裡有名模靚人的話，就可以了吧。所以王生，可以考慮花上一筆錢給時 裝人拍大片，只要有型人型衫，我們一定不會轉台。 超越志雲飯局 王生如果想打這一張牌，容許我提議一個只有你才合適做的清談節目：「維基解密」。 作者：黃大衞廣告人妄想一天成為時裝人， 天天化名ifeelcool在微博上亂發時尚噏風。著有iPhone App「everyone時尚博客私故事」、「30 Days Thoughts From Fashion Legends」等。微博網址：http://t.sina.com.cn/ifeelcool |
||||||