| ||||||
如果話大美人李嘉欣陀B夠晒幸福,咁佢家姐李嘉明都不相伯仲!今年先下嫁畀身家豐厚嘅眼鏡大王顧毅勇,繼而幫老公生埋個「慈姑椗」,已經係雙喜臨門兼可喜可賀。 喜事唔好畀佢停,聽講,佢哋最近仲豪擲4800萬,買咗跑馬地利安閣一個2800呎嘅豪宅單位,每呎萬七銀,豪爆! 又一次證明,政府無論出幾多招都好,貴樓,一樣係有客買o架! 聽聞李嘉明同老公早排已經四周圍睇樓,主攻跑馬地一帶,合和(054)喺樂活道嘅新盤樂天峯,佢哋都好似有睇過。 今次睇中黃泥涌峽道嘅老牌豪宅,樓齡都有成45年,出晒名實用,咁大間屋,生多個B都仲有大把位走動啦! | ||||||