| ||||||
已故台塑企業董事長王永慶同二房楊嬌所生嘅細女、「台灣女首富」王雪紅,日前喺瑞士達沃斯舉行嘅世界經濟論壇上,講到佢同老竇嘅軼事。做得女首富,老竇剩落畀佢嘅,最多梗係錢啦,但王雪紅話,爸爸除咗留低大筆錢畀佢,最重要係教佢好多做人同做生意嘅道理。 新地二佬隔岸得真傳 王 雪紅話,阿爸生前一直認為財富係屬於社會,而佢就要成為社會嘅僕人,好好咁管理財務,令更多人受惠。呢句嘢華華之前都聽過,講嘅就係新鴻基地產(016) 郭氏兄弟嘅二佬郭炳江。另外,王永慶又教個女做人一定要勤勞樸實,但王雪紅就話,要做到勤勞就容易,只要自己努力不懈就得,但係樸實呢家嘢就好難做到,尤 其當一個人有錢嘅時候,好難抗拒引誘。不過每次佢見到誘惑時都會拒絕,仲成日同自己講,人嘅基本需求好低,只要相信自己可以拒絕誘惑,事業先可以令人受 惠。王雪紅又講起細個時嘅軼事,佢話阿爸王永慶曾經喺公司,當住一大班人面前狠狠咁鬧佢。事緣王雪紅當初到美國讀大學,因為冇好認真咁睇爸爸寫嘅書,當爸 爸問佢書入面嘅內容,佢梗係答唔出啦,就係咁俾老竇鬧佢「爛泥巴,你是黏不上牆壁的」,廣東話即係「爛泥扶唔上壁」。畀老竇鬧鑊甘,令佢o依家做嘢唔會隨 便亂嚟。李華華 |
| ||||||
上 個月,英國首相白高敦向有錢人開刀,新財政預算案,提出向高收入人士徵收50%入息稅,呢招劫富濟貧,嚇走唔少有錢佬。好似英國地產大亨Sol Zakay,就二話不說退出英國市場。《星期日泰晤士報》報道,Sol Zakay將會唔做Topland Group同埋UK Topland主席兼行政總裁,改為出任集團離岸母公司嘅顧問。 報道仲話,Sol Zakay成家人已經「移民」去咗以色列,仲會喺母公司Gibraltarj(直布羅陀)總部留一段時間;至於佢兄弟Eddie,將會成為英國業務主席, 長駐英倫。Zakay對於好多人嚟講,可能比較陌生,但記唔記得舊年滙控(005)出售英國金絲雀碼頭總部泡湯,立即再開bid,惹嚟唔少財團青睞,其中 一個就係Zakay兄弟。據講,Zakay對滙控英國、美國同埋巴黎3個總部都好有興趣喎。 |
| ||||||
曾經揚言只會為有錢人起樓嘅內地「大嘴」發展商、北京華遠集團董事長任志強,經常語出驚人,佢對樓市嘅睇法,自然同一般老百姓唔同。好似樓價咁,佢前日出席喺南京一個房地產論壇時,就話內地樓價實在「太便宜」,因為中國人太有錢咁話。 華遠:買樓睇需要非樓價 賣 花自然讚花香,任志強話樓價平,皆因佢對未來樓市走勢睇得好好,佢話唔少城市出現「嚴重供不應求」,土地供應不足、房屋供應不足;預期下半年將會有「六個 加速」,包括投資增長、新開工面積、竣工面積、房價等。喺論壇中,有記者問佢下半年係唔係買樓好時機?呢位內地任總話,「問甚麼時候買房是最愚蠢的問 題」,佢話買樓唔應該睇樓價高低,而睇自己需要同埋負擔能力,有需求但冇能力供樓就唔好買,否則會背負好大嘅負擔,生活質量會下降。佢又話,長時間嚟睇, 十年廿年房價永遠係看漲,倒轉嚟睇,十年廿年前最貴嘅樓房亦比o依家嘅平。「長期來看,越晚買越貴;只有投資客會根據利息和盈利來看今年買還是明年買。」 咁講法,即係叫你有能力o依家好買樓啦,果然係發展商口脗!李華華[email protected] |
2010-04-01 AD
| ||||||
好耐以前在馬場 有一名靚女之中嘅靚女陪老公拉頭馬,左丁山旁邊有一位女士睇住電視,有感而嘆:「男人使乜靚仔吖。」講得好大聲,周圍馬迷都笑起嚟。 上星期 某天晚上睇英文電視,好似係Hallmark,唔記得清楚咯,因為成晚揸住遙控係咁㩒,有時唔知轉咗去邊一個電台。一位心理學教授搵數男數女做實驗,叫佢 哋遮住頭髮互望對方,揀心儀伴侶,之後唔遮住頭髮,再揀一次,原來大家都認為「高分」嘅男女,非常搶手,但呢個實驗較難明白。再做一個實驗,將三張俊男相 片放大,在街邊訪問美女,叫美女根據相貌吸引力評分,譬如A男得八分,B男得六分,C男得四分。跟住在相片加上資料,講明年薪職位,再去請其他美女評分, 嘩,即刻現形,A男原來只有年薪二萬三千美元,評分立即大降,C男有年薪二十三萬美元,即時被美女視為好有吸引力,呢,男人有錢就英俊o架嘞,靚女陪富豪 拉頭馬之事,已可證明,不過電視台引述之實驗,更加確證呢一點而已。 中國古代有一個故事,就係鄒忌諷齊王納諫,出自《戰國策》,故事前一半 係咁嘅: 鄒忌修八尺有餘,形貌昳麗,朝服衣冠窺鏡,謂其妻曰:「我孰與城北徐公美?」其妻曰:「君美甚,徐公何能及公也!」城北徐公,齊國 之美麗者也。忌不自信,而復問其妾曰:「吾孰與徐公美?」妾曰:「徐公何能及君也!」旦日,客從外來,與坐談,問之客曰:「吾與徐公孰美?」客曰:「徐公 不若君之美也!」 明日,徐公來。孰視之,自以為不如,窺鏡而自視,又弗如遠甚。暮,寢而思之曰:「吾妻之美我者,私我也;妾之美我者,畏我 也;客之美我者,欲有求於我也。」 嗱,妻子愛老公,故此話鄒忌靚過徐公,妾侍怕鄒忌,話佢靚過徐公,客有求於鄒忌,擦鞋話佢靚過徐公。現代 美女愛銀紙,故此無論老少,總之係富豪級數嘅,在靚女眼中,一定靚過周潤發,有款過畢比特。男人又如何呢?CNN網站有一篇文章,出自加州大學(三藩市分 校)一位女心理學教授手筆,佢研究男人腦袋,指出男人天性係鍾意望靚女,即使與老婆食緊飯,眼睛亦會跟住餐廳內之性感女郎流轉,女教授勸天下太太:「唔好 嬲,let a guy be a guy!」 | ||||||
2010-04-20 AD
| ||||||
《福布斯》公佈 最新「小說裏的富豪排行榜」。結果,吸血殭屍愛情故事《Twilight》中的角色Carlisle Cullen榮登榜首。孫柏文問:「乜唔係聖誕老人同唐老鴨咩?」 聖誕老人沒有上榜,因為福布斯將傳統故事踢出排名,否則,來來去去都只會 是同一班歷史人物上榜。福布斯小說富豪排名第二位,就是唐老鴨的史高治叔叔(Scrooge McDuck)。從名字我們都知道,史高治是蘇格蘭人。排行榜表面,反映了美國流行文化,也可見到美國對財富觀感和轉變。 Carlisle Cullen,是個有300歲、長生不老的吸血殭屍。在福布斯編輯的幻想中,Carlisle靠多年投資眼光、複合利率的強大威力,以及擁有的古玩畫作, 低調地過富豪生活。可是,紙包不了火,金融海嘯後美國政府稅局終於發現了這個財閥。 第二名的史高治叔叔,是我們這群六、七十後心目中守財奴 的代表人物。但原本的史高治叔叔是個靠開金礦和探險致富的人物,算是亦正亦邪。 史高治守財奴代表人物 第三位的Richie Rich,是一個曾在80年代,令當時只有4、5歲的世民,探入了哲學的卡通人物。當時電視在放學後時段播放過這齣卡通片,這個繼承了大筆遺產的小富翁, 甚麼問題都用錢解決,但甚麼問題也由錢而來。可能也因為故事的主題太深奧,電視台最後都是貼近市場口味的卡通。 十大還有《Iron Man》的Tony Stark(第四位),《Watchmen》的Ozymandias(第六位)和《Batman》的Bruce Wayne(第七位),這些都是美式武俠漫畫角色。說到底,有錢不是問題,有錢而且會伸張正義,更加是英雄人物。像Iron Man和Batman,是靠錢和科技「搭夠」,合美國口味。 如果中文小說有同樣的排名,會是哪些人上榜?印象中,中文的小說家好像不太願意 講有錢人家的生活。對嗎? 利世民 |
| ||||||
世界盃落幕,好 多人就好失落,不過,有一個人例外,佢就係亞博科技(8279)老闆孫豪(圖右三)!孫總話,根據國家體彩中心數據顯示,由6月7日到27日嘅3個禮拜, 競彩(類似香港足智彩)分別突破1.2億、2.59億同3.13億人仔,幾乎每個禮拜增加1億人仔,平時每星期得一、二千萬人仔。o依家世盃踢完,亞博啲 生意都唔會太受影響,事關亞博同國家體育總局合作舉辦嘅首屆中國官方電子競技賽,下個月就喺深圳舉行。孫總話,全國有3億網民玩online game,其中4500萬人係電子競技愛好者;如果競技賽反應理想,配合埋周邊產品,硬件、軟件、賽事廣播同品牌贊助等等,可以發展一個龐大嘅產業鏈。o 依家亞博係官方賽事獨家承辦商,比賽收入會同體育總局五五分賬,有錢分又有得威,你話孫總點會失落? 李華華 |
http://thesnowshine.blogspot.com/2011/01/blog-post_19.html
呢個世界係咪有錢大晒,絕對係,點解咁講呢,以INTEL為例子,一年研發支出係50億美元,換算為港元即約400億港元,400億港元可以做什麼 呢,例如買下差不多一家青島啤酒,或者是六家佐丹奴,不好意思,這只不過是一年研發成本,INTEL幾乎每年都投入同等漸進的成本來開發芯片,簡單來講呢 部份營運支出或隱性價值可以買下好多家青啤或者佐丹奴,如此看來其實港股真的並不算什麼,人家只要其中一項支出已經可以把大多數港股歸為旗下了。
但你會說如果他不作研發支出就會被對手淘汱,事實也許會如此,但我只是在此一個引論罷了,要數風流資本家,不得不提華潤,當年雪花啤圍攻 西川藍劍啤,用的就是以本傷人的技法,如何呢,我簡單講講,初期雪花和藍劍啤談收購,藍劍倚重自己是西川地頭蛇不賣帳,於是兩軍開火,藍劍照舊,雪花就幾 乎割喉式傾銷,低於成本價發售,你要知道消費者見到平野老虎要試,一試又可以喝,又比藍劍便宜很多,初期還好,日子一久,藍劍發現銷售量大不如前,正如啤 酒行業是靠量來為生的,先量後質的企業,藍劍這下如何打下去呢,人家華潤有的是錢,錢不夠可以到資本巿場配股抽水,藍劍只能問股東拿錢,一個股東又怎能與 世界匹敵,所以最後藍劍死死氣地被雪花收購了。雖然這一仗可以是雙方都處於損失的局面,雙輸但亦體現了助擁巨資超屈機的一個典型特晶,哦,原來買股要買龍 頭都係事出有因的。
都係個句話,有錢大晒,一個行業只要你玩晒,你根本唔愁無錢賺,有時候暫時性的虧損不是問題,只要能有長遠價值,唔死就可以了,以前香港 方向報和生果報,靠的也是這一條法門,錢多其他報紙又吹佢唔漲,你賣得貴過佢地又無人睇你,賣得平你又自己打死自己,嬲嬲地不如摺埋返屋企飲啤酒算,結果 表面慘勝實際風光了,成行幾乎比佢地玩晒咁滯。這些屈機例子將來會繼續發生,問題係你買了屈機企業還是被屈的企業就見人見智了,比我我死都選擇屈人機個 個,被屈個個只有被強姦的份兒,無得選擇。我唔想比人姦,你想唔想呀?