ZKIZ Archives


思捷股價跌董事照加薪 中環在線:潘祖明袋3344萬走人 李華華

2008-09-26  AppleDaily

思 捷(330)上個月尾公佈業績,盈利遜於市場預期,股價第二日應聲急挫近兩成,股價至今累積插水三成六。雖然思捷股價狂瀉不止,但仍然無阻班高層財源滾 滾,根據思捷噚日最新公佈嘅年報,主席兼集團行政總裁高漢思08年度人工急升兩成三,取7266萬港銀,當中以基本薪酬、津貼連實物利益升幅最誇,增加 1.4倍,至1289萬銀,花紅就增加近13%,至4588萬銀。

至於7月尾突然劈炮唔撈,前副主席兼財務總裁潘祖明,08年度人工就勁升近41%,賺咗3344萬銀,當中同樣以基本薪酬、津貼連實物利益嘅升幅最多,急升近75%,收取1053萬銀,花紅就上升三成,至1147萬銀。

接班人呼之欲出

睇 番思捷年報,潘祖明02至08年,合共行使咗3次購股權,行使股數合共120萬股,涉及金額3105萬銀,以噚日思捷51.55蚊收市價計算,呢批股份值 6186萬銀,賬面賺3081萬銀。家吓潘祖明仲揸住395萬股思捷,佔發行總股數0.32%,賬面值2.04億銀。至於思捷幾年前銳意栽培Thomas Grote同Jerome Griffith,話希望二擇其一做思捷接班人嘅,家陣睇嚟勝負已分,接班人呢個位睇怕都係Thomas嘅囊中物。點解華華咁講?因為Thomas 08年人工急升五成,至3412萬銀,相反Jerome就跌咗約13%,只到1116萬銀,同Thomas人工相差成兩倍,兼且今年思捷業績 會,Thomas又有得上台講嘢,睇嚟思捷接班人非君莫屬。[email protected]
PermaLink: https://articles.zkiz.com/?id=2354

中環在線:身家縮四叔父子加薪幫補 李華華

2008-10-24  AppleDaily


恒 指連續3日腳軟,插水超過1500點,恒地(012)噚日喺港股風雨飄搖嘅日子公佈最新年報,四叔李兆基間寶號出年報,華華當然馬上揭吓。撇除物業重估唔 計,恒地08年度核心盈利倒退3%至57億銀,但高層荷包繼續腫脹,董事局總薪酬勁升近四成至1.6億銀。單計四叔三父子,合共咗3574萬,升近兩 成。金融海嘯殺到,恒地股價今年急跌63%,四叔手上嘅恒地股票賬面縮水至310億,三父子人工加兩成當幫補吓啦。

二公子加足44%

四 叔三父子薪酬以大仔家傑最高,08年1390萬銀,不過只係微升6.6%,都叫做跑贏通脹;老竇四叔算係最少,只攞1051萬銀,增長18%。論人工 升幅以二公子家誠最高,加咗44%至1133萬銀,絕對係老竇賺錢仔享福。家吓二少女細老婆嫩,平民百姓養一個細路都要400萬銀,佢位小公主晞彤梗唔止 呢個數,再加埋個靚老婆要keep住咁靚,一闊三大,人工加四成相信都係勉強夠家用。

林高演4156萬

恒地08度總共有 7300名員工,較上個年度請多咗百零人;集團人工支出13億銀,上升23%。一眾高層中,仍然以四叔左右手、副主席林高演薪酬最高,達4156萬銀,勁 升57%,當中花紅佔3400萬,四叔三父子加埋都唔及佢,足以證明林生喺集團嘅地位。緊隨其後嘅係執董葉盈枝,3452萬銀,急升66%,係一眾執董 中薪酬升幅之冠,當中花紅勁升近九成,至2806萬銀。同系公司恒發(097),噚日同時出咗最新年報,經過業務重組後,四叔三父子冇再喺恒發支薪,只係 象徵性各收2萬銀董事袍金。

恒地高層08年人工

‧執董:李兆基薪酬:1050.9萬元升幅:18.2%

‧執董:李家傑薪酬:1390.1萬元升幅:6.6%

‧執董:李家誠薪酬:1133.3萬元升幅:43.7%

‧執董:林高演薪酬:4156.0萬元升幅:56.9%

‧執董:葉盈枝薪酬:3451.6萬元升幅:66.3%

資料來源:恒地年報

李華華

[email protected]
PermaLink: https://articles.zkiz.com/?id=2834

中環在線:彤叔外孫加薪1.6倍 李華華

2008-10-28  AppleDaily



鄭 裕彤外孫杜家駒都係新創建執董,08年加薪1.6倍,839萬銀;購股權福利佔一半,達420萬。但人工仲未追到老竇杜惠愷嘅1017萬銀,身兼副主席 兼執董嘅杜惠愷,今年薪酬升兩倍。杜家駒律師出身,03年主動提出,加入新創建幫外公彤叔同老竇手,05年12月晉升為執董。06年杜家駒收289萬銀人 工,第二年加薪11%至321萬銀;唔計420萬購股權福利,今年佢嘅實際人工係419萬,升幅三成,絕對跑贏通脹。家吓杜家駒主力負責新創建嘅港口、物 流同水務業務。
PermaLink: https://articles.zkiz.com/?id=2883

中環在線:旺旺主席加薪45% 李華華

2009-03-21  AppleDaily






 

早前入股亞視嘅台灣富商蔡衍明,佢任主席兼大股東嘅中國旺旺(151),本年報噚日出咗。年報披露,蔡主席貫徹「你旺、我旺、大家旺」嘅旺旺精神,喺去年純利大升30%嘅情況下,自己人工(95%是花紅)就加咗45.34%,去到大約3440萬元。

至於成個董事會嘅總薪酬,就去到4027萬,升幅大約係37.17%。其實,蔡主席可以大拿拿咁攞成十億銀現金入股亞視,對佢嚟講,區區三、四千萬都只係細數。

講開又講,旺旺本年報封面好鬼抵死,由佢隻吉祥物旺仔擔正,舞緊一個雙目有神嘅獅頭,藍底金字,襯到爆!
 



PermaLink: https://articles.zkiz.com/?id=6791

中環在線:騰訊加薪親疏有別主席增53%獨董減7% 李華華

2009-04-01  AppleDaily







 

經濟不景,唔少上市公司老闆同高層舊年都要減薪,同公司共度時艱。噚日騰訊(700)公佈08年年報,舊年高層人工就不減反加,主席馬化騰更大幅加薪53%,至1423.6萬人仔(約1614萬港銀)。

執董唔使共度時艱

雖 然騰訊舊年盈利勁升78%至27.8億人仔,但喺咁嘅時勢高層大幅加薪,點都會惹嚟小股東蜚語。除咗馬化騰人工勁升超過五成,公司兩名執行董事張志東同劉 熾平,亦獲加薪超過三成,張志東人工上升37.3%至1048.7萬人仔(約1189萬港銀)。至於劉熾平就加少啲,都加32.2%至2684.6萬人仔 (約3043港銀),當中有2019.5萬人仔屬股份酬金。3名執董合共得5156.9萬人仔(約5845港銀)。

馬化騰1600萬人工

不 過,今次騰訊只有管理層加薪,外人就冇咁好福利嘞,公司3名獨立非執行董事李東生、Iain Bruce同Ian Stone就要以大局為重,各人齊齊減薪7.4%,至51.4萬人仔。其實,馬化騰舊年開始密密減持騰訊,先後喺場內13次沽貨,持股量由12.76%減 至11.85%,合共套現6.7億港銀。騰訊舊年末期股息連特別股息,合共派35港仙,以馬化騰持有2.1億股計,共收息7363.8萬港銀,計理 1600萬港銀人工,舊年合共賺咗7.6億港銀,有咁嘅收入,華華真係唔恨得咁多。李華華[email protected]



PermaLink: https://articles.zkiz.com/?id=7115

中環在線:榮太子炒燶外滙照加薪 李華華


2009-04-15  AppleDaily





 

炒 燶外滙累計認購期權「I kill you later」狂蝕過百億元嘅中信泰富(267),噚日公佈前主席榮太子榮智健主政嘅最後一份年報,封面雖然強調「實力為本」,但配相嘅香港中信大廈總部商 場中庭,睇落好似墮落深淵咁,唔通預示咗榮氏年代告一段落?真係該煨!華華睇番榮太子最後嘅《致股東書》,署名日期係3月25日,當時仲未「面對現實,選 擇退位讓賢」,文句依然對未來充滿希望,可惜警方喺4月初介入調查,溫家寶爺爺又揚言絕不手軟,呢位叱咤一時嘅風雲人物先無奈咁自「叮」。

中信20董事冇花紅分

講 到尾,炒燶外滙令中信泰富08年成績表首次見紅,20位董事一律「連坐」冇花紅分,之不過,單計薪金加津貼同實物收益,大部份嘅涉案主角都逆市有進賬,榮 智健舊年就多14.64%至368萬銀;阿仔榮明杰仲誇張,多45.54%至163萬銀;阿女榮明方雖已降職處分,但因為唔係董事,搵幾多毋須公開。至 於公職王兼前董事總經理范鴻齡,亦多14.29%至344萬銀。不過,有份喺外滙合約簽名嘅莫偉龍,08年遭減薪2萬大元至206萬,唔知算唔算係人間 悲劇?李華華[email protected]
 



PermaLink: https://articles.zkiz.com/?id=7354

中環在線:王傳福逆市加薪86% 李華華


2009-04-20  AppleDaily





 

全 球汽車業面臨嚴冬,美國三大車廠同日本豐田都陷於困境,不過,獲股神畢菲特旗下巴郡入股嘅比亞迪(1211)就做咗逆市奇葩。比亞迪上年得到股神賞識入 股,成為一時佳話,上年生意仲多咗兩成幾,華華喺佢哋新鮮出爐嘅年報度,見主席王傳福亦身價大升,薪酬由07年嘅180.7萬銀(人民幣.下同)升咗 86%去到08年嘅336萬銀,多咗155.3萬銀。雖然王傳福人工大增,但另外兩位同佢一齊創辦比亞迪嘅非執行董事呂向陽同夏佐全,只係繼續15萬薪 酬;股東亦未有受惠,即使業績唔錯,但董事會建議唔派末期息。王主席唔通唔擔心被人話有福不能同享!



PermaLink: https://articles.zkiz.com/?id=7518

集團瘦身減夥計人工 南早太子女加薪兩倍 李華華


2009-04-22 AppleDaily





 

大馬糖王郭鶴年個女郭惠光,上年尾接阿哥郭孔演棒,坐正做經營《南華早報》嘅SCMP集團(583)揸fit人,隨即有大動作,幫公司裁員瘦身。

年紀輕輕嘅佢(30歲出頭),手起刀落先裁員30人,再一刀切全體(月薪2萬銀以上員工)減薪最少5%。不過,噚日南早出年報,華華一睇薪酬表,發現郭小姐並未同甘共苦噃,逆市照加薪,而且加幅超過兩倍!

阿哥郭孔演斗零唔收

南 早08年業績較前年同期倒退六成幾,噚日出年報,阿哥郭孔演喺最後一次嘅《主席函件》話:「在(08)年中,本集團開始受到日益嚴峻的經濟狀況所帶來的衝 擊。」上個月,郭小姐更向全體員工發信,話廣告收入受金融海嘯影響,為節省開支,月薪2萬銀以上嘅員工,分層減薪5至12%,直至今年底,而10萬銀以上 嘅管理層,就要減足12%o忝。叫班員工減薪時情理兼備,已經退下火線嘅郭孔演亦一個仙都唔要,連董事袍金都冇,但南早太子女嘅人工就不減反加(又或者已 經減咗,但加多過減,所以唔多覺),加嘅花紅事小,只係多咗25.9萬銀,底薪就加得和味,由07年44.3萬銀勁加到151.8萬,多咗成百萬,即係總 薪酬加足2.2倍去到198.3萬銀。本嚟升職兼坐正做阿一,加薪都係理所當然,但比重同員工減薪差天共地,班夥計唔知會有乜感受呢?李華華 [email protected]



PermaLink: https://articles.zkiz.com/?id=7524

中環在線︰吳光正懶理業績差照加薪 李華華


2009-04-24  AppleDaily





 

噚 日輪到會德豐(020)公佈年報,主席吳光正舊年人工加15%至2931.9萬銀,佢兩名左右手李唯仁同吳天海,亦分別加薪11%同10%。舊年會德豐盈 利倒退超過五成,但吳光正人工就由2544.5萬加到2931.9萬銀,當中底薪升7.8%至1505.6萬銀,花紅更大增17%至1400萬銀。老臣子 李唯仁亦唔失禮,人工由1082.2萬增至1204.5萬銀,當中底薪同花紅分別佔492.5萬同700萬銀。

吳天海人工加一成

不過華華最有興趣係吳天海份糧,雖然佢舊年人工加一成至1380.6萬銀,但當中佢喺有線寬頻(1097)嘅人工,就縮水7.6%至693.2萬銀。咁又係嘅,舊年有線業績係上市9年嚟首次「見紅」,身為當家嘅佢又點能夠唔減少少做啲嘢呢。



PermaLink: https://articles.zkiz.com/?id=7528

东莞知名家具厂千人要求加薪未果


http://www.nbd.com.cn/newshtml/20100302/20100302045702575.html


每经记者  严翠  发自深圳

        近日,东莞知名的家具制造商、东南亚最大的家具制造商之一——东莞大岭山台升家具制造有限 公司  (以下简称台升家具)数千名工人停工,要求加薪。昨日  (3月1日),《每日经济新闻》记者从员工及公司方面了解到,公司目前已经恢复生产,但 并未给员工加薪。

        “我们公司50%以上的员工超过40岁,辞了职又不好找工作,不辞吧,一天工作12个小时每月也就1800元左右。”台升家具一位中层干部昨日对《每日经济新闻》记者讲述。

        2月26日,台升家具数千名员工早早进厂打卡,却又纷纷离开了……顿时,台升家具A、B、C三条生产线均陷入停产状态。这些员工只有一个诉求:加薪!

        “说实话,与同行以及同地区其他公司相比,我们公司工资确实偏低。”在台升家具工作多年的一位中层干部汪源峰(化名)告诉《每日经济新闻》记者。

        “2 月28日,已经有部分员工去上班了,今天几乎全部上班了。”汪源峰昨日对《每日经济新闻》记者说,公司普工底薪只有770元,基本上每天除了白天上班8小 时外,晚上一般会加班3~4个小时,而如果周末两天都加班的话,那么一个月才能勉强拿到1800元工资,而且吃住公司都不包。

        “你 认为工资低就辞职,去别的公司嘛。”台升家具董事长秘书邱敏哲昨日在接受《每日经济新闻》记者采访时也如此表示,“这些要求加薪的人完全是无理提要求,公 司的工资待遇都符合国家相关规定。”邱表示,台升家具工资比同行部分企业低,是因为公司规模太大,不敢轻易加薪,同时公司加班的情况也已经向当地劳动局报 备了。



PermaLink: https://articles.zkiz.com/?id=14445

Next Page

ZKIZ Archives @ 2019