ZKIZ Archives


推銷不講心 左丁山

2010-03-15  AD





 

到太古廣場吃午 飯,碰到衍生工具專家證券E,只見佢笑容滿面,唔似淨係食得開心咁簡單噃。傾多兩句,證券E話銀行是日放工前會宣佈花紅發放詳情,佢既緊張,又有期望,而 所謂緊張,係分三個月吖,六個月吖,還是十二個月花紅而已。二○○九年股市自三月九日陷最低潮後,迅速反彈,衍生工具(主要係窩輪)成交大增,啲大銀行收 入如豬籠入水,做窩輪最大嗰幾間,收入以億美元計,純利有幾多,佢哋先至知道,如以「豐厚」嚟形容,一定冇錯嘅嘞,故此證券E坐定粒六等收銀。

但 金融海嘯之後,未必一定可以即時收齊現金花紅噃。據左丁山得知,銀行為咗留住人才,亦為咗應付監管當局關注,派花紅會以股代現金,以可先換債券代現金,分 期發放,如果即時辭職,就當自動放棄,除非提早幾個月通知,但要轉工嘅話,要對方(新公司)等幾個月,攞嚟講啫,人哋要即時用人,點會有耐性等你幾個月先 至過檔。呢種派花紅招數,就係阻止員工跳槽嘅方法。

衍生工具如此好景,唔怪得滙豐最近加緊宣傳,聽講渣打銀行正在準備加入,硬闖窩輪世界, 睇嚟必有一番劇鬥。一間本來做得唔錯嘅歐資銀行最近好似較為低調,市場人士話呢間銀行為祖家監管規條所困,遲遲未能派花紅,於是條生產線立即放慢手腳,做 嘢冇以前咁落力喎。做證券生意就是如此,冇花紅,冇佣金而只係收一份人工嘅話,必定搵唔到有料到及有鬥志之人加盟。

做證券與做產品 Sales並無不同,大家都係志在推銷產品啫,一個推銷窩輪,一個推銷雪櫃或廣告,並無分別,只不過前者賺多好多錢而已。老友記安森在成為好成功嘅美股經 紀之前,就曾經推銷過計算機、打字機、電訊機,無論賣乜產品,最緊要嘅就係賣得越多,收入越多!斷不可以做又三十六,唔做又三十六。奇怪嘅係,香港仍然有 唔少公司堅持Sales「無佣金制」,令人不解。
 



PermaLink: https://articles.zkiz.com/?id=14741

馬場不講馬 左丁山

2011-11-23  AD

上星期日馬場有級際賽事舉行,為十二月十一日國泰航空香港國際 大賽之前嘅本港參戰馬嘅檢閱賽,結果賽前一致睇好嘅三隻大熱門馬,分別係千二米「盈綵繽紛」,千六米「雄心威龍」,二千米「加州萬里」,全部敗下陣來,馬 迷(包括左丁山)輸到面青。唔,今年香港馬能否在國際賽揚威,頓生疑問。
因有大賽事,廂房內人頭湧湧,左丁山岳頭岳腦睇電視播沙圈實況之際,俾一 位前輩一手捉住:「喂,搵人幫阿 Henry打氣呀!」左丁山笑住答:「睇跑馬就識少少,睇特首競逐,點有資格幫人攞票呀,我又唔係吳康民。」前輩嘆一聲:「亨利嘅對手好沙塵㗎,我好記得 董生競選連任之時,鄭維健搞挺董大會,我都有去做茄喱啡,點知入到貴賓房,因為早到,房內只有佢喺度,佢竟然問我: What are you doing here?我估唔到佢會咁問,呆咗一呆,之後立即掉頭走人,董生啱啱行入嚟,拍我膊頭,請我返入去,我瞪咗佢一眼,現在都記得。如果佢做咗特首,我怕連禮 賓府條街都唔敢行過去!」
咦,九年前嘅事,前輩仍然記得咁清楚,說之猶有氣未消,唔怪得話要挺亨利,不過佢又唔係選委,唔知點樣去挺。回頭見到退 休大賓架,講起競選,佢話:「我連選委都唔敢去選,怕做咗選委,都唔知投票俾邊個,兩個都咁熟,好難做嘅!」
講政治已經麻煩,參與其事就更加麻 煩,以後五個月冇日得閒,譬如幾乎逢有賽馬都見到嘅 F大姐,呢日廂房內竟然不見芳蹤,後來見到佢位好老公力奇哥哥,問一問,力奇話:「佢話有正經嘢做,唔得閒嚟馬場,叫我自己一個人嚟!」唔係呀嘛,前一個 月見到F大姐,佢相信話:「星期日我要去馬場,唔得閒同你做嘢嘅噃!」競選呢回事,由開始至投票日,係 24小時工作,全天候準備作戰嘅。F大姐係公關界前輩名人,二十幾年前在公關界已名震一時,現在從安逸退休生活中走番出嚟,打最後一場公關大戰,咪話唔辛 苦。

PermaLink: https://articles.zkiz.com/?id=29549

只講價格不講價值可以嗎?

網誌分類:股票經
網誌日期:2017-05-19

昨天駕車載太座去買菜,又巧合地在大氣電波聽到一個財經節目,嘉賓主持正在回答聽眾有關股票的提問。

我聽了一會,發覺嘉賓主持回答的內容,幾乎全部都是依靠圖表或技術分析,談談短線買賣操作的合適價位,哪個價格可以買入,升到哪個價格應該沽出,連公司做甚麼生意、競爭優勢或業務前景等基本面都隻字不提,更遑論要說出現時股票的估值屬於高估、低估還是合理?

心想:這些只講價格,不講價值的投資建議,對散戶有益嗎?真的能夠為他們賺錢?聽眾聽完這些投資建議之後,會照單全收?還是會自己再做功課研究一下?我充滿疑惑。

散戶千萬不要把股票市場看成是遊樂場,更不要把股票投資看成像打遊戲機般容易,誤以為自己身手不凡,可以隨意把握短線買賣的時機,這可能只是一廂情願的想法。實際上,股市是一個非常凶險的鱷魚潭,危機處處,散戶想行捷徑,不勞而獲,隨便「打電話問功課」便可以賺錢,難矣!

根據「80/20法則」,最終能夠在股票市場賺錢的投資者只有兩成,其餘八成的投資者(相信大部份都是散戶)都是虧本的。假如你想成為少數的勝利者,我認為應該學好基礎分析,了解公司的內在價值,而不只是集中在價格的變動。


PermaLink: https://articles.zkiz.com/?id=249790

習「七不講」書被追問最多

1 : GS(14)@2016-06-20 05:34:37

【本報訊】銅鑼灣書店過去出版多本涉中國政治敏感書籍,到底哪本觸動「強力部門」神經?林榮基說扣押期間最多被追問是巨流傳媒出版有關國家主席習近平「七不講」的書,他有推薦讀者看,認為書中消息準確。內地記者高瑜前年被控境外非法提供國家機密罪,正涉及她抄錄習的「七不講」文件。所謂「七不講」,是指不講普世價值、新聞自由、公民社會、公民權利、中共歷史錯誤、權貴資產階級及司法獨立。另有一本受關注的書,林榮基記不起全名,「乜嘢習近平20年…」。2015年10月廣度書局曾出版名為《習近平二十年執政夢》(圖)。銅鑼灣書店前職員胡志偉早前指桂民海因2014年主編名為《中央軍委大洗牌》惹風波,林稱不太清楚;外界揣測失蹤案與未出版的《2017中國巨變》有關,林稱書未出版,對方無查問。■記者陳雪玲





來源: http://hk.apple.nextmedia.com/news/art/20160620/19661728
PermaLink: https://articles.zkiz.com/?id=302166

Next Page

ZKIZ Archives @ 2019